skol
fortebet

Habonetse abandi bantu 12 banduye Coronavirus muri Rusizi na Rusumo

Yanditswe: Tuesday 09, Jun 2020

Sponsored Ad

Minisiteri y’Ubuzima yatangaje ko kuri uyu wa Mbere tariki ya 09 Kamena 2020 mu bipimo 1,870 byafashwe mu Rwanda habonetse abandi barwayi bashya 12.Abamaze kwandura iyo ndwara mu Rwanda bose babaye 463.
Uyu munsi hakize abantu 3 bityo abamaze gukira bose baba 300. Abakirwaye baba 161 mu gihe hamaze gupfa abantu 2.Bose bakaba baturuka I Rusizi na Rusumo.
Aba barwayi bashya bagaragaye muri Rusizi na Rusumo,bahise bashyirwa mu kato n’abo bahuye bahise bakurikiranwa.
Abaturarwanda barasabwa (...)

Sponsored Ad

Minisiteri y’Ubuzima yatangaje ko kuri uyu wa Mbere tariki ya 09 Kamena 2020 mu bipimo 1,870 byafashwe mu Rwanda habonetse abandi barwayi bashya 12.Abamaze kwandura iyo ndwara mu Rwanda bose babaye 463.

Uyu munsi hakize abantu 3 bityo abamaze gukira bose baba 300. Abakirwaye baba 161 mu gihe hamaze gupfa abantu 2.Bose bakaba baturuka I Rusizi na Rusumo.

Aba barwayi bashya bagaragaye muri Rusizi na Rusumo,bahise bashyirwa mu kato n’abo bahuye bahise bakurikiranwa.

Abaturarwanda barasabwa gukaza ingamba zo kwirinda icyo cyorezo bakurikiza amabwiriza yo kwambara agapfukamunwa, kubahiriza intera ya metero ndetse no gukaraba kenshi n’amazi meza ndetse n’isabune cyangwa arukoro yabugenewe.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Ishami ry’Umuryango w’Abibumbye ryita ku buzima (OMS), ryatangaje ko icyorezo cya Koronavirusi (COVID-19) kikiyongera ku Isi, ryihanangiriza ko nta kuregeza gukwiye kubaho.

Nubwo mu Burayi hari impinduka bigenda biba byiza, ku Isi ho si ko biri nk’uko byatangajwe n’Umuyobozi wa OMS, Tedros Adhanom Ghebreyesus. Ni mu kiganiro yagiranye n’itangazamakuru mu buryo bw’ikoranabuhanga i Genève ku wa Mbere w’iki cyumweru.

Yagize ati: “Abantu bashya basaga 100 000 mu minsi ikenda ku icumi iheruka. Ku Cyumweru, hagaragaye kuzamuka kw’imibare, isaga 136 000 y’abarwayi bashya. Yanavuze ko ari umubare uri hejuru cyane ku munsi umwe”.

Todros yavuze ko hafi 75% by’abarwayi bashya babonetse ku Cyumweru ari abo mu bihugu 10, by’umwihariko ku mugabane w’Amerika na Aziya y’Amajyepfo. Yagaragaje ko hari ibihugu bigaragaza impinduka nziza mu kwirinda icyorezo cya Koronavirusi.

Yongeyeho ati: “Igihangayikishije mu by’ukuri ni ukuregeza, guterera iyo. Abantu benshi ku Isi bashobora kwandura. Turi mu kwezi kwa gatandatu kuva iki cyorezo cyagaragara, si igihe cyo guterera iyo, si igihe cyo gutsimbura ikirenge”.

Ku birebana n’imyigaragambyo kubera urupfu rw’umwirabura George Floyd wishwe n’umuporisi ku itariki ya 25 Gicurasi muri Amerika, yavuze ko abantu bagomba kuba maso. Ati “OMS ishyigikiye byimazeyo ibisabwa mu birebana n’uburinganire bw’abantu no kurwanya irondaruhu. Twamaganye icyoari cyo cyose kizana amacakubiri”.

Yongeyeko ati “Dushyigikiye abigaragambya ko babikora mu mutekano. Mugume ku ntera ya metero imwe hagati y’umuntu n’undi, mukarabe intoki munambare agapfukamunwa ku bajya kwigaragambya. Abaguma mu rugo bahagume kandi nibagira ikibazo cy’uburwayi babimenyeshe inzego z’ubuzima”.

Icyorezo cya Koronavirusi kimaze guhitana abantu basaga 403 000 ku Isi guhera cyaduka mu Kuboza 2019 mu Bushinwa, abayirwaye bakaba basaga miriyoni 7 mu bihugu 196 n’intara nk’uko byatangajwe n’Ibiro ntaramakuru by’u Bufaransa. Nyuma y’agace k’Aziya y’uburasirazuba, u Burayi bwaribasiwe busa nk’indiri ya Koronavirusi, kuri ubu ikaba yibasiye Umugabane w’Amerika.

Imibare yashyizwe ahagaragara na OMS kugeza ejo hashize ni uko Leta Zunze Ubumwe z’Amerika ziza ku isonga aho abamaze kwandura bari 2 026 597, naho abamaze gupfa bari 113 061.

Brésil iza ku mwanya wa kabiri, ifite abanduye 710 887 n’abamaze gupfa 38 125. U Burusiya ni ubwa gatatu n’abanduye 476 658, hamaze gupfa 5 971, muri Espagne handuye 288 797 hapfa 27 136.

Ku mugabane w’Afurika ho hamaze kugaragara abantu 198 990 banduye Koronavirusi, abamaze gupfa ni 5 390 naho abakize ni 88 212. Afurika y’Epfo akaba ari cyo gihugu gifite abanduye benshi, 50 879 n’abamaze gupfa 1 080.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa