Kigali

Gisagara: Abarenga 50 bajyanywe kwa muganga nyuma y’ uko basangiye ikigage mu bukwe

Amakuru   Yanditswe na: Nsanzimana Ernest 1 October 2018 Yasuwe: 647

Abarenga 50 b’ingeri zinyuranye batashye ubukwe ku wa Gatandatu mu murenge wa Mugombwa Akagari ka Mugombwa mu mudugudu wa Impinga bakanywa ku kigage cyari cyateguwe,nyuma baguwe nabi cyane kugeza ubwo kuri iki Cyumweru batangiye kujyanwa kwa muganga abandi bashyirwa mu bitaro kugeza ubu.

Ikigage nka kimwe mu binyobwa byari byateguwe n’uruhande rw’umugeni wariho asabwa cyatangwaga mu tujerikani duto gisukwa kivanwa mu majerikani manini, kigahabwa abantu bakanywa.Umugabo umwe mu batashye ubu bukwe yatubwiye ko abanyoye iki kigage biganjemo abagore n’urubyiruko ubu harimo abakimerewe nabi.

Abenshi ngo batangiye gufatwa kuwa Gatandatu nimugoroba, ku cyumweru batangira kujya kwa muganga ku kigo nderabuzima cya Mugombwa.

Uyu mugabo utifuje gutangazwa avuga ko kubwe iki kigage yabonaga giteguranywe isuku kuko cyanateguwe na ba nyiri ubukwe, kandi yabonaga gitangwa mu tujerikani dusa neza.

Umuganga ku kigo nderabuzima cya Mugombwa yabwiye Umuseke ko bakiriye abantu bagera kuri 57 kuva ejo nimugoroba bose bafite ibibazo byo kuribwa munda, kuruka no guhitwa cyane.

Bose ngo bavuga ko basangiye ikigage mu bukwe kuwa gatandatu.

Uyu muganga yavuze ko umuntu umwe ari we wakomerejwe cyane bakamwohereza ku bitaro bya Kibirizi aha muri Gisagara kugira ngo avurwe byisumbuyeho.

Abandi ngo bari gukurikiranwa kwa muganga Mugombwa abandi benshi bakaba basezerewe kuko borohewe.

Hari amakuru avuga ko hari n’abandi banyoye kuri iki kigage bari baturutse kure ya hano ku Gisagara baje mu bukwe nyuma bagataha ubu nabo ngo bari kwivuriza iwabo kubera uyu musururu.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Kayijamahe

    Abantu banywa izi nzoga zikomoka ku masaka n’ibitoki bakwiye kujya bitonda kuko zishobora kuba zikoranwa isuku nke. Mu rego rwo kwirinda, abantu bakwiye kujya bagirira amakenga bene izi nzoga kuko bimaze kugaragara ko hari aho zinywebwa, zikagira ingaruka kubazinyoye.

    October 2018

Inzindi nkuru

Hari abahura n’ikibazo cyo kunanirwa gutera akabariro, ese biravurwa? Umva...

Ubusanzwe umuntu muzima agira imbaraga zimusunika zimwerekeza ku kumva...
11 June 2019 Yasuwe: 3512 2

Indwara ya Asima (Asthma) ishobora kuvurwa igakira? Umva icyo abaganga...

Asthma (soma asima) ni indwara y’ubuhumekero yongera ubukana bitewe...
3 June 2019 Yasuwe: 1624 0

Inama ku bagabo bagira intege nke mu gihe cyo gutera akabariro n’icyo bakora...

Gucika intege ku bagabo mu gihe cy’imibonano mpuzabitsina ni bimwe mu...
5 May 2019 Yasuwe: 6756 1

Munyengango umusaza w’imyaka 102 wasezeranye kubana akaramata na...

Umusaza w’imyaka 102 witwa Munyengango Berckmas yasezeranye kubana akaramata...
2 May 2019 Yasuwe: 3903 1

Igeragezwa ry’urukingo rwa Ebola rirakomereza mu Rwanda, ese abo rwagiraho...

Kuva ejo taliki 15/4/2019 Minisiteri y’Ubuzima igiye gutanga urukingo rwa...
14 April 2019 Yasuwe: 2686 1

Ese ikibazo cyangwa indwara yo kunanirwa gutera akabariro no kubaka urugo...

Ubusanzwe Libido ni imbaraga zisunika umuntu zimwerekeza ku kumva ashaka...
27 March 2019 Yasuwe: 3816 1