Kigali

Huye: Bamwe bamaze umwaka bavoma ibirohwa

Amakuru   Yanditswe na: Nsanzimana Ernest 5 October 2017 Yasuwe: 466

Abaturage bo mu murenge wa Mbazi mu karere ka Huye baravuga ko bafite ikibazo cyo kuvoma amazi y’ibirohwa nyuma y’uko imiyoboro y’amazi meza bavomaga yangijwe ubwo hakorwaga imihanda yo mu midugudu mu mwaka ushize.

Aba baturage biganjemo abo mu mudugudu w’Agasharu, Kanyinya, Mpinga na Rwabuye bavuga ko bari basanzwe bakoresha amazi yazanywe n’abafurere batuye muri uwo murenge wa Mbazi akaza kwangizwa n’imashini zakoraga imihanda yo mu midugudu mu mwaka ushize ubu ngo bakaba bari guhura n’ ingaruka zo kuvoma amazi mabi .

Aba baturage bavuga ko batewe impungenge n’aya mazi bagasaba ko iyo miyoboro yasanwa bakongera kubona amazi meza.

Umwe mubo yatangarije Umuryango ko we na bagenzi bavoma amazi y’ ibishanga akaba ariyo bakoresha nubwo batayobewe ko ashobora kubatera indwara.

Yagize ati “Tuvoma amazi mabi ubu ngubu, robine ihari ni imwe kandi ntihagije iyo yabuze tuvoma hano mu gishanga cya Rwabuye. Dufite impungege ko bishobora no kudutera indwara.”

Hari n’ abavuga ko nayo bitaborohera kuyabona kubera ko abantu baba bayakeneye ari benshi ngo hakaba n’abataha batayajyanye.
Aba baturage bavuga ko nyuma y’iryo yangizwa ry’amatiyo haje rwiyemezamirimo atangira gucukura umuyoboro bihagarara ntazindi tiyo zishyizwemo bayoberwa irengero ryabyo.

Aya matiyo amaze umwaka urenga yaraciwe

Kuri iki kibazo, Umuyobozi wungirije ushinzwe iterambere ry’ubukungu mu karere ka Huye Cyprien Mutwarasibo yatangaje Umuryango ko bakimara kumenya ko hari imiyoboro yangiritse mu mwaka ushize bahise bayisana. Mutwarasibo yizeza abaturage ko n’indi yasigaye igiye gusanwa.

Yagize ati “Icyo twamaze kugerageza gutekereza ho ni ukureba uburyo tuza guhura na WASAC ishami ryo mu mugi wa Huye kugira ngo bahacishe umuyoboro w’amazi meza abaturage bafatiraho.”

Ubu buyobozi bw’aka karere buvuga ko abaturage ba Huye bafite amazi hafi ku kigereranyo kiri hejuru ya 82%.

Uwiringiyimana Clementine

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Musanze: Abanyeshuri 82 bajyanywe kwa muganga nyuma yo kurya...

Abanyeshuri bagera kuri 82 biga mu Rwunge rw’Amashuri (GS) Muko riherereye...
15 February 2018 Yasuwe: 1055 0

Karongi: Ku myaka 50, intoki, amano n’ikirenge byatobowe n’amavunja-AMAFOTO

Umugabo witwa Iribanje Ildefonse uri mu kigero cy’imyaka 50 y’amavuko utuye...
14 February 2018 Yasuwe: 1707 2

Kigali: Umugore yafatanywe uruhinja yibye

Polisi y’u Rwanda yataye muri yombi umugore wari wibye uruhinja rw’amezi...
11 February 2018 Yasuwe: 2934 0

2019 abarenga ibihumbi 3 bazatangira kwivuriza mu bitaro by’ akarere ka...

Kuri uyu wa Gatanu tariki 9 Gashyantare nibwo abayobozi barimo na...
9 February 2018 Yasuwe: 837 0

14 bafatiwe mu bikorwa byo kurwanya ikorwa n’icuruzwa ry’inzoga...

Ku cyumweru tariki ya 4 Gashyantare, abantu 14 bo mu turere twa Huye na...
6 February 2018 Yasuwe: 253 0

Ruhango: Batandatu batawe muri yombi bangiza ishyamba rya Leta

Kuri uyu wa kabiri tariki ya 30 Mutarama , abantu 6 baterewe muri yombi mu...
1 February 2018 Yasuwe: 261 0