Kigali
startimes

COVID-19 Habonetse abantu 3 bashya banduye Coronavirus mu Rwanda nta wakize kuri uyu wa Kane

Amakuru   Yanditswe na: Dusingizimana Remy 28 May 2020 Yasuwe: 476

Minisiteri y’Ubuzima mu Rwanda yatangaje ko Kuri uyu wa Kane tariki 28 Gicurasi 2020,habonetse abantu batatu bashya basanganwe Coronavirus mu bipimo 1,766 byafashwe, bituma umubare w’abamaze kwandura ugera kuri 349. Abakize ni 245 mu gihe 104 bakirwaye.



Amakuru ya Coronavirus kuri Uyu wa Kane:

▪︎Habonetse abarwayi 3 kuri uyu wa Kane.
▪︎Abanduye bose ni 349.
▪︎Ibipimo byafashwe uyu munsi ni 1766
▪︎Nta wakize mushya (Hamaze gukira 245 muri rusange)
▪︎Abakirwaye ni 104.
▪︎Nta muntu uricwa n’iki cyorezo.

Mu rwego rwo kwirinda ikwirakwira rya Coronavirus,Leta y’u Rwanda isaba Abanyarwanda n’Abaturarwanda gukaraba intoki bakoresheje amazi meza n’isabune,kwambara agapfukamunwa, gusiga intera ya metero hagati y’umuntu n’undi, kwirinda guhana ibiganza no guhoberana mu gihe basuhuzanya,guhamagara 114 mu gihe wumvishe ufite ibimenyetso bya Koronavirus birimo umuriro, inkorora no guhumeka bigoranye.

Indwara ya Coronavirus ikomeje kwibasira abakomeye hirya no hino ku isi kuko Umudepite witwa Claude Goasguen, wo mu Bufaransa yiyongereye mu bantu bamaze guhitanwa n’icyorezo cya COVID-19, gikomeje kwibasira Isi.

Depite Goasguen yapfuye kuri uyu wa Kane, ku myaka 75. Yari umwe mu bayobozi bo mu Bufaransa byamenyekanye ko yanduye Coronavirus, ndetse yitabwagaho n’abaganga kuva mu mezi make ashize.

Uyu mugabo wari mu ishyaka rya Les Républicains, kuva mu 2008 kugeza mu 2017 yari Meya wa XVIe arrondissement de Paris. Yanabaye umujyanama w’Umujyi wa Paris guhera mu 1983.

Kugeza ubu abantu bamaze kwandura Coronavirus mu Bufaransa ni ibihumbi hafi 183, abamaze kwitaba Imana ni ibihumbi 28.5.

Muri Leta Zunze Ubumwe za Amerika, kuri uyu wa Gatatu abapfuye ku munsi umwe bongeye kwiyongera bagera ku 1 535, mu gihe ku wa Kabiri abanduye bari 774.

Ishami ry’Umuryango w’Abibumbye ryita ku Buzima, OMS, ryagaragaje ku wa Gatatu handuye abantu ibihumbi 104 ku Isi, abandi barenga ibihumbi bitanu barapfa.

Abamaze kwandura muri Leta Zunze Ubumwe za Amerika ni 1 745 803 mu gihe abamaze gupfa ni 102 107.

Ku rwego rw’Isi, OMS yavuze ko abantu 5 792 874 aribo bamaze kwandura naho abandi 357 479 bamaze gupfa.

Ku mugabane wa Afurika wose hamaze kugaragara abantu ibihumbi 126 838 banduye Coronavirus, abamaze gupfa basaga 3 721 naho abakize ni ibihumbi 52 784.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Habonetse abarwayi 38 ba Coronavirus bashya mu Rwanda hakira...

Kuri uyu wa Kabiri tariki ya 14 Nyakanga 2020, abanduye Coronavirus bashya...
14 July 2020 Yasuwe: 1253 1

Habonetse abantu 48 banduye Coronavirus mu Rwanda hakira 26

Uyu munsi tariki ya 13 Nyakanga 2020,abanduye Coronavirus bashya mu Rwanda...
13 July 2020 Yasuwe: 1760 1

Habonetse abantu 38 banduye Coronavirus mu Rwanda hakira abandi...

Uyu munsi tariki ya 12 Nyakanga 2020, abanduye Coronavirus mu Rwanda...
12 July 2020 Yasuwe: 1580 0

Covid-19 yahitanye umuntu wa Kane mu Rwanda, yari umusaza w’imyaka...

Uyu munsi tariki ya 11 Nyakanga 2020,habonetse undi muntu wa Kane...
11 July 2020 Yasuwe: 12102 0

Abantu 42 banduye Coronavirus mu Rwanda abandi 12 barayikira

Uyu munsi tariki ya 10 Nyakanga 2020, habonetse abanduye Coronavirus bashya...
10 July 2020 Yasuwe: 1710 0

Kigali: Imwe mu midugudu yari muri Guma mu rugo kubera COVID-19...

Minisiteri y’Ubutegetsi bw’Igihugu [MINALOC] yatangaje ko yakuye muri gahunda...
10 July 2020 Yasuwe: 1630 0