Uyu munsi tariki ya 13 Nyakanga 2020,abanduye Coronavirus bashya mu Rwanda ni 41 barimo aba Kigali:22 (itsinda riri mu kato ryitabwaho by’umwihariko), Nyabihu:8 (Abafungiye muri za kasho), Nyamasheke:6, Rusizi:5.

Sponsored Ad

Abamaze kwandura bose ni 1,378. Uyu munsi hakize 26 bituma abamaze gukira bose baba 710. Abakirwaye ni 664. Abamaze gupfa ni 4.

Abaturarwanda barasabwa gukomeza kubahiriza amabwiriza yo kwirinda Coronavirus arimo gusiga intera ya metero hagati y’abo, kwambara udupfukamunwa no gukaraba intoki kenshi bakoresheje amazi meza n’isabune cyangwa arukoro yabugenewe.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Ubuyobozi bw’Ikigo k’Igihugu gishinzwe Ubuzima RBC, buratangaza ko muri za kasho hagaragara abarwayi ba Koronavirusi, bukavuga ko muri kasho umuntu ashobora kuyinjiranamo cyangwa akayisohokana akayikwirakwiza mu baturage.

Umuyobozi w’Ikigo k’Igihugu gishinzwe ubuzima Dr Nsanzimana Sabin, yagize ati: “Umuntu ufunzwe ashobora kujyana uburwayi muri kasho igihe atanabizi ko yari abufite cyangwa inzira zose abafungwa bashobora kunyuramo na ho bashobora gukwiza uburwayi cyangwa bakabufata.”

Dr Nsanzimana avuga ko bisobanuye ko abantu bagomba gufata ingamba no gushyira mu ngiro amabwiriza yo kwirinda Koronavirusi kuko ngo ahantu hose ishobora kuhagera cyane cyane aho abantu begeranye nko muri za kasho.

Ati: “Kuva ku munsi w’ejo muri za kasho zose zo mu Rwanda harimo gufatwa ibipimo ndetse no mu turere twibasiwe, abantu bose binjiyemo n’abasohotsemo barapimwa ndetse no muri za gereza turimo turagenda dufatayo ibipimo ku bw’amahirwe nta barwayi turabona muri za gereza zo mu Rwanda ariko kuba za kasho zibamo abantu binjira n’abasohoka birumvikana ko icyorezo gishobora kwinjiramo cyangwa kigasohokamo.”

Akomeza agira ati: “Ibyo bipimo dufata biraza kugaragaza ahari uburwayi n’ahatari uburwayi, kuba hari bugaragare COVID19, ubwayo iraba ari ikibazo kuko aho igeze hari umuntu umwe ahita ayikwiza mu bandi bantu begeranye ariko aho itaragera ubwo ingamba twagiye dushyiraho n’inzego dufatanya nuko turinda abinjira muri kasho ntibinjiranemo COVID19 ariko n’abasohoka ntibayisohokane ngo bayikwize mu baturage”.

Ubuyobozi bwa RBC buvuga ko iki ari ikibazo gihangayikishije ariko bukagaragaza ko bwagifatiye ingamba zikomeye.

Kugeza ubu mu Rwanda hamaze gutahurwa abarwayi 1,337 barimo 684 bakize na 649 bakirimo kwitabwaho n’abaganga.

Abo barwayi barimo 38 bashya babonetse mu bipimo 3,021 ejo ku Cyumweru, hakaba haratashye n’abandi 21 bakize neza. Mu barwayi bashya, barimo itsinda ry’abantu 29 bafungiye muri za kasho mu Mujyi wa Kigali.