Kigali

Dr Dusabe wari umuganga ukomeye muri Faisal yiciwe muri Afurika

Amakuru   Yanditswe na: Nsanzimana Ernest 9 January 2018 Yasuwe: 1428

Umuganga w’umunyarwanda wavuraga kanseri zifata mu myanya ndagagitsina y’abagore (Gynecologic oncology) mu bitaro byitiriwe Umwami Faisal Dr Raymond Dusabe, yiciwe muri Afurika y’Epfo aho yari yaragiye mu kiruhuko.

Ambasaderi w’u Rwanda muri Afurika y’Epfo, Vincent Karega yemeje amakuru y’iyicwa rya Dr Raymond Dusabe avuga ko urupfu rwe rwamenyekanye mu gitondo cyo kuwa Mbere tariki 08 Mutarama 2018, ubwo basanze yariciwe mu nzu yabagamo mu mujyi wa Cape Town aho yari mu biruhuko.

Dr Raymond Dusabe yishwe mu ijoro ryo ku wa 28 Ugushyingo 2017, kuko aribwo abaturanyi be baherukaga kumuca iryera. Nyuma y’iminsi batamubona baje kumva umunuko waturukaga muri iyo nzu yabagamo bafata umwanzuro wo kuyisenya bafatanyije na Polisi yo muri iki gihugu tariki 07 Mutarama 2018 ari bwo basangaga yarishwe umurambo we waratangiye kwangirika.

Abageze ku murambo we bwa mbere batangaje ko basanze urambitse hejuru y’ameza ugaragaraho ibikomere byinshi umubiri wose, bigaragara ko yishwe ateraguwe ibyuma.

Polisi y’iki gihugu iracyakora iperereza mu rwego rwo gushakisha abari inyuma y’ubu bugizi bwa nabi naho umurambo wa nyakwigendera ukaba warajyanywe mu bitaro mu gihe hashakishwa uburyo yagezwa mu Rwanda akaba ariho azashyingurwa.

Dr Dusabe yakuriye i Burundi aho we n’umuryango we bari barahungiye, agaruka mu Rwanda mu 1998 nyuma yo kurangiza amashuri yisumbuye. Dr Dusabe yari afite imyaka 40, umwaka ushize nibwo yarangije amasomo ku rwego rwa ‘sub-specialisation’ kuri Cancer yibasira imyanya ndangagitsina y’abagore muri kaminuza ya Stellenbosch muri Africa y’Epfo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umubyeyi utwite yemerewe gukomeza konsa umwana yazavuka agasangira ibere na...

Inzobere nyarwanda mu bijyanye no konsa zivuga ko umubyeyi ugize ibyago byo...
5 August 2018 Yasuwe: 1374 0

MINISANTE irizeza Abanyarwanda ko Ebola itazinjira mu Rwanda

Minisiteri y’ Ubuzima mu Rwanda MINISANTE yaburiye Abanyarwanda ko Icyorezo...
2 August 2018 Yasuwe: 226 0

Kamuzinzi, hashize imyaka 3 avumbuye agafoto yafotorewe mu nkambi...

Kamuzinzi Eric wo mu Karere ka Rusizi mu myaka itatu ishize nibwo yabonye...
1 August 2018 Yasuwe: 3835 0

MINISANTE yasubije mu kazi umuforomo wahaye umurwaza amaraso ngo age...

Minisiteri y’Ubuzima (Minisante) yasubije mu kazi umuforomo wo mu bitaro bya...
29 July 2018 Yasuwe: 4757 1

Muhanga-Kabgayi: Yasezerewe kwa muganga afite serumu none yitabye...

Ku gicamunsi cyo ku wa Gatandatu tariki ya 21 Nyakanga 2018 ni bwo uwitwa...
25 July 2018 Yasuwe: 4380 0

Mu bakobwa 100 b’ abanyarwandakazi 7 batwara inda zitateganyijwe

Minisiteri y’ ubuzima mu Rwanda yatangaje ko imibare y’ abagana serivise zo...
19 July 2018 Yasuwe: 703 1