Kigali

Harimo gukorwa ubushakashatsi ku isano iri hagati y’ uburwayi bw’ igifu n’ ihungabana

Amakuru   Yanditswe na: Nsanzimana Ernest 12 September 2017 Yasuwe: 309

Inzobere mu bijyanye n’ ibibazo byo mu mutwe zivuga ko uburwayi bw’ igifu no gusepfura ari bimwe mu bimenyetso by’ ihungabana, zikavuga ko harimo gukorwa ubushakashatsi ku mpamvu zituma akenshi umuntu uhuye n’ ihungabana arwara igifu n’ isepfu.

Byatangarijwe mu nama y’ iminsi itatu iteraniye I Kigali, yiga ku ihungabana mu Rwanda nyuma ya Jenoside n’uburyo abantu bagenda biyubaka.

Umuyobozi wungirije wa Kaminuza y’u Rwanda (UR), Dr Charles Murigande, ushinzwe iterambere rya Kaminuza, avuga ko ibibazo by’ihungabana bigoye kugira ngo birangire.

Yagize ati “Ibibazo by’ubuzima bwo mu mutwe biza bikurukiranye n’ubugizi bwa nabi bw’indengakamere nk’ibyabaye muri Jenoside, n’ibintu bidashira vuba.
Ni ikibazo tuzakomeza guhangana na cyo mu gihe kirekire ari yo mpamvu hakomeza gukorwa ubushakashatsi no guhanahana ubunararibonye.”

Akomeza avuga ko iki kibazo ari cyo cyatumye UR ishyiraho ishami ryo kwigisha ibijyanye n’ubuzima bwo mutwe (Clinical Psychology).

Chaste Uwihoreye, umuyobozi w’umuryango “Uyisenga ni Imanzi” avuga ko ihungabana ari uburwayi bubi bugorana gukira kuko benshi batanabumenya.

Agira ati “Uburwayi bubi ni uburwayi butazwi. Ubu na bwo ni uburwayi abantu benshi bataramenya, batazi aho buturuka, ni bubi rero cyane ko no kumenya ko ihungabana rivurwa bizwi na bake.

Ni ngombwa rero ko abaturage n’abayobozi basobanurirwa bakamenya ko icyo kibazo gihari.”

Umushakashatsi mu by’ubuzima bwo mu mutwe Prof. Eugène Rutembesa, avuga ko ihungabana rinahanahanwa mu miryango ari yo mpamvu rigorana kurivura.

Ati “Ubu tugeze aho tureba imihindukire y’imiterere y’umubiri wacu, iyo umuntu ahangayitse agaragaza ibimenyetso bitandukanye by’ihungabana birimo kurwara isepfu, igifu. Iyo mihangayiko rero ihindura n’imisemburo yoherezwa mu mubiri, ari yo mpamvu y’ubushakashatsi burimo gukorwa kuri iyo mihindukire.”

Akomeza avuga ko ihungabana rigera ku ngeri nyinshi z’Abanyarwanda, baba abagizweho ingaruka ya Jenoside, baba abayikoze ndetse n’ababakomokaho, rigenda ribagaragaraho uko iminsi igenda ishira.

Iyi nama yateguwe na Kaminuza y’u Rwanda ku bufatanye na Kaminuza eshatu zo mu Bubiligi ari zo Université Catholique de Louvain (UCL), Univerité Libre de Bruxelles (ULB) na Université de Namur (UN).

Izi kaminuza ngo zikaba zaragize uruhare runini mu guha amasomo ku ihungana bamwe mu Banyarwanda boherejwe kuyigamo, cyane ko ngo bitari bimeneyerewe mu Rwanda.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Guverineri Mufurukye yasabye gushyira imbaraga mu kurwanya inzoga...

Umuyobozi w’Intara y’Uburasirazuba Fred Mufurukye yasabye abaturage gufatanya...
21 November 2017 Yasuwe: 339 0

Bugesera: Amadorali umukobwa yibye I Kigali akoze ku muryango wose barapfa...

Mu mudugudu wa Rusenyi mu Kagari ka Nyamigina Mu murenge wa Mareba mu...
21 November 2017 Yasuwe: 5265 0

Guverineri Gatabazi yahagurukiye abenga inzoga zitemewe n’amategeko

Mu ntara y’amajyaruguru habaye inama yahuje guverineri Gatabazi JMV...
20 November 2017 Yasuwe: 190 0

Musanze: Bamaze imyaka itanu bavoma ibirohwa kubera ubuyobozi bwatinye...

Abatuye mu kagari ka Bikara mu murenge wa Nkotsi ho mu karere ka Musanze,...
17 November 2017 Yasuwe: 276 0

Rulindo: Banze gushyingura 3 batarabona uwabaroze

Abantu batatu bo mu muryango umwe bitabye Imana ku munsi w’ejo tarki ya 15...
17 November 2017 Yasuwe: 1313 0

Umujyi wa Kigali ugiye kongera ubukangurambaga ku kurwanya itabi

Umujyi wa Kigali n’abafatanyabikorwa bawo bavuga ko bagiye kongera ingufu mu...
16 November 2017 Yasuwe: 277 0