skol
Kigali
startimes

Huye: Umugabo yishwe n’amacupa 6 y’urwagwa bari bamutegeye

Amakuru   Yanditswe na: Dusingizimana Remy 9 December 2020 Yasuwe: 4798

Umugabo w’imyaka 45 y’amavuko wo mu Murenge wa Mukura mu Karere ka Huye yahawe intego yo kunywa amacupa atandatu y’urwagwa birangira rumuhitanye nk’uko bivugwa na bamwe mu baturage bari bahari.


Amakuru dukesha IGIHE aravuga ko urupfu rwa Hakuzimana Venuste wo mu Mudugudu wa Rwinuma mu Kagari ka Rango A rwamenyekanye mu gitondo cyo kuri uyu wa Gatatu tariki ya 9 Ukuboza 2020.

Bamwe mu babibonye bavuga ko ku mugoroba wo ku wa Kabiri aribwo yategewe n’umwana muto ucuruza ubunyobwa kunywa amacupa atandatu y’urwagwa rwitwa Akengetse. Gusa ngo yayanyweye acika intege bamujyana kwa muganga birangira apfuye.

Ntarutimana Bosco, umukozi ushinzwe irangamimerere mu Murenge wa Mukura akaba ari na we wasigariyeho Umunyamabanga Nshingwabikorwa kuko ari mu kirihuko cy’akazi, yabwiye IGIHE ko ayo makuru yayamenye ariko bategereje ibisubizo byo kwa muganga ngo bamenye neza icyahitanye uwo mugabo.

Ati “Ayo makuru nayamenye kandi abaturage barimo kuvuga ko yishwe n’inzoga ariko ntabwo nahita mbihamya kuko haraza gukorwa isuzuma rya muganga kugira ngo hamenyekane icyaba cyamwishe mu by’ukuri.”

Yavuze ko uwo mugabo inzoga yanyoye y’urwagwa rwengerwa muri ako gace rwitwa Akengetse, yayinywereye mu kabari katemewe kari mu mudugudu wa Rwinuma.

Ati “Umenya ari muri twa tubari tw’abantu bagenda bihishahisha kuko muri iyi minsi ntabwo utubari twemewe. Ni abantu bagenda bihishahisha ariko byabereye mu Mudugudu wa Rwinuma.”

Yasabye abaturage kwirinda ibisindisha kuko bigira ingaruka mbi ku buzima, ahubwo bakitabira umurimo bashaka icyabateza imbere.

Umurambo w’uwo mugabo wajyanywe kwa muganga gukorerwa isuzuma kugira ngo hamenyekane icyamuhitanye.

Source: IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hatangiye igikorwa cyo gupima abaturage ibihumbi 20 mu tugari twose two mu...

Abaturage basaga ibihumbi 20 bo mu tugari rwose two mu mujyi wa Kigali,...
23 January 2021 Yasuwe: 3777 0

Abantu 3 bishwe na COVID-19 mu Rwanda handura 273 bashya

Minisiteri y’Ubuzima yatangaje ko uyu munsi tariki ya 22 Mutarama...
23 January 2021 Yasuwe: 4735 0

MINISANTE yashyizeho uburyo bworohereza abaganga n’abarwayi bagorwa kubera...

Minisiteri y’Ubuzima iratangaza ko yamaze gushyiraho uburyo bwo korohereza...
22 January 2021 Yasuwe: 3882 0

Covid-19 yishe abantu 9 umunsi umwe mu Rwanda handura abandi...

Minisiteri y’Ubuzima yatangaje ko uyu munsi tariki ya 21 Mutarama...
21 January 2021 Yasuwe: 4926 0

Abandi bantu 5 bahitanwe na Covid-19 mu Rwanda handura 312

Minisiteri y’Ubuzima yatangaje ko uyu munsi tariki ya 20 Mutarama...
20 January 2021 Yasuwe: 4789 1

Abantu 2 bahitanwe na Covid-19 mu Rwanda abandi 289 barayandura

Minisiteri y’Ubuzima yatangaje ko uyu munsi tariki ya 19 Mutarama...
19 January 2021 Yasuwe: 4458 0