skol
Kigali
startimes

Abantu 41 bakize Coronavirus mu Rwanda haboneka abayirwaye bashya 12

Amakuru   Yanditswe na: Dusingizimana Remy 17 July 2020 Yasuwe: 3692

Kuri uyu wa Gatanu tariki ya 17 Nyakanga 2020,Abantu 12 basanganywe Coronavirus mu Mujyi wa Kigali mu bipimo 3,432 byafashwe bituma umubare w’abamaze kuyandura bose bayanduye ugera ku 1,485, mu gihe 41 aribo bakize basezererwa mu bitaro.


AMAKURU MASHYA YA CORONAVIRUS MU RWANDA KURI UYU WA GATANU:

Abanduye ni 1485 (Barimo 12 bashya)
Abakize ni 811 (Barimo 41 bashya)
Abakirwaye ni 670
Abantu bane bamaze kwitaba Imana
Ibipimo bimaze gufatwa ni 203 790 (Ibipimo bishya 3432)

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda muri rusange basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Imwe muri robo zazanywe mu Rwanda yitwa Urumuri yashyizwe ku Kibuga Mpuzamahanga k’indege cya Kigali ikazajya yifashishwa mu bikorwa byo guhangana n’icyorezo cya Koronavirusi ( Covid- 19) birimo gupima umuriro.

Ni mu gihe Sosiyete Nyarwanda ikora ubwikorezi bwo mu Kirere “RwandAir” iri hafi gusubukura ingendo, ku wa 1 Kanama 2020 mu birere bimwe na bimwe byo mu bihugu byamaze gufungurira abanyamahanga imipaka.

Mu ntangiro z’ukwezi kwa Gicurasi ni bwo Leta y’u Rwanda yatangiye gukoresha ikoranabuhanga rya robo (robots) mu bigo bivurirwamo abanduye icyorezo cya Koronavirusi (COVID-19) mu rwego rwo kwirinda ibyago byo kwanduzanya.

Ubuyobozi bw’Ikigo k’Igihugu gishinwe Ubuzima (RBC) buvuga ko izi robo zipima umuriro, zigakurikirana uko abarwayi bamerewe ndetse zikanabika amakuru yose y’ubuvuzi bakorerwa.

Robo iyoborwa mu buryo bw’ikoranabuhanga ikinjira mu cyumba cy’umurwayi, igafasha abaganga gufata amakuru yose bakeneye ku murwayi batari kumwe na we harimo gufata ikigero cy’ubushyuhe buri mu cyumba aryamyemo, ikigero cy’umwuka mwiza uri mu cyumba aryamyemo, ibyago byo kwandura ku muntu muzima uhinjiye, gufata umuvuduko w’amaraso y’umurwayi n’ibindi.

Robo Urumuri ifite ubushobozi bwo gupima abantu bari hagati ya 50 na 150 mu munota umwe, ikaba yitezweho kugira uruhare rukomeye mu gufata ibipimo byinshi bishoboka mu gihe gito.

Izi ndi robo u Rwanda rufite zirikwifashwishwa mu guhangana n’icyorezo cya Covid-19 zahawe amazina y’Ikinyarwanda, Akazuba, Ikirezi, Mwiza, Ngabo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Covid-19 yahitanye abantu 7 mu Rwanda abandi 204 barayandura

Minisiteri y’Ubuzima yatangaje ko uyu munsi tariki ya 23 Mutarama...
23 January 2021 Yasuwe: 4346 0

Hatangiye igikorwa cyo gupima abaturage ibihumbi 20 mu tugari twose two mu...

Abaturage basaga ibihumbi 20 bo mu tugari rwose two mu mujyi wa Kigali,...
23 January 2021 Yasuwe: 3931 0

Abantu 3 bishwe na COVID-19 mu Rwanda handura 273 bashya

Minisiteri y’Ubuzima yatangaje ko uyu munsi tariki ya 22 Mutarama...
23 January 2021 Yasuwe: 4814 0

MINISANTE yashyizeho uburyo bworohereza abaganga n’abarwayi bagorwa kubera...

Minisiteri y’Ubuzima iratangaza ko yamaze gushyiraho uburyo bwo korohereza...
22 January 2021 Yasuwe: 3919 0

Covid-19 yishe abantu 9 umunsi umwe mu Rwanda handura abandi...

Minisiteri y’Ubuzima yatangaje ko uyu munsi tariki ya 21 Mutarama...
21 January 2021 Yasuwe: 4955 0

Abandi bantu 5 bahitanwe na Covid-19 mu Rwanda handura 312

Minisiteri y’Ubuzima yatangaje ko uyu munsi tariki ya 20 Mutarama...
20 January 2021 Yasuwe: 4790 1