Kigali

Bugesera: Polisi yataye muri yombi abagabo 3 yafatanye litiro 780 za mazutu

Amakuru   Yanditwe na: Iyamuremye Janvier 25 September 2017 Yasuwe: 352

Polisi ikorera mu karere ka Bugesera yakoze umukwabu wo kurwanya icuruzwa ritemewe ry’ibikomoka kuri peteroli maze ifata amajerekani agera kuri 39 ya mazutu.

Umuvugizi wa Polisi mu Ntara y’Iburasirazuba, IP Jean Bosco Dusabe atangaza ko iyi mazutu yafashwe mu mikwabu itatu itandukanye yose yabereye mu murenge wa Rilima, ahanafashwe nibura abantu icumi bafite aho bahuriye n’ubucuruzi bwayo.

Mu mukwabu wabaye ku italiki ya 24 Nzeli ari nawo uheruka, Polisi yafatiyemo batatu aribo Uyiringire J Claude w’imyaka 32, Ngirwa Steven Silas w’imyaka 46 ndetse na Maniraguha Confiance w’imyaka 33 bose bafatanywe amajerekani 8 ya mazutu.

Mu mukwabu nk’uyu wari warabaye ku italiki 20 Nzeli, Polisi yari yafashe abandi batanu ibafatanye litiro 380 za mazutu.

Mbere yahoo kuri 17 Nzeli, Nzabanita Alphonse w’imyaka 35 na Harerimana Didace w’imyaka 39 bafi bafatanywe litiro 240 za mazutu.

Kuri ibi bikorwa, IP Dusabe akaba atangaza ko mazutu yakurikiranwaga mu baturage yibwe mu murenge wa Rilima ahari ibikorwa by’ubwubatsi bw’ikibuga cy’indege mpuzamahanga.

Agira ati:” Iyi mikwabu yari igamije ibintu bibiri: gushaka abiba mazutu ahubakwa ikibuga ndetse n’abakora ubucuruzi bwayo n’ubwa lisansi mu buryo butemewe n’amategeko, ibi bikaba binahanirwa n’amategeko kuko ubusanzwe ibikomoka kuri peteroli bicururizwa kuri sitasiyo zabugenewe kandi bigakorwa n’ababifitiye uburenganzira.”

Yongeyeho ati:” Ni n’imikwabu kandi yo gukumira ibiza by’inkongi bishobora guterwa n’ubu bucuruzi kuko iyo ibi bikomoka kuri peteroli bicururijwe mu ngo, haba hari ibyago byinshi byo guteza inkongi zahitana ababa muri izo nzu.”

Mu kwezi kwa Gicurasi, mu karere ka Nyarugenge hahiye inzu yakorerwagamo ubu bucuruzi, inahitana abantu babiri.

Umukwabu nk’uyu kandi wabaye mu ntangiriro z’uku kwezi mu murenge wa Muhima, ahafashwe abantu batatu bafatanywe litiro 400 za mazutu , hakaba hari hashize amezi ane Polisi ihafatiye abandi babiri nabo bayicuruzaga.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Karongi: Umugabo arashinjwa gusambanya umwana w’imyaka 14

Polisi ikorera mu Karere ka Karongi mu Ntara y’Iburengerazuba yataye muri...
18 October 2017 Yasuwe: 842 0

Kigali: Polisi ifunze umugabo ushinjwa gutera inda umukobwa we n’umwuzukuru...

Abana b’umugabo Augustin barasaba ubuyobozi kubafasha kubakura mu mibereho...
18 October 2017 Yasuwe: 2362 1

Abantu 13 bamaze kwica n’ikirombe mu cyumweru kimwe

Impanuka ebyiri zitandukanye zo mu birombe bicukurwamo amabuye y’ agaciro...
17 October 2017 Yasuwe: 181 0

Gasabo: Umurambo w’umunyeshuli warohamye mu kidendezi wabonetse

Mu gitondo cyo kuri uyu wa mbere tariki ya 16 Ukwakira 2017 nibwo umurambo...
16 October 2017 Yasuwe: 1709 0

Minisitiri Gashumba asanga abantu bose bahagurutse kurandura imirire mibi...

Minisitiri w’ ubuzima Dr Diane Gashumba aha umwana amata mu irerero ryo muri...
15 October 2017 Yasuwe: 458 0

Dr. Agnes Binagwaho yagizwe umuyobozi w’ikigo gikomeye mu buvuzi ku...

Dr Agnes Binagwaho wabaye Minisitiri w’ubuzima mu Rwanda, yagizwe umuyobozi...
15 October 2017 Yasuwe: 7078 3