Kigali

Diyabete, umuvuduko n’ umubyibuho bikabije ni bimwe mu bishobora gutera ubuhumyi

Amakuru   Yanditswe na: Nsanzimana Ernest 12 October 2017 Yasuwe: 1243

Dr Innocent Turate

U Rwanda rurakangurira abaturage kwirinda no kwivuza indwara z’ amaso kuko mu Rwanda hari ubushobozi bwo kuvura indwara zose z’ amaso.

Ubu butumwa, Umuyobozi w’ ikigo gishinzwe kurwanya SIDA n’ izindi ndwara Dr Innocent Turate yabutanze kuri uyu Kane tariki 12 Ukwakira umunsi muzamahanga wahariwe kwita ku buzima bw’ amaso.

Uyu munsi wizihirijwe I Masaka mu mugi wa Kigali, ninaho Dr Turate yavugiye ko indwara zirimo umuvuduko n’ umubyibuho bikabije bishobora gutera ubumuga bw’ amaso.

Yagize ati “…hari indwara zimwe na zimwe zitandura nzishobora gutera uburwayi bw’ amaso no kutabona…. Umuvuduko ukabije w’ amaraso, diyabete n’ umubyibuho ukabije bimwe mu bishobora gutera ubuhumyi.”

Yunzemo ati “Urebye ku usanga 4 kuri 5 bafite ubumuga bw’ amaso barabutewe n’ indwara zishobora kuvurwa zigakira…u Rwanda rufite ubushobozi bwo kuvura indwara zose z’ amaso zigakira… mu mavuriro yose yo mu Rwanda havurirwa amaso…. Magingo aya ubwishingizi mu buvuzi burimo na mituelle de santé buvurizwaho uburwayi bw’ amaso”.

Dr Turate yavuze ko indwara z’ amaso zitavuwe neza zishobora gutera ubuhumyi. Ku isi miliyoni 285 bafite uburwayi bw’ amaso, miliyoni 39 bafite ubumuga bwo kutabona. 4 kuri 5 ku isi bafite ubumuga bw’ amaso babutewe n’ indwara zishobora kuvurwa zigakira.

Umunyarwanda umwe mu banyarwanda 100 barengeje imyaka 50 afite ubumuga bw’ amaso. Mu mwaka wa 2016 abanyarwanda barenga ibihumbi 780 bivujwe amaso.

Dr Turate yibukije ko kwirinda indwara zitandura bisaba kurya indyo yuzuye yiganjemo vitamini, gukora siporo n’ ibindi. Kwirinda indwara zitandura nka cancer, umuvuduko n’ umubyibuho bikabije ni no kwirinda ubuhumyi cyane ko ari zimwe mu bishobora gutera ubumuga bw’ amaso.

Muri rusange Dr Turate yavuze ko mu bisabwa kugira ngo umuntu yirinde ingaruka ziterwa n’ uburwayi bw’ amaso harimo no kwisuzumisha no kwivuza amaso hakiri kare. Ashimangira ko u Rwanda rufite ubushobozi bwo kuvura indwara zose z’ amaso zigakira.

Amafoto: Andre@RBC

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Musanze: Abanyeshuri 82 bajyanywe kwa muganga nyuma yo kurya...

Abanyeshuri bagera kuri 82 biga mu Rwunge rw’Amashuri (GS) Muko riherereye...
15 February 2018 Yasuwe: 1051 0

Karongi: Ku myaka 50, intoki, amano n’ikirenge byatobowe n’amavunja-AMAFOTO

Umugabo witwa Iribanje Ildefonse uri mu kigero cy’imyaka 50 y’amavuko utuye...
14 February 2018 Yasuwe: 1705 2

Kigali: Umugore yafatanywe uruhinja yibye

Polisi y’u Rwanda yataye muri yombi umugore wari wibye uruhinja rw’amezi...
11 February 2018 Yasuwe: 2933 0

2019 abarenga ibihumbi 3 bazatangira kwivuriza mu bitaro by’ akarere ka...

Kuri uyu wa Gatanu tariki 9 Gashyantare nibwo abayobozi barimo na...
9 February 2018 Yasuwe: 836 0

14 bafatiwe mu bikorwa byo kurwanya ikorwa n’icuruzwa ry’inzoga...

Ku cyumweru tariki ya 4 Gashyantare, abantu 14 bo mu turere twa Huye na...
6 February 2018 Yasuwe: 253 0

Ruhango: Batandatu batawe muri yombi bangiza ishyamba rya Leta

Kuri uyu wa kabiri tariki ya 30 Mutarama , abantu 6 baterewe muri yombi mu...
1 February 2018 Yasuwe: 261 0