skol
Kigali
startimes

Covid-19: Handuye abantu 28 hakira abandi 21 mu Rwanda

Amakuru   Yanditswe na: Dusingizimana Remy 31 July 2020 Yasuwe: 1245

Kuri uyu wa Gatanu tariki ya 31 Nyakanga 2020,Minisiteri y’Ubuzima yatangaje ko abantu 28 banduye Coronavirus mu Rwanda bituma umubare w’abamaze kwandura iyi virusi baba 2,022.

Aba barimo 8 babonetse I Nyamasheke (bapimwe mu midugudu iri mu kato), Rusizi:8 & Kigali:7 (bapimwe mu bibasiwe kurusha abandi), Ngoma:4, Rulindo:1.

Uyu munsi kandi hakize abantu 21 bituma umubare w’abamaze gukira bose uba 1,106.Abakirwaye ni 911.Abamaze gupfa ni 5.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Mu gihe Abaturarwanda basabwa gukaza no gukomeza kubahiriza amabwiriza yo kwirinda icyorezo cya Koronavirusi, mu bugenzuzi bwakozwe na Polisi y’Igihugu bugaragaza ko ahakirirwa abakoze ibirori by’ubukwe kwirinda COVID-19 bitubahirizwa.

Mu kiganiro ‘Waramutse Rwanda’ gitambuka kuri RBA, Umuvugizi wa Polisi y’u Rwanda CP John Bosco Kabera, aherutse kuburira abafite ahakirirwa abakoze ubukwe ko nibatubahiriza amabwiriza yo kwirinda COVID-19 bashobora gufungirwa.

CP Kabera asobanura ko abantu bakwiye kumva ko bagomba kwambara agapfukamunwa neza, bitari ukukambara igice, ukaraba intoki akazikaraba neza hagati y’amasegonda 40 na 60.

Akomeza agaragaza ibyavuye mu bugenzuzi bwakozwe na Polisi y’igihugu. Ati: “Mu bugenzuzi twakoze mu bukwe, biragaragara ko abantu bakora ubukwe bagatangira kurenga ku mabwiriza; hakabamo ibintu byo kuramukanya, gukorana mu ntoki, guhana impano ndetse no kutambara udupfukamunwa”.

Akomeza agira ati: “Turabwira abantu bafite ahantu bakirira abakoze ubukwe, yuko mu gihe igenzura rikozwe tugasanga abantu batubahiriza amabwiriza, tuzakorana n’inzego zibishinzwe zigufungire ariko n’abashakanye bashobora kubwira umuhesha w’amagambo akajya abaha ubwo butumwa bwo kwirinda COVID-19”.

Itangazo ry’ibyemezo by’Inama y’Abaminisitiri riheruka, rivuga ko ishyingirwa rikorewe imbere y’ubuyobozi rizakomeza ariko ryitabiriwe n’abantu batarenze 15.

Abaturarwanda bose barasabwa kutirara na gato, ahubwo bakongera imbaraga mu kubahiriza amabwiriza yo kwirinda icyorezo cya COVID-19. Abantu bose barasabwa kugabanya ingendo zitari ngombwa harimo no kugabanya gusurana mu miryango igihe bidakenewe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 18 biganjemo abo mu nkambi y’impunzi banduye COVID-19 mu Rwanda...

Minisiteri y’Ubuzima yatangaje ko kuri uyu wa Mbere tariki ya 19 Ukwakira...
19 October 2020 Yasuwe: 1268 0

Abantu 15 bakize Covid-19 mu Rwanda mu gihe abandi 3 bayanduye

Minisiteri y’Ubuzima yatangaje ko kuri iki cyumweru tariki ya 18 Ukwakira...
18 October 2020 Yasuwe: 1269 0

Abantu 104 bakize Covid-19 mu Rwanda abandi 06 barayandura

Minisiteri y’Ubuzima yatangaje ko kuri uyu wa Gatandatu tariki ya 17...
17 October 2020 Yasuwe: 1668 0

Umugabo w’imyaka 39 yabaye umuntu wa 34 wahitanwe na Covid-19 mu Rwanda mu...

Minisiteri y’Ubuzima yatangaje ko kuri uyu wa Gatanu tariki ya 16 Ukwakira...
16 October 2020 Yasuwe: 1839 0

Abantu 203 bakize Covid-19 mu Rwanda mu gihe abandi 13 biganjemo abo mu...

Minisiteri y’Ubuzima yatangaje ko kuri uyu wa Kane tariki ya 15 Ukwakira...
15 October 2020 Yasuwe: 1626 0

Umuntu wa 33 yishwe na Covid-19 mu Rwanda mu gihe abandi 32 biganjemo abo...

Minisiteri y’Ubuzima yatangaje ko kuri uyu wa Gatatu tariki ya 14 Ukwakira...
14 October 2020 Yasuwe: 1771 0