skol
Kigali
startimes

Abantu 42 bakize Covid-19 mu Rwanda abandi 09 barayandura

Amakuru   Yanditswe na: Dusingizimana Remy 1 November 2020 Yasuwe: 1187

Minisiteri y’Ubuzima yatangaje ko mu bipimo 1,443 byafashwe kuri uyu wa 31 Ukwakira 2020 byemeje ko abantu icyenda banduye COVID-19 mu gihe abandi 42 bayikize.


Umubare w’abamaze kwandura COVID-19 mu Rwanda ugera kuri 5,146, mu gihe abamaze kuyikira ari 4,921. Abakirwaye ni 190 naho abapfuye akaba ari 35.

Iri tangazo rya Minisiteri y’Ubuzima rigaragaza ko aba barwayi baturutse I Kigali:3, Nyagatare:5, Rubavu:1

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.

Israel yatangiye kugerageza urukingo rwa Coronavirus kuri iki Cyumweru mu gihe Guverinoma yatangiye koroshya ingamba zashyizweho mu guhangana n’iki cyorezo zirimo na Guma mu rugo.

Uru rukingo rwakorewe muri Laboratwari y’Ubushakashatsi mu bijyanye n’Ubuzima yo muri Israel [Institute of Biological Research]. Kuri ubu rurimo kugeragerezwa ku Bitaro byitwa Sheba Medical Center biri hafi ya Tel Aviv no mu bya Hadassah Medical Center biri i Yerusalemu.

Minisitiri w’Intebe wa Israel, Benjamin Netanyahu, yavuze ko yizeye umusaruro mwiza muri ubu bushakashatsi.

Abakorerabushake babiri kuri iki cyumweru batewe uru rukingo kugira ngo hatangire gusuzumwa ubushobozi bwarwo bwo kurinda abantu kwandura Coronavirus.
Biteganyijwe ko mu cyiciro cya mbere cy’iri gerageza Israel izakingira abantu 80 mu igeragezwa ry’uru rukingo.

Mu cyiciro cya kabiri, igerageza rizakorerwa ku bantu 980 na ho ku cyiciro gisoza hakazakorwa isuzuma ry’uru rukingo ku bantu 25,000. Biteganyijwe ko ibi byiciro byose bizaba byasojwe mu kwezi kwa Gicurasi umwaka utaha.

Ishami ry’umuryango w’Abibumbye ryita ku Buzima, OMS, rivuga ko kugeza ubu hirya no hino ku Isi hari inkingo 40 za Coronavirus zirimo gusuzumwa ngo harebwe ubushobozi bwazo. Muri zo 10 ngo ni zo zitanga icyizere kurusha izindi.

Muri Nzeri uyu mwaka, Israel yamaze iminsi igira imibare y’abantu barenga 10,000 ku munsi banduraga Coronavirus, kuri ubu imibare y’abandura ngo iri munsi ya 1000.

Coronavirusi imaze kwica abantu 2,541 mu bantu 314,000 bamaze kwandura iyi virus muri Israel.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abaganga bahembwa na Leta bemerewe gukorera ahantu harenze hamwe no mu...

Minisiteri y’Ubuzima yatangaje ko yemereye abaganga basanzwe bahembwa na...
29 November 2020 Yasuwe: 817 0

Abantu 83 bakize Covid-19 mu Rwanda mu gihe abandi 19 bayanduye

Minisiteri y’Ubuzima yatangaje ko uyu munsi tariki ya 28 Ugushyingo 2020,...
28 November 2020 Yasuwe: 870 0

U Rwanda rwavuze igihe ruzatangira ubusabe bw’inkingo za Covid-19

Minisiteri y’Ubuzima yavuze ko u Rwanda ruhagaze neza mu rugamba rwo...
27 November 2020 Yasuwe: 1747 0

Abantu 72 banduye Covid-19 mu Rwanda abandi 28 barayikira

Minisiteri y’Ubuzima yatangaje ko uyu munsi tariki ya 26 Ugushyingo 2020,...
26 November 2020 Yasuwe: 1202 0

Abantu 76 bakize Covid-19 mu Rwanda abandi 29 barayandura

Minisiteri y’Ubuzima yatangaje ko uyu munsi tariki ya 25 Ugushyingo 2020,...
25 November 2020 Yasuwe: 1185 0

Inyubako zizatuzwamo abari batuye muri Bannyahe ziri mu Busanza zamaze...

Inyubako za mbere zizatuzwamo abantu ba mbere mu batuye mu midugudu igize...
25 November 2020 Yasuwe: 2821 0