skol
Kigali
startimes

Gicumbi :Imodoka ya RITCO yakoze impanuka igwa mu mugezi Imana ikinga ukuboko

Amakuru   Yanditswe na: Dusingizimana Remy 19 July 2020 Yasuwe: 7707

Imodoka itwara abagenzi ya kompanyi ya RITCO yakoreye impanuka mu karere ka Gicumbi mu murenge wa Ruvune mu Gasantere ka Cyandaro mu gitondo cyo kuri iki cyumweru tariki ya 19 Nyakanga 2020,gusa nta muntu wahasize ubuzima.


Iyi modoka yari ivuye mu karere ka Gatsibo ahitwa Ngarama yageze muri aka gace ikurikiye ikamyo yari imaze kuvoma amazi mu mugezi witwa Warufu iri kuzamuka umusozi iranyerera isubira inyuma niko kugwa muri uyu mugezi.

Uwari ahabereye impanuka yabwiye Umuryango ati “Imodoka ya RITCO yakore impanuka mu kagari ka Cyandaro.Imodoka itwara amazi yari imaze kuvoma amazi ku mugezi witwa Warufu,izamutse kubera amazi yari yuzuye ameneka mu muhanda hanyuma iyi RITCO yari iyikurikiye ivuye I Gatsibo muri za Ngarama igerageje kuzamuka muri uyu muhanda wari wamenetsemo amazi iranyerera isubira inyuma,shoferi aragerageza ariko biranga iragenda yikubita mu mugezi.

Uwaduhaye amakuru wari aho iyi mpanuka yabereye,yatubwiye ko nta muntu n’umwe wapfiriye muri iyi mpanuka ndetse nta n’uwakomeretse gusa yemeje ko bamwe mu bari bayirimo bamwe bahise bahungabana.

Yatubwiye ko ubutabazi butahise buhagera ari abaturage baho hafi bagerageje gutabara abagenzi bari muri iyi modoka.

Umuyobozi w’Umurenge wa Ruvune,Ngenzahumuremyi Theoneste,yabwiye Umuryango ko iyo mpanuka yabaye saa 09:01 ku gasozi ka Cyandaro aho bari gukora umuhanda BASE-Nyagatare.

Yagize ati "Iyo mpanuka yabaye saa 09:01.imodoka yabuze imbaraga iri kuzamuka agasozi ka Cyandaro ahari kubakwa umuhanda Base-Nyagatare,isubira inyuma igwa mu mugezi wa Warufu.Abarimo bavuyemo amahoro nta wagize ikibazo nubwo aho yaguye hari hahanamye cyane."

Umuyobozi ushinzwe iterambere ry’akagari SEDO yatubwiye ko kompanyi ya RITCO yahise yohereza indi imodoka itwara aba bagenzi ubu hategerejwe imashini ikura iyi modoka mu mugezi.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    Umugezi witwa Warufu

    3 months ago

Inzindi nkuru

Abantu 18 biganjemo abo mu nkambi y’impunzi banduye COVID-19 mu Rwanda...

Minisiteri y’Ubuzima yatangaje ko kuri uyu wa Mbere tariki ya 19 Ukwakira...
19 October 2020 Yasuwe: 1268 0

Abantu 15 bakize Covid-19 mu Rwanda mu gihe abandi 3 bayanduye

Minisiteri y’Ubuzima yatangaje ko kuri iki cyumweru tariki ya 18 Ukwakira...
18 October 2020 Yasuwe: 1269 0

Abantu 104 bakize Covid-19 mu Rwanda abandi 06 barayandura

Minisiteri y’Ubuzima yatangaje ko kuri uyu wa Gatandatu tariki ya 17...
17 October 2020 Yasuwe: 1668 0

Umugabo w’imyaka 39 yabaye umuntu wa 34 wahitanwe na Covid-19 mu Rwanda mu...

Minisiteri y’Ubuzima yatangaje ko kuri uyu wa Gatanu tariki ya 16 Ukwakira...
16 October 2020 Yasuwe: 1839 0

Abantu 203 bakize Covid-19 mu Rwanda mu gihe abandi 13 biganjemo abo mu...

Minisiteri y’Ubuzima yatangaje ko kuri uyu wa Kane tariki ya 15 Ukwakira...
15 October 2020 Yasuwe: 1626 0

Umuntu wa 33 yishwe na Covid-19 mu Rwanda mu gihe abandi 32 biganjemo abo...

Minisiteri y’Ubuzima yatangaje ko kuri uyu wa Gatatu tariki ya 14 Ukwakira...
14 October 2020 Yasuwe: 1771 0