skol
Kigali
startimes

Covid-19 yahitanye umuntu wa 16 mu Rwanda abandi 70 barayandura

Amakuru   Yanditswe na: Dusingizimana Remy 28 August 2020 Yasuwe: 2277

Minisiteri y’Ubuzima yatangaje ko uyu munsi tariki ya 28 Kanama 2020,umuntu wa 16 yahitanwe na Covid-19 mu Rwanda.Uyu akaba ari umubyeyi w’imyaka 81 utatangajweho byinshi.


Uyu munsi kandi,abantu 70 basanganwe Coronavirus mu Rwanda mu bipimo 5,159 byafashwe, barimo ab’I Kigali:54 (bapimwe mu masoko ya Kigali), Rusizi:7, Nyamasheke:3, Rubavu:3, Kirehe:2, Musanze:1.Abamaze kwandura bose ni 3,742.

Hakize abantu 3 bituma umubare w’abamaze gukira uba 1,866.Abakirwaye bose muri rusange ni 1,860.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Abari kuvurwa Covid-19 mu bitaro bya Kanyinya baburiye abagikerensa indwara ko ari mbi kandi yica, bityo bakwiye gukaza ingamba zo kwirinda.

Ubwo Covid-19 yageraga mu Rwanda nta barwayi benshi bakunze kuzahara cyane ngo bitume bashyirwa mu byumba bivurirwamo indembe, nyamara kuri ubu hari abagera kuri barindwi barembye.

Umubare w’abamaze kwandura Coronavirus kuva umurwayi wa mbere agaragaye mu Rwanda ku wa 14 Werurwe 2020, ni 3672 barimo 1863 bakize. Abakiri mu bitaro bari kwitabwaho ni 1794.

Umwe mu Banyarwandakazi barwariye i Kanyinya, yatangarije Televiziyo y’u Rwanda ko Covid-19 ari cyo cyintu kibi yahuye na cyo mu buzima.

Yagize “Corona nta muntu itinya. Aho nabereye sinari narigeze ndwara, habe na Malaria, rero, nta wavuga ngo arakomeye, uwo ari we wese yamufata.”

Undi munyarwanda kandi urwariye muri ibi bitaro yavuze ko iyi ndwara ari mbi cyane.

Yasobanuye ukuntu uyandura ukaba wakeka ko ari indwara isanzwe , ati “ Nari nabuze ubwenge, nkakorora cyane. Hashize iminsi itatu barambwira bati ‘Ni Covid-19’. Aho ibera indwara mbi rero, irakuniga. Utangira ukorora, hanyuma hakajya hazamo ikintu kikuniga, kikagufunga ku buryo umwuka uba muke. Abantu rero bareke gukerensa iyi ndwara ni mbi cyane.”

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tuyisenge w’imyaka 23 yishe umugore we Claudine w’imyaka 32 bapfa...

Mu Mudugudu wa Mikingo, Akagari ka Mudakama, Umurenge wa Gataraga mu Karere...
19 September 2020 Yasuwe: 2416 0

Abandi bantu 2 bahitanwe na Covid-19 mu Rwanda handura abandi...

Kuri uyu Gatanu tariki ya 18 Nzeri 2020, Minisiteri y’Ubuzima yatangaje ko...
18 September 2020 Yasuwe: 2031 0

Umugabo w’imyaka 48 yabaye umuntu wa 23 Covid-19 yahitanye mu...

Kuri uyu Kane tariki ya 17 Nzeri 2020, Minisiteri y’Ubuzima yatangaje ko I...
17 September 2020 Yasuwe: 2239 0

Abantu 150,000 bamaze kwemererwa gukuramo inda mu Rwanda kuva muri...

Imiryango iharanira uburenganzira bwa muntu mu Rwanda ivuga ko kuva itegeko...
17 September 2020 Yasuwe: 1198 1

Habonetse abantu 10 banduye COVID-19 mu Rwanda hakira abandi...

Minisiteri y’Ubuzima yatangaje ko uyu munsi tariki ya 16 Nzeri 2020,mu...
16 September 2020 Yasuwe: 1235 0

IFOTO Y’UMUNSI:Perezida Kagame yagaragaye ateruranye ubwuzu bwinshi...

Nyakubahwa Perezida wa Repubulika,Paul Kagame,yashyize hanze ifoto ateruye...
16 September 2020 Yasuwe: 3554 1