addresiya
Kigali
startimes

Covid-19:Umuryango nyarwanda uharanira uburenganzira bwa muntu wagobotse abatishoboye bari bagowe no kubona ibyo kurya[AMAFOTO]

Amakuru   Yanditswe na: Martin Munezero 30 March 2020 Yasuwe: 1404

Umuryango nyarwanda utari uwa Leta uharanira Uburenganzira bwa Muntu n’Ubuzima ’AMAHORO HUMAN RESPECT ORGANISATION’ uherereye mu karere ka Nyarugenge,Umurenge Nyamirambo,Akagari ka Mumena,wagobotse abantu bari bagowe no kubona ibyo kurya nyuma y’ingamba zafashwe na Leta zo kurwanya no kwirinda ikwirakwizwa ry’icyorezo cya Coronavirus.



Amahoro Human Respect Organisation ’A.H.R’,Umuryango nyarwanda utari uwa Leta washinzwe n’umuhanzi nyarwanda Kayitare Emmanuel wamenyekanye ku izina ry’ubuhanzi nka Kayitare Wayitare Dembe,kuri uyu wa gatandatu tariki 28 Werurwe watangiye kugoboka imiryango itishoboye igowe no kubona ibyo kurya muri ibi bihe isi yose irimo byo kurwanya icyorezo cya Coronavirus.

Kayitare Wayitare Dembe niwe washize AMAHORO HUMAN RESPECT

Ku ikubitiro uyu muryango AMAHORO HUMAN RESPECT,ukaba warafashije imiryango igera ku 160 ibabaye kurusha indi basanzwe bakorana nawo,aho bayihaye ibyo kurya bigizwe n’umuceri na kawunga,isukari n’isabune n’amafaranga y’amakara.

Mu kiganiro Kayitare washinze uyu muryango akaba n’umuyobozi mukuru wawo yagiranye n’ikinyamakuru UMURYANGO,yavuze ko bahisemo imiryango y’abantu bagowe no kubona ibyo kurya muri ibi bihe mu rwego rwo kubungabunga ubuzima bwabo,iyo miryango ngo ikaba igizwe n’umubare munini w’abagore b’abapfakazi batishoboye,abakobwa babyariye mu rugo batishoboye,n’abasore n’inkumi b’urubyiruko usanga aribo batunze imiryango yabo bo mu murenge wa Nyamirambo.

Kandi yavuze ko iki gikorwa bagikoze bakurikije gahunda ya Leta yo kubanza gukaraba intoki n’isabune,kurwanya akajagari no kwegerana,kuko ngo hari hari umuntu ushinzwe kubahamagara kuri Telefone abantu bane bane,bahagera bakabanza bakabereka aho bakaraba n’isabune byibura hagati y’amasegonda 40 na 60 ndetse ko no kubaha ibi bintu babarindaga kwegerana kuko ngo babasabaga gusiga hagati y’umuntu n’undi intera ingana na metero imwe.

Kayitare Wayitare Dembe umuyobozi mukuru w’AMAHORO HUMAN RESPECT

Kayitare akomeza yavuze ko batekereje iki gikorwa bitewe n’uko ubusanzwe batangaga serivisi z’ubujyanama mu bijyanye n’ubuzima ndetse n’imibereho myiza ya muntu,ari ku bw’iyo mpamvu nk’AMAHORO HUMAN RESPECT bicaye bagatekereza icyakorwa muri ibi bihe byo kurwanya ikwirakwizwa ry’icyorezo cya Coronavirus kugira ngo bafashe wa muryango ugowe no kubona ibyo kurya.

Asoza Kayitare yavuze ko mu ntego bihaye nk’AMAHORO HUMAN RESPECT ari ukugoboka imiryango byibura igera kuri 200,ndetse akaba yasabye urubyiruko n’abanyarwanda muri rusange kubahiriza gahunda za Leta n’iza Minisiteri y’Ubuzima,kuko ari yo nzira yonyine yo kunesha icyorezo cya Coronavirus mu gihugu cy’u Rwanda.

Hagiye hahamagarwa abantu bane ndetse bakabasaba gusiga intera ya metero imwe hagati y’umuntu n’undi

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Hamazwe impungenge ku bibazaga kuba hagiye gufungurwa ingendo hagati...

Umuyobozi w’ikigo cy’igihugu cy’ubuzima Dr. Nsanzimana Sabin yatangaje ko u...
30 May 2020 Yasuwe: 4184 0

Covid-19: Abantu 6 banduye Coronavirus mu Rwanda hakira 2 kuri uyu wa...

Minisiteri y’Ubuzima mu Rwanda yatangaje ko Kuri uyu wa Gatanu tariki 29...
29 May 2020 Yasuwe: 515 0

COVID-19 Habonetse abantu 3 bashya banduye Coronavirus mu Rwanda nta wakize...

Minisiteri y’Ubuzima mu Rwanda yatangaje ko Kuri uyu wa Kane tariki 28...
28 May 2020 Yasuwe: 460 0

RURA yahaye abamotari amabwiriza mashya bagomba gukurikiza mu kurwanya...

Urwego Ngenzuramikorere mu Rwanda, RURA, rwahaye amabwiriza mashya abatwara...
28 May 2020 Yasuwe: 1729 0

Covid-19: Habonetse abantu 7 bashya banduye Coronavirus mu Rwanda hakira...

Minisiteri y’Ubuzima mu Rwanda yatangaje ko Kuri uyu wa Gatatu tariki 27...
27 May 2020 Yasuwe: 601 0

Polisi y’u Rwanda yatangaje impamvu 4 zatumye ifunga igitaramo cyo kuri You...

Umuvugizi wa Polisi y’u Rwanda,CP John Bosco Kabera,yatangaje ko yafunze...
27 May 2020 Yasuwe: 942 0