skol
Kigali
startimes

Covid-19: Habonetse abarwayi 08 n’abakize 08 mu Rwanda

Amakuru   Yanditswe na: Dusingizimana Remy 6 July 2020 Yasuwe: 1025

Kuri uyu wa Mbere tariki ya 06 Nyakanga 2020, mu Rwanda habonetse abantu 08 bashya banduye COVID19. Barimo abatwara amakamyo bashyizwe mu kato bakigera mu gihugu:3, Kigali:2, Nyamagabe:2, Rusizi:1.

Abamaze kwandura iyi ndwara bose babaye 1,113. Uyu munsi hakize 8, abakize bose ni 575. Abakirwaye ni 535. Abamaze gupfa ni 3.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

U Buhinde bwafashe umwanya wa gatatu ku Isi mu bihugu bifite umubare munini w’abaturage bamaze kwandura icyorezo cya Covid-19, busimbuye u Burusiya bwari kuri uyu mwanya.

Ibi bibaye nyuma y’uko mu masaha 24 muri iki gihugu handuye abaturage babarirwa mu 24 000, bituma umubare w’abamaze kwandura urenga 697 000.

Ubwiganze bw’ubu bwandu bushya bugaragara mu leta ziri mu majyepfo y’iki gihugu cy’u Buhinde zirimo iya Telengana, Tamil Nadu na Karnataka.

Umubare w’abandura Covid-29 warushijeho kwiyongera muri iki gihugu nyuma y’uko gifashe umwanzuro wo gufungura ibikorwa by’ubucuruzi, ariko birushaho kuba bibi mu minsi itatu ishize aho nibura buri munsi handura abarenze 20 000.

Nubwo u Buhinde buza ku mwanya wa gatatu ku Isi mu bihugu bifite umubare munini w’abanduye Covid-19 nk’uko bigaragazwa n’imibare ya Kaminuza ya Johns Hopkins, uw’abicwa n’iki cyorezo ntabwo uzamuka cyane kuko kugeza uyu munsi ari 19,693, ibintu bibushyira ku mwanya wa munani ku Isi mu bihugu bimaze gupfusha abantu benshi bazize Covid-19.

Ibihugu biri imbere y’u Buhinde mu bwandu ni Leta Zunze Ubumwe za Amerika zifite abaturage miliyoni 2.9 banduye n’ibihumbi 132 bamaze gupfa, na Brazil ifite miliyoni 1.6 banduye n’ibihumbi 64 bapfuye.

Imibare y’Ishami ry’Umuryango w’Abibumbye ryita ku buzima, OMS, yerekana ko umubare w’abamaze kwandura Coronavirus ku Isi hose urenga miliyoni 11 mu gihe abo imaze guhitana barenga ibihumbi 534.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyamasheke: Umugore yahawe inka nyuma yo gushyira mu kato umugabo we...

Ubuyobozi bw’ Akarere ka Nyamasheke bwashyikirije umuryango wa Habarugira...
23 September 2020 Yasuwe: 2607 0

Abantu 16 banduye Coronavirus mu Rwanda abandi 18 barayikira

Minisiteri y’ubuzima yatangaje ko uyu munsi tariki ya 22 Nzeri 2020,abantu...
22 September 2020 Yasuwe: 876 0

Komisiyo y’Uburenganzira bwa muntu yasuye Rusesabagina aho afungiye...

Komisiyo y’Igihugu y’Uburenganzira bwa Muntu yatangaje ko yasuye Bwana Paul...
22 September 2020 Yasuwe: 10976 0

Umugabo w’imyaka 58 yabaye umuntu wa 27 wishwe na Covid-19 mu...

Kuri uyu Mbere tariki ya 21 Nzeri 2020, Minisiteri y’Ubuzima yatangaje ko...
21 September 2020 Yasuwe: 1798 0

Abantu 51 bakize Coronavirus mu Rwanda mu gihe abandi 21 bayanduye

Minisiteri y’Ubuzima yatangaje ko uyu munsi tariki ya 20 Nzeri 2020,mu...
20 September 2020 Yasuwe: 1364 1

Umunyarwandakazi w’imyaka 26 yabaye umuntu wa 26 uhitanywe na Covid-19 mu...

Kuri uyu Gatandatu tariki ya 19 Nzeri 2020, Minisiteri y’Ubuzima yatangaje...
19 September 2020 Yasuwe: 4067 1