Kigali

Bwa mbere Kigali igiye kwakira inama nini izitabirwa n’ abantu 10 000

Amakuru   Yanditswe na: Nsanzimana Ernest 24 March 2018 Yasuwe: 2914

Mu mpera z’ umwaka utaha I Kigali mu Rwanda hazabera inama nini ivuga kuri SIDA, International Conference on AIDS and STI’s in Afurika izitabirwa n’ abantu ibihumbi 10 akaba ariyo nama izaba yitabiriwe n’ abantu benshi mu Rwanda.

Iyi nama yatangiye kuba mu 1990. Mu buryo busimburana ibera mu bihugu bikoresha Icyongereza no mu bikoresha Igifaransa. Iyi nama ibanzirizwa n’ inama yo gutoranya ikirango kizakoreshwa (Logo), uyu mwaka uzatsinda azahabwa 1000$.

Abategura iyi nama bavuga ko iyo logo igomba kuba ikoze mu buryo bugaragaramo indangagaciro z’ u Rwanda kuko arirwo ruzayakira, intego z’ iterambere rirambye SDGs, Gahunda yo kurarwanya SIDA 90-90-90, n’ icyerekezo cyo kurandura SIDA bitarenze 2030.

Umunyamabanga wa Leta muri Minisiteri y’ Ubuzima mu Rwanda Dr Patrick Ndimubanzi avuga ko ari amahirwe ku Rwanda kuba rugiye kwakira iyi nama ICASA2019.

Yagize ati “(muri iyi nama) Abantu bafite virusi itera SIDA barahura bakaganira ntibihebe bakiteza imbere bakahateza n’ igihugu cyabo”

Dr Ndimubanzi avuga ko icyo u Rwanda ruzasangiza abazitabirira iyi nama ihuza impuguke, abakora muri Leta n’ abari mu matsinda yo kurwanya SIDA ari itambwe imaze guterwa n’ u Rwanda kurwanya SIDA.

Ati “Ubu ng’ ubu mu Rwanda umurwayi wa SIDA ni umuntu ushobora kubaho ubuzima nk’ ubw’ abandi bantu akurikije ibyo abaganga bamubwira. SIDA tuyivura hafi mu bigo nderabuzima byose byo mu Rwanda. Ahantu hose turayipima. Ikintu dushaka gukangurira abantu urubyiruko cyane cyane ni ukuyirinda”

Umuyobozi akaba n’ umuhuzabikorwa wa ICASA Luc Bodea avuga ko iyi nama ari umwanya wo guhuza abarwayi ba SIDA bakaragaragaza akato bakorerwa bikaba n’ umwanya wo kurebera hamwe uko karwanywa.

Iyi nama izabera muri Kigali Convention Center kuva tariki 3 – 7 Ukuboza 2019. Izitabirwa n’ abantu 10 000 bivuze ko ariyo nama ya mbere u Rwanda rugira kwakira nini kuko inama zikomeye zirimo Afurika Union Summit na World Economic Forum zitigeze zitabirwa n’ abantu baganga gutya. WEF 2016 yitabiriwe n’ abantu 3000 kandi iri mu nama zitabiriwe cyane mu zo u Rwanda rwakiriye.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imodoka yavaga mu mugi yerekeza Nyabugogo yataye umuhanda igonga abantu 7...

Polisi y’ u Rwanda ishami rishinzwe wo mu muhanda yavuze ko imodoka yo mu...
11 January 2019 Yasuwe: 4456 0

Umunyamideli w’umunyarwandakazi witeguraga gukora ubukwe vuba yapfuye...

Umunyamideli wari warabigize umwuga Alexia Uwera Mupende yitabye Imana ku...
9 January 2019 Yasuwe: 4559 0

Mukangendahayo Joselyne arwaye uburwayi budasanzwe butuma aruka ibikeri,...

Mukangendahayo Joselyne, umukobwa utuye mu mudugudu wa Rusasa mu kagari ka...
31 December 2018 Yasuwe: 4636 0

Uyu mubyeyi arashinja abaganga bo mu bitaro bya Muhima kumurangarana...

Ibitaro bya Muhima mu Mujyi wa Kigali birimo gukurikirana ikibazo cy’umugore...
26 December 2018 Yasuwe: 2807 1

Musanze: Hari imiryango yaboneje urubyaro igirwaho Ingaruka n’uburyo...

Mu Karere ka Musanze mu ntara y’Amajyaruguru hari imiryango itifujwe...
22 December 2018 Yasuwe: 1279 0

Komisiyo y’Abakozi ba Leta yasabye Minisante kwirukana abakozi bayo batanze...

Mu ibaruwa yo ku italiki 5/11/2018 Komisiyo y’abakozi ba Leta yandikiye...
20 December 2018 Yasuwe: 10674 6