skol
Kigali
startimes

Abantu 62 biganjemo abo mu mujyi wa Kigali banduye Covid-19 mu Rwanda

Amakuru   Yanditswe na: Dusingizimana Remy 7 December 2020 Yasuwe: 4088

Minisiteri y’Ubuzima yatangaje ko uyu munsi tariki ya 07 Ukuboza 2020 habonetse abanduye Covid-19 bashya 62 barimo aba Kigali: 50, Musanze: 7, Rubavu: 3, Ngororero: 1, Rusizi: 1.


Abamaze kwandura iki cyorezo bose kuva cyagera mu Rwanda kuwa 14 Werurwe 2020 ni 6,191.

Uyu munsi nta muntu n’umwe wakize Covid-19 mu Rwanda byatumye umubare w’abamaze gukira iki cyorezo bose baguma ari 5,696. Abakirwaye ni 444.Abapfuye bose:51.

Coronavirus ni indwara itarabonerwa umuti cyangwa urukingo ndetse mu kwita ku wayanduye havurwa ibimenyetso byayo birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru.

Ubushakashatsi bwakozwe na Kaminuza yigisha ubumenyi bw’ibinyabuzima yo muri Leta ya Georgia muri Amerika, bwagaragaje ko umuti witwa MK-4482 / EIDD-2801 cyangwa Molnupiravir, wabashije guhagarika ikwirakwira rya Coronavirus mu gihe cy’amasaha 24.

Ubushakashatsi bwakozwe kuri uyu muti bwatangajwe mu kinyamakuru Nature Microbiology bugaragaza ko Molnupiravir ariwo muti wa mbere ushobora guhangana na SARS-CoV-2 ukayibuza gukwirakwira, iva ku muntu wawuhawe ayirwaye ku buryo atakwanduza undi.

Bwakorewe ku nyamaswa zijya kumera nk’imbeba, aho nyuma yo kuziha uwo muti, byagaragaye ko wahise uhagarika ikwirakwira rya Coronavirus. Izo mbeba zashyizwe ahantu hamwe n’izindi zitahawe uwo muti, aho ubushakashatsi bwagaragaje ko muri izo zindi zitari zahawe umuti nta n’imwe yigeze yandura.

Dr. Robert Cox uri mu bakoze ubu bushakashatsi, yatangaje ko kuba izo nyamaswa ubusanzwe byaragaragaye ko zikwirakwiza Coronavirus, ariko nyuma yo guhabwa umuti ntibibe, ari ikimenyetso cy’ibishobora kuba ku muntu mukuru mu gihe yaba awukoresheje.

Ugerageje gusobanura icyo ubushakashatsi bwabonye, ni uko mu gihe umurwayi wa Covid-19 ahawe uyu muti, mu gihe cy’amasaha 24 iyi virus iba idashobora kugira undi muntu wo ku ruhande ifata. Muri make uwawuhawe nta muntu aba ashobora kwanduza.

Uyu muti ubu uri mu cyiciro cya kabiri n’icya gatatu cy’igerageza. Uri kugenzurwa harebwa niba umurwayi ashobora kuwuhabwa buri masaha 12 mu gihe cy’iminsi itanu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibitaro bya Leta byose byategetswe kuvura abarwayi ba Covid-19 hakoreshejwe...

Minisiteri y’Ubuzima yategetse ibitaro byose bya Leta ko guhera kuri uyu wa...
17 January 2021 Yasuwe: 3663 0

Covid-19 yahitanye abantu 2 mu Rwanda,Imibare y’abanduye iracyatumbagira

Minisiteri y’Ubuzima yatangaje ko uyu munsi tariki ya 16 Mutarama...
16 January 2021 Yasuwe: 4391 0

Abagabo 5 bo mu mujyi wa Kigali bahitanwe na Covid-19 abandi bantu 257...

Minisiteri y’Ubuzima yatangaje ko uyu munsi tariki ya 15 Mutarama...
15 January 2021 Yasuwe: 4528 1

Dr Thomas Kigabo wari ushinzwe ubukungu muri BNR yitabye Imana

Dr.Thomas Kigabo RUSUHUZWA wari Umuyobozi Mukuru ushinzwe ubukungu muri...
15 January 2021 Yasuwe: 5469 0

Abantu 5 bahitanwe na Covid-19 mu Rwanda abandi 194 barayandura

Minisiteri y’Ubuzima yatangaje ko uyu munsi tariki ya 14 Mutarama...
14 January 2021 Yasuwe: 4456 0

U Rwanda rufite ibyuma bifite ubushobozi bwo gukonjesha inkingo zose za...

Ikigo cy’Igihugu cy’Ubuzima (RBC) kivuga ko kugeza ubu u Rwanda rufite ibyuma...
14 January 2021 Yasuwe: 3373 0