skol
fortebet

Covid-19 yahitanye abantu 7 mu Rwanda abandi 204 barayandura

Yanditswe: Saturday 23, Jan 2021

Sponsored Ad

Minisiteri y’Ubuzima yatangaje ko uyu munsi tariki ya 23 Mutarama 2021,abantu 7 bahitanywe na COVID-19 bituma umubare w’abamaze kwicwa n’iki cyorezo mu Rwanda ugera kuri 172 mu gihe abanduye bo biyongereyeho 204 bakagera ku 12,647. Uyu munsi hakize abantu 135 mu masaha 24 ashize.

Sponsored Ad

Abahitanwe na Covid-19 mu Rwanda n’abagore 3 b’imyaka 89,47,42 bo mu mujyi wa Kigali.Abagabo 3 b’imyaka 96,59,58 nabo b’I Kigali n’undi w’imyaka 50 w’I Gicumbi.

Abanduye bashya uko ari 204 babonetse I Kigali: 72, Ruhango: 62, Gicumbi: 18, Rwamagana: 10, Kirehe: 10, Karongi: 7, Kamonyi: 7, Ngoma: 5, Nyagatare: 4, Nyamasheke: 3, Rubavu: 3, Nyamagabe: 2, Gisagara: 1.

Umubare w’abamaze gukira Covid-19 bose mu Rwanda ni 8,319 nyuma yo gupimwa bagasangwa nta bwandu bagifite mu gihe 4,156 bakirwaye aho bakiri kwitabwaho.

Ibimenyetso bya Covid-19 birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ishami ry’Umuryango w’Abibumbye ryita ku Buzima (OMS), ryemeje ko udupfukamunwa dukoze mu myenda, dufite ubushobozi bwo kurinda umuntu kwandura ubwoko bushya bwa COVID-19, kuko uburyo bwanduramo ari bumwe n’ubusanzwe.

Umukozi ushinzwe gukurikirana ibyorezo muri OMS, Maria Van Kerkhove, yavuze ko udupfukamunwa dukwiye kwambarwa n’abantu bose, kandi ko ntawe ukwiye kugira ikibazo ku dukoze mu myenda kuko natwo dufite ubushobozi bwo kurinda utwambaye.

Ati “Udupfukamunwa tutari utwo kwa muganga tugomba kwambarwa n’abantu bose bari munsi y’imyaka 60 badasanzwe bafite ibindi bibazo by’ubuzima. Mu bice virusi iri gukwirakwiramo cyane, udupfukamunwa dukwiye kwambarwa ahantu hari ubucucike bw’abantu bikaba bigoye ko bahana intera, cyangwa bari mu byumba bitarimo umwuka uhagije.”

N’ubwo bimeze bityo hari ibihugu bitemera ubuziranenge bw’udupfukamunwa dukoze mu mwenda, nko mu Budage na Autriche, aho mu maduka no mu modoka rusange, hemewe gukoreshwa gusa udupfukamunwa two kwa muganga.

Leta y’u Bufaransa na yo yatangiye gusaba ko hatakongera gukoreshwa udupfukamunwa dukoze mu myenda, harimo utwo abantu bikorera mu rugo, hagaragazwa impungenge ko dushobora kuba tutizewe mu kurinda umuntu kwandura ubwoko bushya bwa COVID-19 bwandura mu buryo bwihuse.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa