skol
Kigali
startimes

Bwa mbere mu mateka,inkiko zo mu Rwanda zemereye umugore kuba yatwitira mugenzi we

Amakuru   Yanditswe na: Dusingizimana Remy 12 September 2020 Yasuwe: 2598

Bwa mbere mu Rwanda, urukiko rwemeje ko umugore n’umugabo baha igi rizavamo umwana uwundi mugore akabatwitira akazababyarira, ibizwi nka ’surrogacy’.


Urukiko rukuru rwa Nyarugenge mu mujyi wa Kigali ejo kuwa gatanu nibwo rwaciwe uru rubanza.

Umugore n’umugabo bashaka ko bababyarira bamaranye imyaka icumi bataragira amahirwe yo kubyara umwana.

Urukiko rwategetse ko umwana akimara kuvuka azandikwa ku babyeyi bazamubyara, ariko akazabana n’uwamutwise igihe cy’amezi atandatu nyuma yo kuvuka.

Aba bamaze kumvikana ko umwe atwitira umwana mugenzi we bagiye kwa muganga bababwira ko ibyo bintu bitaraba mu Rwanda batazi niba byemewe.

Byabaye ngombwa ko izo ’couples’ ziyambaza urukiko, urukiko rwa mbere rwanze ikifuzo cyabo, baregera urukiko rwisumbuye rwa Nyarugenge.

Ikibazo benshi bibaza ni; umwana navuka azaba ari uwande? ari uwamutwise, n’abahuje intanga zabo.

Icyo amategeko avuga

Umunyamategeko Christian Garuka wabaye "inshuti y’urukiko" muri uru rubanza yaganiriye na BBC kuri iyi ngingo n’amategeko.

Asobanura ko mu rwego rwa siyansi muri ’surrogacy’ uwatwite umwana ataba ari uwe, ati:"Ariko kuko bitamenyerewe hano abantu bumva ko umwana ari uwuwamutwite."

Bwana Garuka avuga ko ingingo ya 254 yitegeko rigenga abantu n’umuryango mu Rwanda rivuga ko "kororoka bikorwa hagati y’umugabo n’umugore cyangwa hifashishijwe ikoranabuhanga".

Yongeraho ati: "Urumva rero itegeko risa nkaho rifunguye kuko ubwo buryo bwa surrogacy nabwo ni ikoranabuhanga."

Bwana Garuka abona ko hakenewe itegeko ryihariye ribisobanura neza kuko itegeko ririho "rirabyemera mu buryo buri rusange."

Ati: "Abashinzwe gushyiraho amategeko bakwiye kwigira kuri uru rubanza kugirango ubutaha bisobanuke neza abantu ntibakirirwe baca mu manza, hajyeho umurongo wo kugenderaho n’ibisabwa ngo surrogacy ikorwe".

Kubwe, uru rubanza rwerekana ko "Abanyarwanda bagenda bamenya uburenganzira bwabo mu mategeko" bakagana inkiko "nazo zikareba aho itegeko ridasobanutse neza zigafasha abantu kubona uburenganzira bwabo."

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    Mwakoze ikosa mwandika ngo inkoko zo murwanda kdi ari inkiko zo murwanda

    2 months ago
  • chat_bubble Kati

    Ese mubyukuri inkuru musohora zigira uzigenzura mbere yuko zisohoka? Uwandika inkuru se nta mwanya wo gusubiramo ngo arebe ibyo yandika?
    Ntibyumvikana rwose kwangika amakosa mu mutwe w’inkuru byumwihariko. Ngo “Inkoko” zo mu Rwanda hahahahaha

    2 months ago

Inzindi nkuru

Covid-19 yahitanye umuntu wa 50 mu Rwanda abandi 46 barayandura

Minisiteri y’Ubuzima yatangaje ko kuri uyu wa Gatatu tariki ya 02 Ukuboza...
2 December 2020 Yasuwe: 1293 0

Minisiteri ya siporo yatangaje ibisabwa ku bakorera imyitozo muri...

Inama y’Abaminisitiri yabereye muri Village Urugwiro yabaye kuwa Gatanu...
2 December 2020 Yasuwe: 1035 0

Abantu 14 banduye COVID-19 mu Rwanda abandi 28 barayikira

Minisiteri y’Ubuzima yatangaje ko uyu munsi tariki ya 01 Ukuboza 2020...
1 December 2020 Yasuwe: 792 0

Covid-19 yahitanye umugore w’imyaka 40 I Kigali abandi 15 barayandura

Minisiteri y’Ubuzima yatangaje ko uyu munsi tariki ya 30 Ugushyingo...
30 November 2020 Yasuwe: 1052 0

Umugore w’imyaka 25 yahitanwe na Covid-19 mu Rwanda abandi 28...

Minisiteri y’Ubuzima yatangaje ko uyu munsi tariki ya 29 Ugushyingo...
29 November 2020 Yasuwe: 1672 1

Abaganga bahembwa na Leta bemerewe gukorera ahantu harenze hamwe no mu...

Minisiteri y’Ubuzima yatangaje ko yemereye abaganga basanzwe bahembwa na...
29 November 2020 Yasuwe: 1984 0