Kigali
startimes

Umuntu wa mbere yahitanwe na COVID-19 mu Rwanda handura 4 hakira abandi 3 kuri uyu wa Gatandatu

Amakuru   Yanditswe na: Dusingizimana Remy 30 May 2020 Yasuwe: 2919

Kuri uyu wa Gatandatu tariki ya 30 Gicurasi 2020,nibwo habonetse umuntu wa mbere wahitanywe na Coronavirus mu Rwanda mu gihe handuye abantu 4 hakira 3.



Minisiteri y’ubuzima yatangaje ko umuntu wa mbere yishwe na Covid19 ari ku butaka bw’u Rwanda. Uyu munsi habonetse abanduye Coronavirus bashya 4 .Abamaze kwandura iyo ndwara mu Rwanda baba 355.

Uyu munsi hakize abantu 3 bityo abamaze gukira babaye 250. Abakirwaye ni 108. Muri East Africa ni Uganda yonyine ubwo isigaye itarabonekamo uwishwe na Covid-19.

Uyu muntu wa mbere wahitanwe na Coronavirus mu Rwanda n’umushoferi w’imyaka 65 wari utuye mu gihugu cy’abaturanyi ahitamo gutaha nyuma yo kuremba.Yitaweho n’abaganga mu kigo cyita ku barwaye Coronavirus.Yaje gupfa azize kwangirika imyanya y’ubuhumekero.

Nyuma gusa y’amezi atanu icyorezo cya Coronavirus cyadutse ku Isi mu gihugu cy’u Bushinwa, Ishami ry’Umuryango w’Abibumbye ryita ku Buzima, OMS, ryatangaje ko abamaze kwandura ubu bageze kuri 6 034 666, abandi 366 896 bamaze gupfa naho 2 661 257 nibo bamaze gukira.

Kuri uyu wa Gatanu, Leta Zunze Ubumwe za Amerika zapfushije abantu 1 212 umunsi umwe, mu gihe abandi barenga ibihumbi 25 banduye.

Ibi byatumye abamaze gupfa muri iki gihugu baba 104 542 naho abamaze kwandura bamaze kugera kuri 1 793 530 .

Brésil iri mu bihugu byugarijwe cyane ku Isi kuko kuri uyu wa Gatanu yapfushije abantu 1 180 abandi barenga ibihumbi 29 barandura.

Leta Zunze Ubumwe za Amerika kandi nizo zikomeje kugira abanduye benshi inaza imbere mu kugira abamaze gupfa benshi ku Isi. Brésil iri ku mwanya wa kabiri mu banduye kuko ari 468 338, mu gihe hamaze gupfa 27 944.

U Burusiya buza ku mwanya wa gatatu kuko bufite abanduye 387 623, hamaze gupfa 4 374, muri Espagne handuye 285 644 hamaze gupfa 27 121, naho mu Bwongereza handuye 271 222, hamaze gupfa 38 161.

Ku mugabane wa Afurika wose hamaze kugaragara abantu 137 544 banduye Coronavirus, abamaze gupfa ni 3 945 naho abakize ni 58 197.

Afurika y’Epfo iri imbere mu kugira abafite ubwandu benshi kuko ari 29 240, abamaze gupfa ni 611, ikurikirwa na Misiri ubu ifite abamaze gupfa benshi kuri uyu mugabane kuko bageze kuri 879 naho abamaze kwandura ni 22 082.

Muri Afurika y’Iburasirazuba, Kenya nicyo gihugu cyugarijwe cyane, kuri uyu wa Gatanu gusa cyabonye abandi bantu bashya banduye 67. Kugeza ubu ni nacyo igihugu cyo mu karere kiza imbere mu bwandu kuko hamaze kwandura abantu 1 745, hapfuye 62.

U Rwanda rufite abanduye 355, abamaze gukira ni 247, muri Uganda ubu hari abanduye 329, mu Burundi handuye abantu 42 hapfa umwe naho muri Sudani y’Epfo hamaze kwandura abantu 994 hamaze gupfa 10.

Mu bihugu bihana imbibi n’u Rwanda, Repubulika Iharanira Demokarasi ya Congo niyo yibasiwe cyane, kuko ubu ifite abanduye 2 833 barimo 69 bamaze gupfa. Kuri uyu wa Gatanu gusa iki gihugu cyagize abanduye 173.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Izindi Kaminuza 2 zambuwe uburenganzira bwo gukorera mu Rwanda

Kaminuza ya Christian University of Rwanda yashinzwe na Dr Pierre Damien...
6 July 2020 Yasuwe: 2775 0

Hakize abantu 44 bari barwaye COVID-19 mu Rwanda haboneka abandi 13 bashya...

Kuri iki Cyumweru tariki ya 05 Nyakanga 2020, mu Rwanda habonetse abantu 13...
5 July 2020 Yasuwe: 985 1

RBC igiye gutangira gusuzuma COVID-19 abantu binjira mu mujyi wa...

Ikigo cy’igihugu gishinzwe Ubuzima [RBC] cyatangaje ko kigiye gutangira...
5 July 2020 Yasuwe: 489 0

Habonetse abantu 11 banduye Coronavirus mu Rwanda hakira abandi...

Minisiteri y’Ubuzima yatangaje ko mu bipimo 3,414 byafashwe uyu munsi tariki...
4 July 2020 Yasuwe: 848 0

RURA yatangaje igabanuka ry’ibiciro bya Lisansi na Mazutu

Urwego Ngenzuramikorere (RURA) rwatangaje ko guhera ku wa 4 Nyakanga...
3 July 2020 Yasuwe: 1238 0

Abantu 18 basanganywe Coronavirus, 19 ni bo bakize

Minisiteri y’Ubuzima yatangaje ko mu bipimo 2,216 byafashwe uyu munsi tariki...
3 July 2020 Yasuwe: 835 0