Minisiteri y’Ubuzima yatangaje ko uyu munsi tariki ya 17 Ugushyingo 2020,Covid-19 yahitanye umugabo w’imyaka 78 aba umuntu wa 46 uhitanwe n’iki cyorezo mu Rwanda.
MINISANTE yavuze kandi ko ibipimo 3,051 byafashwe uyu munsi byagaragaje ko abanduye Covid-19 bashya mu Rwanda ari abantu 16 mu gihe abandi 4 bayikize.
Abamaze kwandura iki cyorezo kuva cyagera mu Rwanda kuwa 14 Werurwe 2020 ni 5,507 mu gihe abamaze gukira ari 5,008.Abakirwaye ni 453.
Abarwayi bashya b’uyu munsi bagaragaye I (...)

Sponsored Ad

Minisiteri y’Ubuzima yatangaje ko uyu munsi tariki ya 17 Ugushyingo 2020,Covid-19 yahitanye umugabo w’imyaka 78 aba umuntu wa 46 uhitanwe n’iki cyorezo mu Rwanda.

MINISANTE yavuze kandi ko ibipimo 3,051 byafashwe uyu munsi byagaragaje ko abanduye Covid-19 bashya mu Rwanda ari abantu 16 mu gihe abandi 4 bayikize.

Abamaze kwandura iki cyorezo kuva cyagera mu Rwanda kuwa 14 Werurwe 2020 ni 5,507 mu gihe abamaze gukira ari 5,008.Abakirwaye ni 453.

Abarwayi bashya b’uyu munsi bagaragaye I Kigali:3, Kirehe:2, Muhanga:1, Nyagatare:3, Rubavu:4, Rusizi:2, Rwamagana:1.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ikigo cy’Igihugu cy’Ubuzima, RBC, cyemeje ko mu bipimo bisaga 2000 byafashwe mu mihanda no mu masoko mu Mujyi wa Kigali, nta n’umwe wasanzwemo COVID-19, ariko isaba abaturarwanda kutirara kuko iki cyorezo kigihari.

Mu minsi ishize nibwo RBC yatangaje ko igiye gukomeza umwitozo wo kugenzura uko ubwandu bwa COVID-19 buhagaze binyuze mu gupima abantu batandukanye bagenda mu Mujyi wa Kigali no mu masoko yawo, mu buryo bwo gutomboza.

Kuri uyu wa Kabiri nibwo yatangaje ko mu bipimo bisaga 2000 byafashwe mu mihanda no mu masoko, byose nta bwandu bwabonetsemo.

Yakomeje iti “Dukomeje gukora uko dushoboye mu guhagarika ibyiciro bishya byibasiwe kurusha ibindi muri za gereza no mu nkambi z’impunzi, kandi dusaba abantu bose kutirara kubera ko COVID-19 iracyahari.”

Ubwandu bushya bwa COVID-19 bukomeje kwiyongera, aho kuri uyu wa Mbere habonetse abantu 36 basanganywe Coronavirus mu bipimo 1545 byafashwe, biganjemo abakuwe mu Mujyi wa Kigali ahabonetse 31 muri Gereza ya Nyarugenge, i Kirehe hagaragaye umwe, Nyagatare hasanzwe umwe mu gihe i Rusizi hakuwe batatu.