startimes
Kigali
startimes

Covid-19: Handuye abantu 20 hakira abandi 13 mu Rwanda

Amakuru   Yanditswe na: Dusingizimana Remy 1 August 2020 Yasuwe: 1150

Sponsored Ad


kuri uyu wa Gatandatu tariki ya 01 Kanama 2020,Minisiteri y’Ubuzima yatangaje ko abantu 20 banduye Coronavirus mu Rwanda bituma umubare w’abamaze kwandura iyi virusi baba 2,042.

Aba barimo Kigali:12 (bapimwe mu bibasiwe kurusha abandi\testing in high risk groups), Rusizi:3, Rubavu:3, Nyamasheke:2

Uyu munsi kandi hakize abantu 13 bituma umubare w’abamaze gukira bose uba 1,119.Abakirwaye ni 918.Abamaze gupfa ni 5.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ubushakashatsi bwakorewe ku bantu bakize Coronavirus, bwaragaragaje ko bahura n’ibibazo byo kumva bimara igihe iyo bamaze gusezererwa mu bitaro.

Abahanga mu bijyanye n’indwara zo mu matwi by’umwihariko bavura abantu bafite ikibazo cyo kumva bo muri Kaminuza ya Manchester, bakoze ubushakashatsi buto ku bantu bakuze 121 bari barashyizwe mu bitaro barwaye COVID-19, mu gihe cy’ibyumweru umunani basezerewe.

Ubwo babazaga impinduka zabaye mu kumva kwabo, 16 basubije ko batumvaga neza. Umunani basubije ko kumva kwabo kwahindutse ku buryo byabagoraga mu gihe abandi umunani bavuze barwaye indwara ya Tinnitus aho bumvaga hari ibintu bihinda mu matwi yabo mu gihe bidatewe n’urusaku ruturutse hanze.

Aba bashakashatsi bagaragaje ko ibindi bimenyetso bihuye n’ibyo babonye bisa n’ibigaragaza ingaruka z’igihe kirekire ziterwa na Coronavirus ku buzima bwa muntu.

Umwarimu wigisha ibijyanye n’indwara zo mu matwi muri Manchester Biomedical Research Centre, Kevin Munro, yatangaje ko abahanga muri siyansi bazi izindi virus zitera indwara nk’iseru cyangwa se mugiga zishobora gutuma umuntu ananirwa kumva.

Yavuze ko Coronavirus ishobora kuba nayo yangiza imiyoboro ijyana amakuru ku bwonko ku buryo umuntu abasha kumva.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rubavu: Wa mubyeyi wabyariye mu bitaro ari kuvurwa Covid-19 yasezerewe...

Umubyeyi witwa Cyizanye Marie Béata umaze iminsi 20 abyariye mu Kigo cyita...
6 August 2020 Yasuwe: 1086 0

Covid-19: Abantu 15 bakize mu Rwanda abandi 5 bashya barayandura

Minisiteri y’Ubuzima yatangaje ko kuri uyu wa Gatatu tariki ya 05 Kanama...
5 August 2020 Yasuwe: 1009 0

Abashoferi ba Yahoo barajwe mu kibuga kubera kurenza saa tatu bari mu kazi...

Bamwe mu bashoferi batwara abagenzi mu mu modoka za kompanyi itwara...
5 August 2020 Yasuwe: 2851 0

Abantu 53 bakize Coronavirus mu Rwanda mu gihe 7 aribo bayanduye

Kuri uyu wa Mbere tariki ya 04 Kanama 2020,Minisiteri y’Ubuzima yatangaje ko...
4 August 2020 Yasuwe: 1375 0

U Rwanda rugiye gufasha impunzi z’Abarundi zasabye perezida wabo kuzifasha...

Minisiteri Ishinzwe Ibikorwa by’Ubutabazi mu Rwanda yashyize ahagaragara...
4 August 2020 Yasuwe: 2151 0

Abantu 30 banduye Coronavirus mu Rwanda 25 barayikira

Kuri uyu wa Mbere tariki ya 03 Kanama 2020,Minisiteri y’Ubuzima yatangaje ko...
3 August 2020 Yasuwe: 1434 0