skol
fortebet

Habonetse umubare munini w’abakize Coronavirus mu Rwanda,abamaze kuyandura buzura 900

Yanditswe: Sunday 28, Jun 2020

featured-image

Sponsored Ad

Minisiteri y’Ubuzima yatangaje ko uyu munsi tariki ya 8 Kamena 2020,mu bipimo 3,002 byafashwe mu Rwanda hagaragaye abarwayi 22 ba Coronavirus mu gihe abantu 30 bayikize byatumye umubare w’abanduye mu Rwanda ugera kuri 900.

Sponsored Ad

Nibwo bwa mbere mu Rwanda habonetse abantu 30 basezerewe mu bitaro kuva umuntu wa mbere wanduye Coronavirus agaragaye mu Rwanda ku wa 14 Werurwe 2020.

Umuyobozi wa RBC,Dr.Sabin Nsanzimana yatangaje ko aba bantu bakize biganjemo abo mu karere ka Rusizi mu burengerazuba bw’u Rwanda.

Amakuru ya COVID-19 mu Rwanda kuri iki cyumweru:

Abanduye ni 900 (22 bashya)
Abakize ni 443 (30 bashya)
Abakirwaye ni 455
Abantu babiri bitabye Imana
Ibipimo bimaze gufatwa 137 751 (ibipimo bishya 3002)

Iri tangazo rya Minisiteri y’Ubuzima ryo kuri iki Cyumweru ryavuze ko ‘‘abarwayi bashya bagaragaye i Rusizi (8), Rubavu (7), Kigali (6), Kirehe (1).’’

Abaturarwanda barasabwa kurushaho kubahiriza amabwiriza yo kwirinda ari yo gusiga intera ya metero, kwambara udupfukamunwa no gukaraba intoki kenshi bakoresheje amazi meza n’isabune cyangwa arukoro yabugenewe.

Imibare yatangajwe ku rwego mpuzamahanga yerekana ko muri Afurika abamaze kwandura COVID-19 bageze ku 372,812 barimo 179,208 bakize n’abandi 9,511 bahitanywe na cyo. Abamaze kwandura ku Isi bangana na 10,186,398 barimo abakize 5,513,686 n’abapfuye 502,986.

Mu gihe icyorezo cya Koronavirusi (COVID-19) gikomeje gukwirakwira ahantu hatandukanye ku Isi, gupima abantu benshi bashoboka ku munsi, ni kimwe mu bisubizo birambye byo kurwanya iki cyorezo kuri ubu kitarabonerwa umuti n’urukingo byihariye.

Ubushobozi bwo gupima ibizamini by’abakekwaho icyorezo cya COVID-19 bwikubye inshuro 6 kuva aho icyorezo kigereye mu Rwanda tariki ya 14 Werurwe 2020.

Minisitiri w’Ubuzima Dr. Ngamije Daniel, yatangaje kuba ubushobozi bwo gupima abantu benshi ku munsi bwariyongereye ari imwe mu ntambwe nziza u Rwanda rwateye mu guhashya iki cyorezo.

Yagize ati”Ubushobozi bwo gupima COVID19 muri Laboratwari bwariyongereye cyane mu gihugu. Icyorezo kikigaragara mu Rwanda twari dufite ubushobozi bwo gupima ibizamini 500 ku munsi. Uyu munsi dupima ibizamini birenga 3000 ku munsi.”

Kugeza ubu ibipimo bimaze gufatwa mu Rwanda kugeza ku munsi w’ejo ku wa gatandatu tariki ya 27 Kamena, ni 134,749 byafashwe kuva umurwayi wa mbere yatahurwa muri Werurwe kugeza ubu. Muri byo harimo 4,702 byafashwe mu masaha 24.

Abarwayi batangiye gutangazwa ari benshi cyane ku munsi ubwo hatangiraga gufatwa ibipimo byinshi ku munsi, cyane cyahe higanwa ku duce dufite ibyago byinshi byo kwibasirwa n’icyo cyorezo.

Gupima benshi bihishura ukuri vuba

Uko ubushobozi bwo gupima muri Laboratwari bwiyongera mu Rwanda ni na ko ukuri ku miterere y’icyo cyorezo kuzihuta kumenyekana amazi atararenga inkombe.

Impuguke mu by’ubuvuzi zivuga ko amahirwe yo kunesha COVID-19 ku Isi ashingiye ahanini ku bushobozi bwo gupima bwiyongeraho ubwo kuvura no kwita ku barwayi babonetse mu maguru mashya.

Ibi biterwa n’uko uko hafatwa ibipimo bike ni ko n’abatahurwa baba bake, bityo abataraboneka bakaba bakomeza kwanduza abandi mu gihe baba badakurikiza neza amabwiriza yashyiriweho kwirinda.

Mu Kiganiro yagiranye n’imwe muri Televiziyo zo mu Rwanda, Minisitiri Dr. Ngamije yasabye Abaturarwanda kurushaho kwitwararika yane ko nubwo ubushobozi bwo gupima bwiyongereye, ubwo gupima buri muturage muri miriyoni zisaga 12 z’Abaturarwanda butaragerwaho.

Yavuze ko nubwo abenshi mu barwayi batahurwa mu Rwanda batagaragaza kuremba, COVID-19 ari indwara yandura vuba kandi yica, ati “Ntitwirare, ahubwo dukomeze ingamba zo kwirinda.”

Umuvugizi wa Polisi y’u Rwanda, CP Kabera John Bosco, yibukije ko kubahiriza amabwiriza yashyiriweho kwirinda icyo cyorezo ari wo muti wizewe, ati: “Amabwiriza atangwa n’inzego zitandukanye ni nk’umuti kandi umuti ukuvura ari uko wawunyoye neza. Ni ngombwa ko Abaturarwanda bose bubahiriza amabwiriza yashyizweho n’inzego zitandukanye nibwo tuzatsinda COVID-19.”

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa