skol
Kigali
startimes

Gisagara: Barindwi barimo Gitifu wa Mukindo bakurikiranyweho guhohotera umuturage

Amakuru   Yanditswe na: Dusingizimana Remy 28 August 2020 Yasuwe: 3161

Urwego rw’Igihugu rushinzwe Ubugenzacyaha, RIB, rwataye muri yombi abagabo barindwi barimo Umunyamabanga Nshingwabikorwa w’Umurenge wa Mukindo mu Karere ka Gisagara ushinjwa ibyaha birimo kugerageza kwambutsa umuturage umupaka anyuze ahatemewe no guhohotera umuturage.


Abo bagabo barindwi batawe muri yombi ku wa 25 Kanama 2020, ubu bafungiye kuri Sitasiyo ya Polisi ya Ndora mu Karere ka Gisagara.

Barimo Rutaganda Jean Félix usanzwe ari Umunyamabanga Nshingwabikowa w’Umurenge wa Mukindo mu Karere ka Gisagara; Umuhuzabikorwa wa Dasso muri uyu murenge witwa Ntahompagaze Emmanuel; Dasso uhakorera witwa Habyarimana Alphonse; uwahoze ari Umukuru w’Umudugudu wa Mukindo, Hategekimana Charles; abaturage babiri aribo Nsengiyumva Vincent na Habonimana Jean Baptiste n’umugabo w’umugore wahohotewe witwa Macumi Ildephonse alias Bagora.

Amakuru avuga ko muri Kamena 2020 umugore witwa Niyomuhoza Joselyne ucumbitse mu Murenge wa Mugombwa mu Karere ka Gisagara yashinje Umunyamabanga Nshingwabikorwa w’Umurenge wa Mukindo, Rutaganda n’ukuriye Dasso muri uwo murenge ko bamuhohoteye bakamufunga ndetse bakanamushyira kuri moto bakamujyana kumuroha mu Akanyaru ariko ku bw’amahirwe akaza kuvamo adapfuye.

Yigeze kumvikana mu itangazamakuru avuga ko hashize amezi abiri bibaye ariko ko atigeze ahabwa ubutabera.

Niyomuhoza uvuga ko afite inkomoko mu Burundi yashakanye n’umugabo w’Umunyarwanda, Macumi Ildephonse, babyarana kabiri ariko nyuma ngo batangira kubana nabi ku buryo anashinja umugabo we ko ari we wishe umwana muto babyaranye.

Umuvugizi wa RIB, Dr. Murangira B. Thierry, yabwiye IGIHE dukesha ko aba bagabo uko ari barindwi batawe muri yombi ndetse ko dosiye zabo ziri gukorwa n’iperereza rigikomeje.

Ati “Bahohoteye umuturage. Dosiye zabo ziri gukorwa, iperereza rirakomeje, zizagezwa mu bushinjacyaha mu gihe kigenwa n’amategeko. Ni umugabo wari ufitanye amakimbirane n’umugore.”

Aba bagabo bose bahuriye ku byaha birimo gufunga umuntu binyuranyije n’amategeko, kwambutsa cyangwa kugerageza kwambutsa umuntu anyuze ahatemewe, gufata icyemezo kibuza iyubahirizwa ry’amategeko, ubufatanyacyaha mu kwambutsa no kugerageza kwambutsa umuntu anyuze ahatemewe no gukubita cyangwa gukomeretsa ku bushake.

Muri ibi byaha byose bakurikiranyweho, usibye icyo kwambutsa cyangwa kugerageza kwambutsa umuntu anyuze ahatemewe, gihanishwa igifungo cy’amezi atatu ariko atarenze atandatu, ibindi byose nta na kimwe kiri munsi y’igifungo cy’imyaka itatu ariko itarenze itandatu.

Inkuru IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ubwami bw’u Bubiligi bwahaye Leta y’u Rwanda imbangukiragutabara...

Ubwami bw’u Bubiligi bwahaye u Rwanda imbangukiragutabara 40 zifite agaciro...
24 September 2020 Yasuwe: 1237 0

Izindi mpunzi 511 z’Abarundi zari mu nkambi ya Mahama zahungutse

Icyiciro cya gatatu cy’impunzi 511 z’Abarundi, cyahagurutse mu nkambi ya...
24 September 2020 Yasuwe: 510 0

Habineza François yishwe atemaguwe n’umugore we afatanyije n’abakobwa be...

Mu gitondo cyo kuri uyu Gatatu tariki ya 23 Nzeri 2020, umugabo witwa...
24 September 2020 Yasuwe: 1862 0

Abantu 41 banduye Covid-19 mu Rwanda barimo abashoferi bambukiranya...

Minisiteri y’ubuzima yatangaje ko uyu munsi tariki ya 23 Nzeri 2020,abantu...
23 September 2020 Yasuwe: 1643 1

Nyamasheke: Umugore yahawe inka nyuma yo gushyira mu kato umugabo we...

Ubuyobozi bw’ Akarere ka Nyamasheke bwashyikirije umuryango wa Habarugira...
23 September 2020 Yasuwe: 4435 0

Abantu 16 banduye Coronavirus mu Rwanda abandi 18 barayikira

Minisiteri y’ubuzima yatangaje ko uyu munsi tariki ya 22 Nzeri 2020,abantu...
22 September 2020 Yasuwe: 889 0