skol
Kigali
startimes

Habonetse abantu 37 banduye Coronavirus mu Rwanda hakira abantu 31

Amakuru   Yanditswe na: Dusingizimana Remy 29 July 2020 Yasuwe: 841

Kuri uyu wa 29 Nyakanga 2020,abanduye Coronavirus mu Rwanda bashya ni 37 barimo ababonetse I Rusizi:15 (bapimwe mu duce twibasiwe kurusha ahandi), Kigali:13 (abahuye n’abanduye&Abaturarwanda batashye bahita bashyirwa mu kato), Nyamasheke:6, Rulindo:3.


Umubare w’abamaze kwandura Covid-19 wabaye 1963, mu gihe 31 aribo bayikize banasezererwa mu bitaro. Abamaze gukira bose ni 1036. Abakirwaye ni 922. Abamaze gupfa ni 5.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ubuyobozi bw’Ikigo k’Igihugu cy’Ubuzima (RBC) bwatangaje ko amafaranga y’u Rwanda 47 200 (amadorari ya Amerika 50) yatangiye kwishyurwa n’abipimisha icyorezo cya COVID-19 ku bushake, ntaho ahuriye n’igiciro k’igipimo aba yafashwe ubwacyo kikubye inshuro zirenga ebyiri.

Umuyobozi wa RBC Dr. Nsanzimana Sabin, yagaragaje ukuri ku giciro gishya n’icyo abantu bakabaye bishyura, anahishura ko gahunda yo gupima ababyifuza yitabiriwe n’abarenga 100 tariki ya 28 Nyakanga 2020 ku munsi wa mbere yatangirijweho.

Iyo gahunda yashyizweho kugira ngo abashaka gukora ingendo zijya hanze n’abandi babyifuza bafite ubushobozi bapimwe, bahabwe ibisubizo nyuma y’igihe kitarenze amasaha 24 n’ikemezo cy’uko ari bazima igihe basanzwe badafite virusi.

Dr. Nsanzimana avuga amafaranga 47200 /amadorari 50 abipimisha ku bushake basabwa kwishyura ntaho ahuriye n’igiciro k’icyo gipimo ubwacyo kuko gihenze cyane.

Yagize ati “Ubundi ariya mafaranga bazajya batanga nta n’ubwo yagura igipimo kuko kiyarengeje cyane… Icyo giciro ntigihanitse kuko ubundi igipimo kigora no kugikora; gisaba kureba mu turemangingo, bikanyura mu mashini ebyiri cyangwa eshatu, bigatwara umwanya munini. Igiciro cyacyo ubundi kiri hagati y’amafaranga y’u Rwanda 75 000 na 100 000”.

Dr. Nsanzimana yavuze ko Leta yakoze ibishoboka byose kugira ngo abifuza kumenya uko bahagaze bitababera umutwaro kandi hari uburyo bushoboka babikorerwamo ari na ko bagira uruhare mu kunganira serivisi bahabwa n’izihabwa abandi muri urwo rwego.

Akomeza avuga ko iyo gahunda itazakuraho uburyo busanzwe bwo gupima icyo cyorezo ku bantu benshi, cyane cyane ahakekwa ko higanje ubwandu bushya nk’ahahurira abantu benshi, ku mipaka, n’ahandi.

Kugeza ubu ahakorerwa ibipimo byishyurirwa ni kuri Petit Sitade i Remera ndetse n’i Gikondo munsi ya MAGERWA, ku Ishami rya RBC ritanga serivisi z’inkingo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tuyisenge w’imyaka 23 yishe umugore we Claudine w’imyaka 32 bapfa...

Mu Mudugudu wa Mikingo, Akagari ka Mudakama, Umurenge wa Gataraga mu Karere...
19 September 2020 Yasuwe: 2476 0

Abandi bantu 2 bahitanwe na Covid-19 mu Rwanda handura abandi...

Kuri uyu Gatanu tariki ya 18 Nzeri 2020, Minisiteri y’Ubuzima yatangaje ko...
18 September 2020 Yasuwe: 2041 0

Umugabo w’imyaka 48 yabaye umuntu wa 23 Covid-19 yahitanye mu...

Kuri uyu Kane tariki ya 17 Nzeri 2020, Minisiteri y’Ubuzima yatangaje ko I...
17 September 2020 Yasuwe: 2239 0

Abantu 150,000 bamaze kwemererwa gukuramo inda mu Rwanda kuva muri...

Imiryango iharanira uburenganzira bwa muntu mu Rwanda ivuga ko kuva itegeko...
17 September 2020 Yasuwe: 1200 1

Habonetse abantu 10 banduye COVID-19 mu Rwanda hakira abandi...

Minisiteri y’Ubuzima yatangaje ko uyu munsi tariki ya 16 Nzeri 2020,mu...
16 September 2020 Yasuwe: 1235 0

IFOTO Y’UMUNSI:Perezida Kagame yagaragaye ateruranye ubwuzu bwinshi...

Nyakubahwa Perezida wa Repubulika,Paul Kagame,yashyize hanze ifoto ateruye...
16 September 2020 Yasuwe: 3554 1