Kigali

Burera na Gicumbi: Igisirikare cyasabye abayobozi kugisaba umusada niba kurandura amavunja byarananiranye

Amakuru   Yanditswe na: Nsanzimana Ernest 10 January 2018 Yasuwe: 1080

Aha ingabo z’ u Rwanda zari mu bikorwa bya Army week

Akarere ka Burera kasanze ingo 310 zirwaye amavunja. Ukuriye ingabo mu karere ka Burera na Gicumbi arasaba abayobozi b’ imirenge babona kurandura amavunja byarananiranye kubimenyesha igisirikare.

Umwanda n’ amavunjya mu karere ka Burera na Gicumbi si inkuru nshya. Nk’ uko byatangajwe na City Radio Umuyobozi w’ Akarere ka Burera wungirije Ushinzwe Imibereho Myiza y’ Abaturage Habyarimana Jean Baptiste yavuze ko baherutse gukora igenzura bagasanga ingo 310 zirwaye amavunja.

Yagize ati “Urwego rw’ akarere rwaramutse kugera ku rwego rw’ umudugudu kugira ngo turebe ingo zaba zifite amavunja zabaye 310.

Brig. Gen. Claver Kirenga uhagarariye ingabo mu karere ka Burera na Gicumbi asaba abayobozi bafite abaturage barwaye amavunja kubimenyesha igisirikare.

Ati “Niba hari umusada mudushakaho muwutubwire, tukongera kumva amavunja mu murenge wawe ni ikibazo. Burya abantu ntibagahishe, jya utubwira uti njyewe ku kibazo iki n’ iki ndasaba ko mumfasha, guhisha bikamenywa n’ abandi ni ubuturage. Ikibazo cy’ amavunja uhereye ku mudugudu n’ utugari tukirangize kive mu nzira”
V/Meya Habyarimana akomeza avuga ko ubu bafashe ingamba zo kurandura amavunja burundu kuko ngo urugendo rudashira rutabaho.

Ati “ … Mu by’ ukuri barahanduye ubu bose barakize. Hagiyeho uburyo bwo gukurikirana kugira batongera kurwara, tubinyuza mu banyanama b’ ubuzima kugira ngo bite ku barwaye amavunja. Twabwo twakomeza kuvuga ngo ni urugendo ni urugendo urugendo rudashira ntabwo rubaho.

Abaturage bavuga ko aya mavunja bayaterwa n’ umwanda aho bavuga ko hari bagenzi babo badakubura amazu babamo.

Umwe ati “Hari igihe ureba umuntu ugasanga uburingiti araramo ntibiherutse utuzi nakeya, atajya afata iminyereri ngo abe yakubura mu nzu anahasutse amazi imbaragasa zisohoke”

Ubuyobozi bw’ akarere uretse kuba bugiye kwifashisha abajyanama b’ ubuzima mu guhangana n’ ikibazo cy’ amavunja busaba abaturage gukurungira amazu yabo.

Ingabo z’ u Rwanda zimaze kumenyerwaho gukemura ibibazo byigize akari aha kagahe bibangamira imibereho myiza y’ abaturage. Uretse kuba ingabo z’ u Rwanda zifasha abaturage mu bikorwa bitandukanye nk’ umuganda rusange n’ ibindi zatanze umusanzu ukomeye muguhangana na nkongwa yari yibasiye ibigori by’ abaturage.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble kiwi

    Ngahose nikize na nyaruguru kiharandure itonesha, ikene, itonesha namacakubiri biri muri nyobozi ihari turebe!! Ubuse bamwe nibicwa abandi......

    4 months ago

Inzindi nkuru

Minisante: Abayobozi b’imali n’ubutegetsi mu bitaro (DAF) byagaragaye ko...

Dr. Diane GASHUMBA: Minisitiri w’Ubuzima Mu mpera z’icyumweru gishize...
15 May 2018 Yasuwe: 13543 35

Umuntu uzakubwira ngo genda ukomeze ubyare uzamubwire aze agufashe kurera...

Minisitiri w’ Ubuzima Dr Diane Gashumba yasabye ababyeyi ku byara abo...
14 May 2018 Yasuwe: 817 0

Rulindo: Abana baguwe nabi nyuma yo kugaburirwa inzoka

Rulindo: Abana baguwe nabi nyuma yo kugaburirwa inzoka Abana babiri...
31 March 2018 Yasuwe: 4993 1

Bwa mbere Kigali igiye kwakira inama nini izitabirwa n’ abantu 10...

Mu mpera z’ umwaka utaha I Kigali mu Rwanda hazabera inama nini ivuga kuri...
24 March 2018 Yasuwe: 2828 0

Msgr Bimenyimana Jean Damascène wayoboraga Diyosezi ya Cyangugu yaguye...

Kuri iki cyumweru nibwo hamenyekanye inkuru y’urupfu rwa Musenyeli...
11 March 2018 Yasuwe: 1721 1

Nyaruguru: Nyakwigendera Karamba biravugwa ko yazize inzara, abandi...

Abarokotse jenoside yakorewe abatutsi batishoboye batujwe mu mudugudu...
11 March 2018 Yasuwe: 7518 6