Kigali

Bunani watabaye umwana agiye gutwarwa n’amazi yahawe moto n’abagiraneza n’umugore we ahabwa amafaranga menshi

Amakuru   Yanditswe na: Dusingizimana Remy 15 March 2020 Yasuwe: 3192

Umugabo witwa Bunani Jean Claude wakoze igikorwa cy’Ubutwari kuwa 01 Gashyantare 2020 ubwo yatabaraga umwana wari ugiye gutwarwa n’amazi ya ruhurura I Nyabugogo,abanyarwanda baba muri Amerika bamuhaye moto nshya izajya imwinjiriza amafaranga, ndetse kuri konti ye n’umugore we bashyiriraho amafaranga menshi azabafasha gukora ibikorwa by’ubucuruzi.



Igikorwa cy’ubutwari Bunani yakoze cyakoze ku mutima wa benshi mu Banyarwanda kubera ko yemeye gushyira ubuzima bwe mu kaga atabara umwana wari ugiye gutwarwa n’umuvu muri ruhurura ya Nyabugogo, ariyo mpamvu aba bagiraneza biyemeje kumuhindurira ubuzima bamuha iyi moto n’umugore we bamuha amafaranga yo kumufasha gutangira ubucuruzi.

Kuwa Gatanu tariki 13 Werurwe 2020, nibwo aba banyarwanda batuye muri Amerika bageneye umuryango wa Bunani moto nshya ifite agaciro ka miliyoni 1.5 Frw, banahabwa amafaranga yo gucuruza atatangajwe ingano.

Bunani akimara kwakira iyi moto yagize ati “Ndishimye cyane kandi ndashimira aba bantu bavuye muri Amerika , kuko bagiye kunkura mu buzima bubi n’umuryango wanjye.



Iyi moto igiye kumfasha, ntabwo nzaba ikigwari ndashaka ko ubuzima butera imbere ndetse n’umuryango wanjye, ndashima Imana ku bintu irimo kunkorera.”

Umugore we wahawe amafaranga yo gucuruza we yagize ati “Nkimara kumva ko umugabo wanjye yarohoye umwana narishimiye, ubu ngiye gukomeza ubucuruzi kuko nacuruzaga ariko kubera ubuzima bubi nza kubireka.”

Dr Kayinamura Yohani uhagarariye itsinda ry’Abanyarwanda baba muri Amerika, yagize ati “Twavuganye na bo tubabaza icyabafasha, batubwira icyo bakeneye tubakubira kabiri, ntabwo twari dusanzwe tuzi ko uyu muryango ukeneye ubufasha ariko kubera uburyo bagiye bagaragazwa, nibwo twabonye ko bakiri bato kandi twabafasha kuko na we (Bunani) afite umutima wo gufasha, cyane ko yarokoye umwana.”



Bunani yari amaze iminsi micye atangiye akazi yahawe n’ubuyobozi bw’umujyi wa Kigali ko gucunga umutekano ku bitaro Polyclinique de l’Etoile aho yahembwaga ibihumbi 70 FRW ku kwezi.

Bunani w’imyaka 27, avuka mu Karereka Huye, afite umugore n’umwana w’amezi atandatu. Ubusanzwe abarizwa mu cyiciro cya mbere cy’ubudehe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abantu 84 bamaze kwandura Coronavirus mu Rwanda…Habonetse 2 kuri uyu wa...

Minisiteri y’Ubuzima mu Rwanda yatangaje ko kuri uyu wa Kane tariki ya 02...
2 April 2020 Yasuwe: 1416 0

Umuganga yishe umukunzi we amushinja kumwanduza Coronavirus

Umuforomo w’Umutaliyani witwa Antonio Pace yemereye ubushinjacyaha bw’iki...
2 April 2020 Yasuwe: 3983 0

Ingamba zikarishye zo kurwanya Coronavirus zongerewe igihe cy’iminsi 15...

Inama y’Abaminisitiri idasanzwe yateranye kuri uyu wa Gatatu yize ku Cyorezo...
2 April 2020 Yasuwe: 1163 0

Umubare w’abanduye Coronavirus mu Rwanda wageze kuri 82…uyu munsi habonetse...

Umubare w’abanduye Coronavirus mu Rwanda ukomeje kwiyomgera aho kuri uyu wa...
1 April 2020 Yasuwe: 1417 0

Uwari umuganga muri CHUK yasanzwe mu icumbi rye yapfuye

Urwego rw’Igihugu rushinzwe Ubugenzacyaha (RIB), rwatangiye iperereza ngo...
1 April 2020 Yasuwe: 7611 0

Ngororero:Umugabo ushinjwa kwigomeka ku buyobozi yafashwe ari gukoresha...

Umugabo witwa Rimenyande Jean Damascene w’imyaka 36 wo mu Murenge wa...
31 March 2020 Yasuwe: 5043 0