skol
Kigali
startimes

Habonetse abantu 21 banduye Coronavirus mu Rwanda hakira abandi 13

Amakuru   Yanditswe na: Dusingizimana Remy 2 July 2020 Yasuwe: 3107

Minisiteri y’Ubuzima yatangaje ko kuri uyu wa Kane tariki ya 2 Nyakanga 2020, habonetse abarwayi bashya 21 b’icyorezo cya Koronavirusi (COVID-19) mu bipimo 3, 737 byafashwe mu masaha 24 ashize, hasezererwa abandi 13 bakize neza.


Abamaze kwandura iyi ndwara bose hamwe mu Rwanda,babaye 1,063. Uyu munsi hakize 13.Abamaze gukira bose ni 493. Abakirwaye ni 567. Abamaze gupfa ni 3.

Abarwayi bashya bagaragaye i Kigali:7, i Ngoma:5,i Rusizi:5 n’i Kirehe:4, bose bakaba bashyizwe mu kato ndetse n’abo bahuye bahita bakurikiranwa.

Kugeza ubu abakirimo kwitabwaho n’abaganga bageze kuri 567 mu barwayi bamaze kuboneka mu bipimo 151,641 byafashwe kuva umurwayi wa mbere yatahurwa mu Rwanda kuwa 14 Werurwe kugeza ubu.

Abaturarwanda barasabwa kurushaho kubahiriza amabwiriza yo kwirinda ari yo gusiga intera ya metero, kwambara udupfukamunwa no gukaraba intoki kenshi bakoresheje amazi meza n’isabune cyangwa arukoro yabugenewe.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Imibare yatangajwe ku rwego mpuzamahanga yerekana ko muri Afurika abamaze kwandura COVID-19 bageze ku 414,011 barimo 195,729 bakize n’abandi 10,260 bahitanywe na cyo. Abamaze kwandura ku Isi bangana na 10,923,327 barimo abakize 6,106,649 n’abapfuye 521,483.

Umubare w’abanduye Coronavirus mu masaha 24 ashize muri Leta Zunze Ubumwe za Amerika wongeye kuzamuka kuko warenze ibihumbi 50, biba ubwiyongere bukabije bubayeho uhereye igihe icyorezo cyatangiriye.

Abenshi mu barwayi ba Coronavirus muri Amerika bari kuboneka muri Leta nka Arizona, California, Florida na Texas. Abantu basaga 128000 nibo bamaze guhitanwa na Coronavirus muri icyo gihugu.

Ubu bwiyongere bubaye mu gihe Perezida Trump kuri uyu wa Gatatu yatangaje ko yizeye ko umunsi umwe Coronavirus izaburirwa irengero, ikarangira.

Uretse muri Amerika, ubwiyongere bwongereye kugaragara no mu bindi bihugu nko mu gace ka Lombardy mu Butaliyani, ahigeze kwibasirwa n’icyorezo mu minsi ishize.

Mu kurushaho gutanga ituze n’umwanya wo guhangana na Coronavirus, Akanama gashinzwe umutekano muri Loni katoye umwanzuro w’iminsi 30 usaba ituze no guhagarika imirwano mu bihugu nka Syria, Yemen, Libya, Sudani y’Epfo na Congo.

Hafi miliyoni 10.7 z’abantu ku isi bamaze kwandura Coronavirus barimo abasaga miliyoni 5,6 bakize naho abasaga 516000 barapfuye nk’uko imibare ya Johns Hopkins University ibigaragaza.

Leta Zunze Ubumwe za Amerika nizo ziza ku isonga mu kugira abantu benshi banduye kuko basaga miliyoni 2,7, Brésil iza ku mwanya wa kabiri kuko ifite abasaga miliyoni 1,4 naho u Burusiya buri ku mwanya wa gatatu aho bufite abanduye basaga ibihumbi 650.

Ku mugabane wa Afurika, Afurika y’Epfo iri imbere mu kugira abarwayi benshi kuko basaga ibihumbi 159, Misiri basaga ibihumbi 69 naho Nigeria ifite abasaga ibihumbi 26.

Umubare w’abamaze guhitanwa na Coronavirus muri Afurika ungana na 10443. Misiri niyo iza imbere mu gupfusha benshi kuko ari 3034, Afurika y’Epfo imaze gupfusha 2749.

Muri Afurika y’Iburasirazuba, abamaze kwandura muri Kenya ni 6673 mu gihe abapfuye ari 149, muri Sudani y’Epfo hamaze kwandura abantu 2021 barimo 38 bapfuye, mu Rwanda hamaze kwandura 1042 barimo batatu bapfuye, Uganda hamaze kwandura abantu 893 nta n’umwe urapfa, Tanzania imibare iheruka yo muri Gicurasi igaragaza ko handuye 509 harimo 21 bapfuye mu gihe mu Burundi hamaze kwandura 170, hapfuye umwe.

Muri Repubulika Iharanira Demokarasi ya Congo ihana imbibi n’u Rwanda naho ubwandu bukomeje kwiyongera kuko abantu banduye bageze ku 7122 barimo 175 bapfuye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Covid-19 yahitanye abantu 7 mu Rwanda abandi 204 barayandura

Minisiteri y’Ubuzima yatangaje ko uyu munsi tariki ya 23 Mutarama...
23 January 2021 Yasuwe: 4358 0

Hatangiye igikorwa cyo gupima abaturage ibihumbi 20 mu tugari twose two mu...

Abaturage basaga ibihumbi 20 bo mu tugari rwose two mu mujyi wa Kigali,...
23 January 2021 Yasuwe: 3941 0

Abantu 3 bishwe na COVID-19 mu Rwanda handura 273 bashya

Minisiteri y’Ubuzima yatangaje ko uyu munsi tariki ya 22 Mutarama...
23 January 2021 Yasuwe: 4820 0

MINISANTE yashyizeho uburyo bworohereza abaganga n’abarwayi bagorwa kubera...

Minisiteri y’Ubuzima iratangaza ko yamaze gushyiraho uburyo bwo korohereza...
22 January 2021 Yasuwe: 3922 0

Covid-19 yishe abantu 9 umunsi umwe mu Rwanda handura abandi...

Minisiteri y’Ubuzima yatangaje ko uyu munsi tariki ya 21 Mutarama...
21 January 2021 Yasuwe: 4958 0

Abandi bantu 5 bahitanwe na Covid-19 mu Rwanda handura 312

Minisiteri y’Ubuzima yatangaje ko uyu munsi tariki ya 20 Mutarama...
20 January 2021 Yasuwe: 4790 1