skol
Kigali
startimes

Habonetse abarwayi batatu ba Coronavirus hakira abantu icyenda mu Rwanda

Amakuru   Yanditswe na: Dusingizimana Remy 17 June 2020 Yasuwe: 3850

Minisiteri y’Ubuzima yatangaje ko uyu munsi tariki ya 17 Kamena 2020, habonetse abarwayi batatu ba Coronavirus mu Rwanda bituma abamaze kwandura bose baba 639. Aba barwayi bagaragaye muri Rusizi no mu Banyarwanda batashye. Uyu munsi hakize 9, abakize bose babaye 347. Abakirwaye ni 290. Abamaze gupfa ni 2.


Minisiteri y’Ubuzima yasabye buri munyarwanda wese kuba ijisho rya mugenzi we, yamenya umuntu ufite ibimenyetso bya Coronavirus akamukangurira guhamagara kuri nimero itishyurwa 114 cyangwa akamenyesha abajyanama b’ubuzima, kugira ngo basuzumwe.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ishami ry’Umuryango w’Abibumbye ryita ku Buzima (OMS) ku wa Kabiri ejo hashize ryishimiye ibisubizo byavuye mu igerageza ry’ibanze ryakozwe n’abashakashatsi b’Abongereza ry’umuti witwa ‘Dexamethasone’, kuri ubu urimo kwifashishwa mu kuvura abarwayi barembye cyane kubera Koronavirusi.

Umuyobozi Mukuru wa OMS, Tedros Adhanom Ghebreyesus yagize ati “Uyu ni wo muti wa mbere werekanye ko ushobora kugabanya ibyago byo guhitanwa n’icyorezo cya Koronavirusi ku barwayi barembye bashyizweho imashini cyangwa se abakeneye umwuka”.

Yongeyeho ati: “Ni inkuru nziza, ndashimira Guverinoma y’u Bwongereza, kaminuza ya Oxford, ibitaro byinshi n’abarwayi bo muri icyo gihugu bagize uruhare kuri ubu bushakashatsi buramira ubuzima”.

Icyorezo cya koronavirusi kimaze guhitana abagera ku 438 250 guhera u Bushinwa bwamenyesha ko icyo cyorezo cyagaragaye mu Kuboza 2019 nk’uko byatangajwe n’Ibiro ntaramakuru by’u Bufaransa.

Ikizere cyo kubona umuti uboneka ku isoko wagaragayeho kuvura koronavirusi, ni inkuru yasakaye ku wa Kabiri bitangajwe n’abakuriye igerageza ry’ubuvuzi ryakozwe n’Abongereza.

Igeragezwa ry’uwo muti ‘Dexamethasone’ mu Bwongereza ryerekana ko utuma umuntu umwe muri batatu aticwa na Koronavirus iyo uhawe umurwayi urembye uri kuri ‘Ventilator’, naho wahabwa umurwayi ukeneye umwuka mwiza (Oxygène), ugatuma umuntu umwe muri batanu adapfa.

Mu kugerageza uwo muti, wahawe abantu barenga 2 000, imimerere yabo yagereranyijwe n’abandi barwayi 4 300 batawuhawe, basanga waragize umumaro ku bawuhawe bari barembye basanga byagabanyijeho 1/3.

OMS yongeyeho ko abashakashatsi bunguranye ibitekerezo ku makuru y’ibyavuye mu igeregeza ry’uwo muti, kandi ko hari ikizere cyo kurushaho kuwumenyaho byinshi mu minsi iri imbere.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Urujya n’uruza muri Gare ya Nyabugogo ni rwose ruhunga Guma mu rugo ya...

Nyuma y’aho Inama y’abaminisitiri isubije muri Guma mu rugo kubera...
19 January 2021 Yasuwe: 6766 0

Prof.Shyaka yahumurije Abanyarwanda batewe ubwoba n’inzara muri Guma mu...

Mu gihe Kigali yose yashyizwe muri Guma mu Rugo bikaba bituma hari ababura...
19 January 2021 Yasuwe: 3563 0

Covid-19: Hapfuye abandi bantu 4 mu Rwanda, abanduye bashya ni...

Minisiteri y’Ubuzima yatangaje ko uyu munsi tariki ya 18 Mutarama...
18 January 2021 Yasuwe: 3924 0

Abantu 02 bahitanwe na Covid-19 mu Rwanda abandi 182 barayandura

Minisiteri y’Ubuzima yatangaje ko uyu munsi tariki ya 17 Mutarama...
17 January 2021 Yasuwe: 4080 1

Ibitaro bya Leta byose byategetswe kuvura abarwayi ba Covid-19 hakoreshejwe...

Minisiteri y’Ubuzima yategetse ibitaro byose bya Leta ko guhera kuri uyu wa...
17 January 2021 Yasuwe: 3719 0

Covid-19 yahitanye abantu 2 mu Rwanda,Imibare y’abanduye iracyatumbagira

Minisiteri y’Ubuzima yatangaje ko uyu munsi tariki ya 16 Mutarama...
16 January 2021 Yasuwe: 4424 0