addresiya
Kigali
startimes

Abantu 5 bakize Coronavirus mu Rwanda umuntu umwe arayandura kuri uyu wa Gatanu

Amakuru   Yanditswe na: Dusingizimana Remy 22 May 2020 Yasuwe: 712

Minisiteri y’Ubuzima yatangaje ko uyu munsi mu Rwanda habonetse umuntu mushya wagaragaweho ubwandu bwa Coronavirus bituma umubare w’ abamaze kwandura iyo ndwara mu Rwanda uba 321. Uyu munsi hakize abantu 5 bityo abamaze gukira baba 222.Abakirwaye baba 99.



Mu bipimo 1568 byafashwe uyu munsi, hagaragayemo umurwayi 1 aa Coronavirus,bituma abamaze kuyandura baba 321.Abantu 222 barimo 5 bakize uyu munsi nibo bamaze gukira.Abakirwaye ni 99.

Mu rwego rwo kwirinda ikwirakwira rya Coronavirus,Leta y’u Rwanda isaba Abanyarwanda n’Abaturarwanda gukaraba intoki bakoresheje amazi meza n’isabune,kwambara agapfukamunwa, gusiga intera ya metero hagati y’umuntu n’undi, kwirinda guhana ibiganza no guhoberana mu gihe basuhuzanya,guhamagara 114 mu gihe wumvishe ufite ibimenyetso bya Koronavirus birimo umuriro, inkorora no guhumeka bigoranye.

Mu rwego rwo gufasha Abanyarwanda kubona udupfukamunwa, Leta yongereye ibigo bidukora bigera kuri 76, ni nyuma y’uko bigaragaye ko ibyari bihari bitabashije kugera ku ntego kubera impamvu zirimo gukoresha abakozi bake hubahirizwa guhana intera mu kwirinda Coronavirus.

Mu kwezi gushize Guverinoma y’u Rwanda, yongereye ingamba yo kwambara agapfukamunwa kuri buri munyarwanda, mu zindi nyinshi yafashe zo kwirinda ikwirakwira ry’icyorezo.

Ibigo n’inganda 21 byahise bihabwa umwihariko wo gukora udupfukamunwa tugenewe abanyarwanda bose dushobora kumeswa inshuro zirenze imwe. Mu byumweru bibiri bishize, ibi bigo byari bimaze kugera kuri 44.

Urutonde rw’Ikigo gishinzwe kugenzura ibiribwa n’imiti mu Rwanda (FDA), rugaragaza ko ibigo byemerewe gukora udupfukamunwa ari 76, icyemerewe gukora casque zifasha abaganga bavura abarwayi ba Coronavirus kutandura ni kimwe naho ibindi bitatu byemerewe gukora udupfukamunwa twifashishwa mu kubaga abarwayi.

Umuyobozi w’Ikigo gishinzwe kugenzura ibiribwa n’imiti mu Rwanda, Karangwa Charles, aherutse kubwira IGIHE ko mu gihe cy’ibyumweru bibiri ibigo byagombaga gukora udupfukamunwa tugera kuri miliyoni esheshatu, naho mu kwezi bigakora utugera kuri miliyoni 12.

Karangwa yavuze ko mu byumweru bibiri hari hamaze gukorwa udupfukamunwa tugera kuri miliyoni 3.5, aho intego itagezweho kubera abadukora bahuye n’imbogamizi zirimo ko indege zitwara imizigo y’ubucuruzi, zagiye zitaboneka ku gihe.

Indi mbogamizi ni ukubera ingamba zafashwe na leta zo gutandukanya abantu bagahana intera. Ibi byagize ingaruka ku mashini zikora udupfukamunwa kuko ntizikora zose. Urugero nk’uwari ufite imashini 300 wasangaga hakora gusa 150, kuko ziba zishinze kuri metero 1.5 kugeza kuri ebyiri.

Icyo gihe Karangwa yavuze ko ibigo 44 bikora udupfukamunwa bizongerwa nyuma yo kureba umusaruro wabyo, ari na byo byakozwe bikongerwa bikagera kuri 76.

Yagize ati “Tuzongera turebe izindi zasabye nazo tugende tuzongera, ariko ibyo byose tubikora mu bufatanye.”

Karangwa yizeza ko ubwiyongere bw’ibigo bikora udupfukamunwa butazatuma hakorwa ututujuje ubuziranenge kuko itsinda ry’abagenzuzi ba FDA bajya hirya no hino bakangurira abakora udupfukamunwa gukurikiza amabwiriza.

Avuga ko udakurikiza amabwiriza y’ubuziranenge akurwa ku rutonde ariko muri rusange amabwiriza akurikizwa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Hamazwe impungenge ku bibazaga kuba hagiye gufungurwa ingendo hagati...

Umuyobozi w’ikigo cy’igihugu cy’ubuzima Dr. Nsanzimana Sabin yatangaje ko u...
30 May 2020 Yasuwe: 4197 0

Covid-19: Abantu 6 banduye Coronavirus mu Rwanda hakira 2 kuri uyu wa...

Minisiteri y’Ubuzima mu Rwanda yatangaje ko Kuri uyu wa Gatanu tariki 29...
29 May 2020 Yasuwe: 515 0

COVID-19 Habonetse abantu 3 bashya banduye Coronavirus mu Rwanda nta wakize...

Minisiteri y’Ubuzima mu Rwanda yatangaje ko Kuri uyu wa Kane tariki 28...
28 May 2020 Yasuwe: 461 0

RURA yahaye abamotari amabwiriza mashya bagomba gukurikiza mu kurwanya...

Urwego Ngenzuramikorere mu Rwanda, RURA, rwahaye amabwiriza mashya abatwara...
28 May 2020 Yasuwe: 1731 0

Covid-19: Habonetse abantu 7 bashya banduye Coronavirus mu Rwanda hakira...

Minisiteri y’Ubuzima mu Rwanda yatangaje ko Kuri uyu wa Gatatu tariki 27...
27 May 2020 Yasuwe: 601 0

Polisi y’u Rwanda yatangaje impamvu 4 zatumye ifunga igitaramo cyo kuri You...

Umuvugizi wa Polisi y’u Rwanda,CP John Bosco Kabera,yatangaje ko yafunze...
27 May 2020 Yasuwe: 942 0