Kigali
startimes

Habonetse abandi bantu 11 banduye Coronavirus mu Rwanda hakira abandi 6

Amakuru   Yanditswe na: Dusingizimana Remy 19 May 2020 Yasuwe: 1397

Minisiteri y’Ubuzima mu Rwanda yatangaje ko kuri wa Kabiri tariki 19 Gicurasi, habonetse abarwayi 11 bashya ba COVID-19 hakira abandi batandatu.Abamaze kwandura iyo ndwara mu Rwanda babaye 308 mu gihe abayikize bose hamwe bamaze kuba 209.Abakirimo kwitabwaho n’abaganga babaye 99.



Mu bipimo 1,217 byafashwe uyu munsi hagaragayemo abarwayi 11 bujuje 308 bamaze kugaragarwaho na Coronavirus mu Rwanda, mu gihe 209 barimo 6 bakize uyu munsi bamaze gukira.Abarwayi 99 nibo bakiri kwa muganga.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu rwego rwo guhashya burundu Coronavirus,Abaturarwanda barasabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.

Abaturage hirya no hino mu Mujyi wa Kigali babwiye RBA ko ingamba zo kwirinda icyorezo cya COVID 19 ziramutse zikomeje kubahirizwa uko bikwiye, byatuma ubuzima bukomeza kandi n’icyo cyorezo kikirindwa kuzageza gicitse. Impuguke mu bijyanye n’ubuzima zikaba zisaba kwitwararika kuri mabwiriza yatanzwe.

Aba baturage bavuga ko iyi myitwarire baramutse bayigize intego, byatuma ubuzima bukomeza, bakanenga abatubahiriza ayo mabwiriza agamije kwiranda ikwirakwira ry’ubwandu bwa coronavirusi.

Higiro Andé utuye mu Karere ka Gasabo avuga ko kuba hari abantu bake bari kwandura icyorezo cya COVID19 biterwa n’uko ingamba zo kukirinda abantu bazumvise.

Ati ’’Nk’ubu batubwira gukaraba, kwambara neza agapfukamunwa tukirinda ko amatembabuzi aturutse mu kanwa cyangwa mu mazuru atugeraho cyangwa akagera ku bandi, kwirinda gusuhuzanya duhana umukono, guhana intera. Mbega ni ugukurikiza amabwiriza yose duhabwa n’abafitemo ubumenyi.Ndahamya ko kuba tugejeje uyu munsi hatarandura benshi, ni uko twagiye twubahiriza ingamba.’’

Na ho Uwimana Catheline utuye mu Karere ka Nyarugenge avuga n’ubwo ingamba zikurikizwa, hari aho ugisanga batazubahiriza uko bikwiye.

Ati ’’Hari abo usanga bakuyemo udupfukamunwa, abandi ntibapfuke amazuru, ariko iyo myitwarire ikwiye guhinduka, niba icyorezo giteye nabo bakagira impinduka.’’

Nyirambarushimana Monique ati ’’Tugomba gutegura ejo heza kugira ngo turandure iki cyorezo, gusa, mu giturage hari abatubahiriza intera ya metero hagati y’umuntu n’undi, kandi ugasanga bamwe mu bacuruzi dupfukamunwa bambaye kandi abaguzi baba bari bubevugishe.’’

Abajyanama b’ubuzima nka bamwe mu bashinzwe guhugura abaturage bavuga ko hari imyitwarire itarahinduka cyane cyane mu rubyiruko bakaba basanga ubukangurambaga bwahoraho kugira ngo amabwiriza arusheho kumvikana:

Uwera Laetitia ati ’’Haracyari ingorane zishingiye ku myitwarire y’urubyiruko, bamwe baracyarangwa n’imyitwarire yo gusuhuzanya, bakagenda bafatanye, bakwiye kwigishwa uburyo bakwirinda iki cyorezo binyuze mu miganda no mu nteko z’abaturage.’’

Impuguke mu bijyanye n’indwra z’imbere mu mubiri Dr Turatsinze David avuga ko mu ntwaro zo kwirinda icyorezo cya covid 19 agapfukamunwa gakoze neza, kandi kambarwa neza kagomba kuza ku isonga, isuku ihoraho na yo igaherekezwa no guhindura imyitwarire:

Ati ’’Niba wagize ingorane zo gukora ku muntu ushobora kuba yanduye, iyo ukarabye ya virus ivaho. Gukaraba neza kandi kenshi ni ingenzi. Ikindi ni ukwambara agapfukamunwa kuko iyo nkambaye mba nirinze kandi ndinze n’abo twegerenye. Abantu ntibakambare kubera ko babonye abashinzwe kubibabaza. Ikindi ntabwo dukwiye kwambara udupfukamunwa kose tubonye kuko iyo uhumetse ibikagize bishobora kujya mu bihaha bigatera allergie.’’

Ku bijyanye n’amabwiriza yo kwambara agapfukamunwa Minisiteri y’ubuzima ivuga agakozwe mu mwenda kambarwa amasaha atandatu gusa, nyuma y’icyo gihe kagahindurwa.

Agapfukamunwa kandi kagomba kuba gatwikiriye isura uhereye ku zuru kugera munsi y’akananwa. Na ho ku bijyanye no gukaraba intoki, ngo hagomba gukoreshwa amazi meza n’isabune kandi isabue igasigwa ku ntoki nibuze amasegonda 40, nyuma ku ntoki hagasigwa umuti wica za mikorobi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abantu 42 banduye Coronavirus mu Rwanda abandi 12 barayikira

Uyu munsi tariki ya 10 Nyakanga 2020, habonetse abanduye Coronavirus bashya...
10 July 2020 Yasuwe: 1672 0

Kigali: Imwe mu midugudu yari muri Guma mu rugo kubera COVID-19...

Minisiteri y’Ubutegetsi bw’Igihugu [MINALOC] yatangaje ko yakuye muri gahunda...
10 July 2020 Yasuwe: 1485 0

Perezida Kagame yavuze ku ifunguro akunda n’ukuntu ajya asiba amafunguro ya...

Nyakubahwa Perezida wa Repubulika,Paul Kagame yavuze ko atagira ibyokurya...
10 July 2020 Yasuwe: 6462 0

Zawadi na Mugenzi bahishuye uburyo umugabo udatera akabariro aheranwa...

Umutoni Zawadi wize amashuri makuru mu gihugu cya Cameroon aminuriza mu...
10 July 2020 Yasuwe: 3610 1

Habonetse abarwayi 16 ba Coronavirus mu Rwanda hakira abantu...

Kuri uyu wa Kane tariki ya 09 Nyakanga 2020,mu Rwanda habonetse abarwayi...
9 July 2020 Yasuwe: 1186 0

COVID-19:Umuryango nyarwanda uharanira uburenganzira bwa muntu wishimiye...

Umuryango nyarwanda utari uwa Leta uharanira Uburenganzira bwa Muntu...
9 July 2020 Yasuwe: 255 0