skol
Kigali
startimes

Covid-19 Habonetse abandi barwayi 10 mu Rwanda hakira abantu 2

Amakuru   Yanditswe na: Dusingizimana Remy 5 June 2020 Yasuwe: 2878

Minisiteri y’Ubuzima yatangaje ko uyu munsi tariki ya 05 Kamena 2020,mu bipimo 1558 byafashwe mu Rwanda, habonetse abanduye Coronavirus bashya 10 bose baturutse mu karere ka Rusizi na Rusumo i kirehe. Abamaze kwandura iyo ndwara mu Rwanda bose babaye 420.


Uyu munsi hakize abantu 2 bityo abamaze gukira bose baba 282. Abakirwaye baba 136 mu gihe hamaze gupfa abantu 2.

Uyu munsi hakize abantu 9 bityo abamaze gukira bose baba 280. Abakirwaye baba 128 mu gihe hamaze gupfa abantu 2.

Abarwayi bashya bagaragaye mu karere Rusizi na Rusumo,bashyizwe mu kato n’abo bahuye bahise bakurikiranwa ngo batanduza abandi.

Abaturarwanda barasabwa gukaza ingamba zo kwirinda icyo cyorezo bakurikiza amabwiriza yo kwambara agapfukamunwa, kubahiriza intera ya metero ndetse no gukaraba kenshi n’amazi meza ndetse n’isabune cyangwa arukoro yabugenewe.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Inyigo nto zimaze gukorwa zagaragaje ko abagabo bafite uruhara bazahazwa cyane na COVID-19, ku buryo harimo kwibazwa aho imisemburo itera uruhara yaba ihuriye n’iki cyorezo.

Mu isesengura rimaze gukorwa, byagaragaye ko imisemburo ya kigabo ya Androgène irimo ituma umuntu azana uruhara, ishobora kuba ufite aho ihuriye no kuzahazwa na COVID-19 nk’uko byagaragaye muri bimwe mu bitaro byo muri Espagne.

Isano iri hagati aho irimo kwitwa ‘Gabrin Sign’, izina rikomoka ku rupfu rw’umuganga w’Umunyamerika Dr Frank Gabrin, wazize Coronavirus, wari afite uruhara.

Prof. Carlos Wambier uri mu bakoze ubwo bushakashatsi, yabwiye The Telegraph ko bashingiye ku byo bamaze kubona, barimo gutekereza ko uruhara ari imwe mu mpamvu zikomeye zatuma umuntu azahazwa na COVID-19 .

Mbere byabanje kuvugwa ko abagabo banduye Coronavirus ndetse bakagera aho baremba, baba bafite ibyago byinshi byo gupfa kurusha abagore. Muri raporo yatangajwe muri iki cyumweru na Public Health England mu Bwongereza, byongeye gushimangirwa ko abagabo, inshuro ebyiri bicwa na COVID-19 kurusha abagore.

Prof Wambier yakomeje ati “Dutekereza ko androgène cyangwa imisemburo ya kigabo ari nk’amarembo ya virus atuma yinjira mu turemangingo rwacu.”

Uyu mwarimu wo muri Kaminuza yitwa Brown yayoboye ubushakashatsi bubiri muri Espagne, bwombi bugaragaza ko hari umubare munini w’abagabo bafite uruhara bagiye mu bitaro kubera iki cyorezo.

Mu nyigo imwe yakorewe ku barwayi 122, muri bo 79 ku ijana by’abagabo basanzwemo Coronavirus mu bitaro bitatu byo mu Mujyi wa Madrid, bari bafite uruhara. Ni inyigo yatangajwe muri Journal of the American Academy of Dermatology.

Indi iheruka yo yakorewe ku barwayi 41 bo muri Espagne, 71 ku ijana bari bafite uruhara. Ni inyigo zombi zakorerwaga ku mubare muto cyane, ku buryo abahanga bavuga ko hakenewe gukorwa byinshi kugira ngo hagire ibyemezwa nk’ihame.

Ubushakashatsi bwakorewe mu Mujyi wa Veneto mu Butaliyani ku barwayi 9.280, bwo bwagaragaje ko abagabo barwaye kanseri y’ubugabo (prostate) bahabwa ubuvuzi buzwi nka androgen-deprivation therapy cyangwa ADT, bukoresha imiti igabanya imisemburo mu mubiri, ibyago byo kwandura COVID-19 aba ari kimwe cya kane ugereranyije n’abarwaye iyo kanseri bahabwa indi miti.

Izi nyigo zatumye hibazwa niba imiti ikoreshwa mu kugabanya imisemburo itera uruhara cyangwa iyifashishwa mu kuvura kanseri ya prostate, ishobora kwifashishwa mu kugabanya ikwirakwira rya Coronavirus, bigatanga igihe cyo gushakisha uburyo buhamye bwo kuyivura.

Uretse kuba harimo kuganirwa ku kuvura Coronavirus muri Leta Zunze Ubumwe za Amerika hakoreshejwe imiti ivura uruhara, hari n’umuhanga witwa Matthew Rettig, watangiye ubushakashatsi ku bantu 200, akoresheje imiti ivura kanseri ya prostate.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ubwami bw’u Bubiligi bwahaye Leta y’u Rwanda imbangukiragutabara...

Ubwami bw’u Bubiligi bwahaye u Rwanda imbangukiragutabara 40 zifite agaciro...
24 September 2020 Yasuwe: 1211 0

Izindi mpunzi 511 z’Abarundi zari mu nkambi ya Mahama zahungutse

Icyiciro cya gatatu cy’impunzi 511 z’Abarundi, cyahagurutse mu nkambi ya...
24 September 2020 Yasuwe: 510 0

Habineza François yishwe atemaguwe n’umugore we afatanyije n’abakobwa be...

Mu gitondo cyo kuri uyu Gatatu tariki ya 23 Nzeri 2020, umugabo witwa...
24 September 2020 Yasuwe: 1857 0

Abantu 41 banduye Covid-19 mu Rwanda barimo abashoferi bambukiranya...

Minisiteri y’ubuzima yatangaje ko uyu munsi tariki ya 23 Nzeri 2020,abantu...
23 September 2020 Yasuwe: 1642 1

Nyamasheke: Umugore yahawe inka nyuma yo gushyira mu kato umugabo we...

Ubuyobozi bw’ Akarere ka Nyamasheke bwashyikirije umuryango wa Habarugira...
23 September 2020 Yasuwe: 4434 0

Abantu 16 banduye Coronavirus mu Rwanda abandi 18 barayikira

Minisiteri y’ubuzima yatangaje ko uyu munsi tariki ya 22 Nzeri 2020,abantu...
22 September 2020 Yasuwe: 889 0