skol
Kigali
startimes

Covid-19: Hapfuye abandi bantu 4 mu Rwanda, abanduye bashya ni 227

Amakuru   Yanditswe na: Dusingizimana Remy 18 January 2021 Yasuwe: 4091

Minisiteri y’Ubuzima yatangaje ko uyu munsi tariki ya 18 Mutarama 2021,abantu 4 bahitanywe na COVID-19 bituma umubare w’abamaze kwicwa n’iki cyorezo mu Rwanda ugera kuri 146 mu gihe abanduye bo biyongereyeho 227 bakagera ku 11,259. Uyu munsi hakize abantu 49 mu masaha 24 ashize.


Abahitanwe na Covid-19 mu Rwanda n’abagabo 4 barimo uw’imyaka 79 I Huye n’abandi 3 ’imyaka 78, 61 na 33 bo mu mujyi wa Kigali.

Abanduye bashya uko ari 182 babonetse I Kigali: 139, Kirehe: 20, Huye: 11, Gatsibo: 9, Gicumbi: 8, Rulindo: 7, Musanze: 7, Gisagara: 5, Nyanza: 5, Rubavu: 4, Ruhango: 3, Nyamasheke: 3, Nyamagabe: 2, Muhanga: 1, Kamonyi: 1, Karongi: 1, Kayonza: 1.

Umubare w’abamaze gukira Covid-19 bose mu Rwanda ni 7,412 nyuma yo gupimwa bagasangwa nta bwandu bagifite mu gihe 3,701 bakirwaye aho bakiri kwitabwaho.

Ibimenyetso bya Covid-19 birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Guverineri w’Intara y’Amajyaruguru, Gatabazi Jean Marie Vianney yatangaje ko amaze iminsi arwaye Coronavirus ndetse kuri ubu yamaze gukira akaba yasubiye mu kazi.

Mu gitondo cyo kuri uyu wa Mbere tariki 18 Mutarama 2021, nibwo Guverineri Gatabazi yahishuye ko nyuma yo gukira iki cyorezo ,atifuza ko hari umuturage wagakwiye kuba agifite imyumvire igamije gukerensa Coronavirus akurikije uko we yayirwaye ikamuzahaza.

Mu kiganiro na IGIHE, Gatabazi yavuze koko ko yarwaye iki cyorezo ariko kuri ubu yakize yasubiye mu kazi.

Ati “Narakize, ubu nasubiye mu kazi.”

Amakuru IGIHE yamenye ni uko Gatabazi yarwaye iki cyorezo mu mpera z’umwaka ushize, araremba ku buryo yageze no ku rwego rwo kongererwa umwuka aho yari arwariye mu Bitaro by’Umwami Faisal biherereye mu Mujyi wa Kigali.

Ubwo yaganiraga na RBA, yavuze ko hatabayeho gukaza ingamba abantu bashobora gupfa izuba riva.

Yakomeje agira ati “Abantu bashobora kudupfana izuba riva! Nagira ngo mbwire abaturage ko COVID-19 ari indwara ikomeye njye ndanayizi ko yangezeho kandi irampungabanya mu buryo buhagije, ntabwo nifuza ko hagira umuntu warwara COVID-19.”

“Abaturage bumve ko ari indwara ikomeye, ibabaza, yica abantu. Abaturage bareke kuyisuzugura kandi bareke kumva ko ari iy’I Kigali.”

Guverineri Gatabazi ntabwo yaherukaga kugaragara mu ruhame ndetse no mu kazi dore ko hari amakuru avuga ko nyuma yo gukira Coronavirus yabanje guhabwa ikiruhuko akaba yagarutse mu kazi kuri uyu wa Mbere.

Uyu muyobozi yagaragaye mu bikorwa byo gutangiza icyiciro cy’amashuri y’incuke n’icyiciro cya mbere cy’abanza ku ishuri ribanza rya Bukane riherereye mu Murenge wa Musanze mu Karere ka Musanze.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Minisitiri w’Ubuzima Dr Daniel Ngamije yahumurije abaturage bagifite...

Minisitiri w’Ubuzima Dr Daniel Ngamije amaze gukingirwa COVID-19.Ni mu...
5 March 2021 Yasuwe: 3345 0

U Buhinde bwahaye ’u Rwanda dose 50.000 z’urukingo rwa Covid-19

Mu gitondo cyo Kuri uyu wa Gatanu u Rwanda rwakiriye ikindi cyiciro...
5 March 2021 Yasuwe: 3118 0

Ibitaro bitandukanye mu Rwanda byatangiye gutanga urukingo rwa mbere rwa...

Ku Bitaro by’Akarere bya Kirehe, gukingira abantu COVID-19 byatangiye aho...
5 March 2021 Yasuwe: 3353 0

Umugabo wo mu mujyi wa Kigali yahitanwe na Covid-19 mu Rwanda,harembye...

Kuri uyu wa Kane,tariki ya 04 Werurwe 2021,Minisiteri y’Ubuzima yatangaje ko...
5 March 2021 Yasuwe: 3924 0

Imodoka z’uturere zaramukiye mu gikorwa cyo kugeza inkingo za Covid-19 hirya...

Imodoka z’ibitaro by’uturere hirya no hino mu gihugu, muri iki gitondo...
4 March 2021 Yasuwe: 4153 0

Abantu 87 banduye Covid-19 mu Rwanda,abandi 97 barayikira mu gihe ntawe...

Minisiteri y’Ubuzima yatangaje ko uyu munsi tariki ya 03 Werurwe 2021,nta...
3 March 2021 Yasuwe: 3453 0