skol
Kigali
startimes

Abantu 41 banduye Covid-19 mu Rwanda barimo abashoferi bambukiranya imipaka

Amakuru   Yanditswe na: Dusingizimana Remy 23 September 2020 Yasuwe: 1675

Minisiteri y’ubuzima yatangaje ko uyu munsi tariki ya 23 Nzeri 2020,abantu 41 basanzwemo Coronavirus mu bipimo 2,273 byafashwe, bituma umubare w’abamaze kwandura uba 4,779.


Abanduye barimo ab’I Kigali:12 (bapimwe mu bibasiwe kurusha abandi), Nyagatare:26 (abatwara amakamyo yambukiranya imipaka), Nyamagabe:3.

Uyu munsi kandi hakize abantu bashya 4 bituma umubare w’abamaze gukira iki cyorezo bose uba 2,995, abakirwaye ni 1,757.Abamaze gupfa bose :27.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Umubare w’abahitanwa n’icyorezo cya Covid-19 muri Leta Zunze Ubumwe za Amerika ukomeje kwiyongera aho ubu wageze ku bantu ibihumbi 201, aho kuva muri Nyakanga biyongereyeho ibihumbi 50. Ni ibintu Perezida w’iki gihugu, Donald Trump yavuze ko biteye ubwoba ariko amakosa ayashyira k’u Bushinwa.

Uku kwiyongera kw’abapfa kwagaragaye ku wa 22 Nzeri, ahanini kwaturetse mu kwiyongera kw’abarwayi muri Leta zitandukanye zirimo North Dakota na Utah.

Leta ziza imbere mu kugira umubare w’abarwayi benshi ni California na Texas zifite abarenga ibihumbi 700, Florida ifite abarenga ibihumbi 600, New York ifite abarenga ibihumbi 400 na Georgia ifite abarenga ibihumbi 300.

Ubwo iki gihugu cyabonaga ubwiyongere budasanzwe bw’abapfa, Perezida Trump yavuze ko ari ‘ibintu biteye ubwoba’ ndetse yumvikana avuga ko u Bushinwa ‘bwagakwiye kuba bwarahagaritse iyi virusi’.

Perezida Trump yakomeje anenga abavuga ko ntacyo ubuyobozi bwe bwakoze mu kurwanya iki cyorezo avuga ko iyo ari uko biza kuba bimeze haba harapfuye umubare munini urenze uyu.

Ibi Trump abivuze nyuma y’uko uwo bazahangana mu matora yo kuyobora iki gihugu, Joe Biden, aherutse kumvikana avuga ko aho iki cyorezo kigeze Abanyamerika byatewe n’amakosa y’umuyobozi wabo.

Yagize ati “Kubera ibinyoma bya Trump n’ubushobozi buke, mu mezi atandatu ashize twagize igihombo gikomeye cyo gupfusha Abanyamerika benshi mu mateka.”

Uretse umubare w’abishwe n’iki cyorezo wiyongereye n’uw’abacyandura nawo ukomeje kugenda uzamuka aho kuri ubu basatira miliyoni zirindwi.

Isi yose irugarijwe

Si Leta Zunze Ubumwe za Amerika gusa zugarijwe n’iki cyorezo kuko umubare w’abamaze kucyandura ku Isi hose urenga miliyoni 31 mu gihe abo kimaze guhitana barenga ibihumbi 900.

Mu bihugu bindi byazahajwe n’iki cyorezo harimo u Buhinde bufite abanduye barenga miliyoni eshanu, Brésil yanduyemo abarenga miliyoni enye n’u Burusiya.

Ku mugabane wa Afurika, Afurika y’Epfo niyo iza ku isonga mu kugira umubare munini w’abanduye Covid-19 aho babarirwa mu bihumbi 600 mu gihe abo imaze guhitana nabo barenga ibihumbi 16.

Iki cyorezo kandi gisa n’icyamaze kongera kugira ubukana ku mugabane w’u Burayi kuko imibare y’abandura iri kugenda izamuka mu bihugu nka Espagne, u Bufaransa, u Bwongereza, u Butaliyani n’u Budage.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble FIFI

    U RWANDA KWIRINDA TWARI KUBISHOBORA, ARIKO MU KARERE KA RUBAVU BAMWE MU BAYOBOZI BI BANZE BAKINGIYE I KIBABA ABITWA ABACORACORA BAKAMBUKA UMUPAKA BAKORESHEJE INZIRA ZITWA PANYA BAZANA IMARI BAKABAHAHO, HARI NABO ABATURAGE BAGIYE BATUNGIRA URUTOKI UBUYOBOZI BUKICA AMATWI, AHO BYAVUZWE CYANE NI MU MURENGE WA GISENYI, MU KAGARI KA MBUGANGARI, UMUDUGUDU W’UMUTEKANO AHO UMUGORE YAMBUTSAGA ABANTU BWACYA AKAZA GUTWARA ABANDI ARI NAKO BAGARUKA BYAVUGWA BABAYOBOZI BATI ABO NIBAGARUKA BAZAJYA MU KATO BANAKURIKIRANWE N’UBUTABERA NKABAKWIRAKWIJE CORONAVIRUS MU BANTU, BYAHE SE KO NUMAZE KUGWIZA AJIJISHA AGACA MUKATO BIKARANGIRA YAMARA KURUHUKA AGAKOMEZA, BAYOBOZI BAVUZWE HARUGURU NIMWE MUMARISHIJE ABANTU

    1 month ago

Inzindi nkuru

Abantu 18 bakize Covid-19 mu Rwanda abandi 7 barayandura

Minisiteri y’Ubuzima yatangaje ko kuri uyu wa Mbere tariki ya 26 Ukwakira...
26 October 2020 Yasuwe: 830 0

Nyamasheke: Umugabo yagiye kwiba itaka mu kirombe kiramugwira...

Umugabo witwa Fatisuka Jean Pierre wari utuye mu Mudugudu wa Mutusa mu...
26 October 2020 Yasuwe: 899 0

Abantu 08 biganjemo abo mu mujyi wa Kigali banduye Coronavirus

Minisiteri y’Ubuzima yatangaje ko kuri uyu wa Gatandatu tariki ya 24...
24 October 2020 Yasuwe: 1263 0

Abantu 35 biganjemo abo mu nkambi y’impunzi banduye Covid-19 mu Rwanda...

Minisiteri y’Ubuzima yatangaje ko kuri uyu wa Gatanu tariki ya 23 Ukwakira...
23 October 2020 Yasuwe: 1651 0

Abantu 05 bo mu mujyi wa Kigali banduye Covid-19 hakira abandi...

Minisiteri y’Ubuzima yatangaje ko kuri uyu wa Kane tariki ya 22 Ukwakira...
22 October 2020 Yasuwe: 750 0

Abantu 16 banduye Covid-19 mu Rwanda hakira undi umwe

Minisiteri y’Ubuzima yatangaje ko kuri uyu wa Gatatu tariki ya 21 Ukwakira...
21 October 2020 Yasuwe: 1284 0