skol
Kigali
startimes

Covid-19:Handuye abantu 13 mu Rwanda hakira abandi 2 kuri uyu wa Gatatu

Amakuru   Yanditswe na: Dusingizimana Remy 3 June 2020 Yasuwe: 1336

Imibare ya Minisiteri y’Ubuzima yagaragaje ko kuri uyu wa 03 Kamena 2020 hagaragaye abantu 13 banduye icyorezo cya COVID-19 mu bipimo1033 byafashwe. Umubare w’abamaze kwandura mu gihugu cyose ari abantu 397. Ku rundi ruhande, abakize nabo biyongereyeho 2 baba 271.Abantu 124 nibo bakiri kwa muganga.Abamaze gupfa ni 2.


Abaturarwanda barasabwa gukaza ingamba zo kwirinda icyo cyorezo bakurikiza amabwiriza yo kwambara agapfukamunwa, kubahiriza intera ya metero ndetse no gukaraba kenshi n’amazi meza ndetse n’isabune cyangwa arukoro yabugenewe.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Muri iki gihe abahanga barajwe ishinga no gushaka umuti cyangwa urukingo rwa Coronavirus,abashakashatsi bo mu bitaro byitwa Guy na St Thomas mu Mujyi wa Londres batangiye igerageza ryo kubera niba umuti wa Ibuprofen ushobora gufasha mu kuvura abantu barwaye Coronavirus.

Itsinda ry’abaganga muri ibi bitaro by’i Londres bizera ko uyu muti usanzwe ukoreshwa mu kugabanya ububabare, wakwifashishwa mu gufasha abantu barwaye Coronavirus bafite ibibazo by’ubuhumekero.

Bizera ko uyu muti uri mu ihendutse iboneka ku isoko ushobora gufasha abarwayi ku buryo batashyirwa ku mashini zibongerera umwuka. Mu bushakashatsi bwabo, abazabukorerwaho barwaye bazahabwa uyu muti bawufatanye n’ubufasha basanzwe bahabwa n’ibitaro.

Ubushakashatsi bwakorewe ku nyamaswa bwagaragaje ko uyu muti ushobora gufasha mu bijyanye n’ibibazo by’ubuhumekero, kimwe mu bibazo abarwaye Coronavirus bahura nabyo.

Prof Mitul Mehta wigisha muri King’s College London yavuze ko bakeneye gukora igerageza kugira ngo babone ibimenyetso bya nyabyo bihura n’ibyo bakeka ku ikoreshwa ry’uyu muti.

Ubwo iki cyorezo cyadukaga ku Isi, hari impungenge ko umuti wa Ibuprofen ushobora kugira ingaruka ku buzima bw’abantu bafite ibimenyetso by’iki cyorezo.
Minisitiri w’Ubuzima mu Bufaransa, Oliver Veran, yigeze kuvuga ko gukoresha uyu muti byakongera ibibazo ku muntu urwaye iki cyorezo ahubwo ko byarutwa no gukoresha paracetamol.

Nyuma abahanga baje kwemeza ko paracetamol ishobora kwifashishwa mu kuvura ibimenyetso bya Coronavirus, harimo nko kugabanya umuriro ndetse ko yanafasha abarwaye ibicurane.

Ishami ry’Umuryango w’Abibumbye ryita ku Buzima, OMS, ryatangaje ko kuri uyu wa Kabiri Isi yapfushije abandi bantu ibihumbi 4900 umunsi umwe, abandi barenga ibihumbi 78 barandura.

OMS ivuga ko ibi byatumye abamaze gupfa ku Isi baba 382 481 mu gihe abandi 6 452 413 aribo bamaze kwandura.

Brésil iri mu bihugu byugarijwe cyane ku Isi, kuri uyu wa Kabiri iki gihugu cyapfushije abantu 1 232 mu gihe abandi 27 263 banduye.

Kuri uru uyu wa Kabiri, abapfuye muri Leta Zunze Ubumwe za Amerika ni 1 134 mu gihe abandi 21 882 banduye.

Ibi byatumye abamaze gupfa muri iki gihugu baba 108 059 mu gihe abandi 1 881 205 bamaze kwandura.

Leta Zunze Ubumwe za Amerika kandi nizo zikomeje kugira abanduye benshi, zinaza imbere mu kugira abamaze gupfa benshi ku Isi. Brésil iri ku mwanya wa kabiri mu banduye kuko ari 558 237, mu gihe hamaze gupfa 31 309.

U Burusiya buza ku mwanya wa gatatu kuko bufite abanduye 423 741, hamaze gupfa 5 037, muri Espagne handuye 287 012 hamaze gupfa 27 127, naho mu Bwongereza handuye 277 985, hamaze gupfa 39 369.

Ku mugabane wa Afurika wose hamaze kugaragara abantu 159 838 banduye Coronavirus, abamaze gupfa ni 4 520 naho abakize ni 68 985 .

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umunyarwandakazi w’imyaka 26 yabaye umuntu wa 26 uhitanywe na Covid-19 mu...

Kuri uyu Gatandatu tariki ya 19 Nzeri 2020, Minisiteri y’Ubuzima yatangaje...
19 September 2020 Yasuwe: 2849 1

Tuyisenge w’imyaka 23 yishe umugore we Claudine w’imyaka 32 bapfa...

Mu Mudugudu wa Mikingo, Akagari ka Mudakama, Umurenge wa Gataraga mu Karere...
19 September 2020 Yasuwe: 4962 0

Abandi bantu 2 bahitanwe na Covid-19 mu Rwanda handura abandi...

Kuri uyu Gatanu tariki ya 18 Nzeri 2020, Minisiteri y’Ubuzima yatangaje ko...
18 September 2020 Yasuwe: 2124 0

Umugabo w’imyaka 48 yabaye umuntu wa 23 Covid-19 yahitanye mu...

Kuri uyu Kane tariki ya 17 Nzeri 2020, Minisiteri y’Ubuzima yatangaje ko I...
17 September 2020 Yasuwe: 2268 0

Abantu 150,000 bamaze kwemererwa gukuramo inda mu Rwanda kuva muri...

Imiryango iharanira uburenganzira bwa muntu mu Rwanda ivuga ko kuva itegeko...
17 September 2020 Yasuwe: 1272 1

Habonetse abantu 10 banduye COVID-19 mu Rwanda hakira abandi...

Minisiteri y’Ubuzima yatangaje ko uyu munsi tariki ya 16 Nzeri 2020,mu...
16 September 2020 Yasuwe: 1243 0