Kigali

Gisagara: Abana batoragura imyanda mu kimoteri cy’ uruganda bakayirya [VIDEWO]

Amakuru   Yanditswe na: Nsanzimana Ernest 15 September 2017 Yasuwe: 413

Gisagara - Mu kimoteri cy’ uruganda GABI Ltd rukora urwagwa mu bitoki hagaragara abana batoragura imyanda iba yamenwe n’ abakozi b’ uruganda bakayirwa.

Aba baba bari kumwe n’ abantu bakuru. Bose bajya muri iki kimoteri bitwaje ko bajyanywe no gutoragura ibishishwa by’ imineke uruganda ruhamena ngo bage kubigaburira amatungo.

Nk’ uko bigaragara mu mashusho yafashwe n’ Umunyamakuru w’ Umuryango kuri uyu wa Gatanu tariki 15 Nzeri, imwe mu myanda aba bana baba batoraguye barayirya.

Ntabwo byadushokeye kuvugana n’ umwe muri abo bana kuko inshuro zose twagerageje kubegera ngo tubavugishe bahitaga biruka. Ibi ni nako byagenda ku babyeyi bakuru barwaniraga n’ aba bana ibi bishishwa by’ imineke kuko nabo bahungaga itangazamakuru.

Nk’ uko bigaragara mu mashusho n’ amafoto muri ibi bishishwa haba harimo imyanda yatangiye kubora.

Iyo umukozi w’ uruganda agiye kumena iyi myanda mu kimoteri aba bana n’ ababyeyi barayirwanira.

Kubwimana Alphonse, Umukozi ushinzwe gutunganya umusaruro w’ uruganda yatangarije Umuryango ko iki kibazo cy’ abana barya imyanda imenwa n’ uruganda bagiye kukitaho.

Yagize ati “Ikibazo cya bariya baba tugiye kubabuza ntabwo bazahagaruka”

Rutaburaringoga Gerome yatangarije Umuryango ko ubuyobozi bw’ akarere butazi ikibazo cy’ aba bana, avuga ko ubwo bukimenye bugiye kugikurikirana.

Yagize ati “Abo bana ntabwo dusanzwe tubazi, wasanga mwahuriranye nabo wenda baje uyu munsi, ariko ubwo tubimenye tugiye kubikurikirana”

Uruganda GABI Ltd, rumaze umwaka umwe rukora. Abakozi barwo bavuga ko bategereje guhabwa icyangombwa cy’ ikigo cy’ igihugu cy’ ubuziranenge (RBS).


Aba bana iyo itangazamakuru ribegereye ntabwo bemera kugira icyo avuga ahubwo bararihunga)

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kicukiro: Umugabo yarwanye n’ umugore amuhunze akubita umwana we amukura...

Umugabo wo mu karere ka Kicukiro arafunze nyuma yo gukubita umwana we...
21 January 2018 Yasuwe: 1372 0

Polisi yasabye abatwara abagenzi kwitwararika mu gihe abanyeshuri basubira...

Polisi y’u Rwanda iragira inama abatwara abagenzi , abayobozi b’ibigo...
19 January 2018 Yasuwe: 87 1

Amayaga: Hatangiye kubakwa urwibutso rwa jenoside ruzimurirwamo imibiri...

Kuri uyu wa gatandatu taliki 13/01/2018 mu murenge wa Muyira hakozwe...
17 January 2018 Yasuwe: 268 1

Polisi n’abafatanyabikorwa bayo barateganya gutera ibiti ku buso burenga...

Muri gahunda zo kongera ubuso buteweho amashyamba hagamijwe kongerwa...
17 January 2018 Yasuwe: 83 0

Bugesera: Kubera ubukene abaturage ntibacyemerera abashyitsi...

Mu karere ka Bugesera ho mu ntara y’iburasirazuba abaturage batandukanye...
15 January 2018 Yasuwe: 271 1

Ngoma: Polisi ifunze umugabo wafatanwe ibiro 140 by’urumogi abandi...

Minani Emmanuel w’imyaka 30 ari mu maboko ya Polisi y’u Rwanda ikorera mu...
12 January 2018 Yasuwe: 121 0