Kigali
startimes

Huye: Umuntu wa 6 yaburiye ubuzima mu rugomero rwa Kadahokwa bitera impungenge abaturage

Amakuru   Yanditswe na: Dusingizimana Remy 12 May 2020 Yasuwe: 2815

Kuri uyu wa kabiri tariki ya 12 Gicurasi 2020, mu cyuzi cyifashishwa n’uruganda rwa kadahokwa mu gutanga amazi mu mujyi wa Huye hiyahuriyemo undi muntu, abahaturiye bavuga ko abaye uwa 6 ugipfiriyemo kuva cyashyirwa muri ako gace.



Nyuma y’uko mu rugomero rutanga amazi akoreshwa mu mujyi wa Huye rw’ahitwa mu Kadahokwa hakomeje kugwamo abantu bagapfa bagiye kogamo abandi biyahuye,kuri ubu hari abafite icyifuzo cy’uko uru rugomero rwazitirwa hagafatwa ingamba zikumira abarujyamo.

Ubuyobozi bw’uruganda rutunganya amazi buravuga ko icya mbere ari ubukangurambaga bwo kwirinda mu baturage ,hakazatekerezwa icyakorwa nyuma.

Uru rugomero ruturukamo amazi akoreshwa mu mujyi wa Huye ruherereye hagati y’imisozi ihuzwa n’akabande hagati y’imirenge ya Huye na Gishamvu. Rwohereza amazi mu ruganda rw’ahitwa mu kadahokwa ariho amazi atunganyirizwa yohererezwa abaturage mu bice bitandukanye bigize umujyi wa Huye.

Icyakoze rukikijwe n’inzira zinyurwamo n’abaturage kandi rwabyaye ikiyaga kinini kigenda cyiyongera bityo ntibyorohere umuzamu kukirinda abana bacyogeramo n’abaza kucyiyahuriramo cyane ko abahaturiye bavuga ko kimaze gupfiramo abagera kuri batanu.Dore nk’ubu kuwa Gatandatu tariki ya 18 Mata 2020 haguyemo umuntu amara iminsi itatu yaraheze hasi mu mazi,aboneka ku mugoroba wo kuwa mbere tariki ya 20 Mata 2020 .

Abahaturiye bavuga ko urwo rugomero rukwiriye ruzitirwa kugira ngo birinde cyane cyane urubyiruko ruza kuhatemberera , n’abaza kogamo n’ubuyobozi bw’inzego z’ibanze bukigisha abaturage ko iki atari icyuzi cyo kogamo,ahubwo ko ari ho hava amazi abantu bakoresha.

Ubuyobozi w’uruganda rwa Kadahokwa bufite mu nshingano uru rugomero,bwabwiye TV1 ko hakenewe mbere na mbere ubukangurambaga bwo kwirinda ku baturage baturiye uru rugomero no kumva akamaro karwo nyuma hakazarebwa icyo gukora nk’uko bivugwa na Munyamahoro Jonas uyobora urwo ruganda.

Rwamucyo Prosper uyobora umurenge wa Huye ,ari na wo uturukamo abaturage benshi bajya kwidagadurira muri icyo cyuzi, yavuze ko hazashyirwaho gahunda yo kubwira abaturage kwitondera uru rugomero ruha amazi abatuye mu mujyi wa Huye, ku bufatanye n’abayobozi bo mu yindi mirenge ihurira kuri urwo rugomero, dore ko rwanatangiye kwaguka uko imvura iguye.

Inkuru ya TV1 RWANDA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Izindi Kaminuza 2 zambuwe uburenganzira bwo gukorera mu Rwanda

Kaminuza ya Christian University of Rwanda yashinzwe na Dr Pierre Damien...
6 July 2020 Yasuwe: 2944 0

Hakize abantu 44 bari barwaye COVID-19 mu Rwanda haboneka abandi 13 bashya...

Kuri iki Cyumweru tariki ya 05 Nyakanga 2020, mu Rwanda habonetse abantu 13...
5 July 2020 Yasuwe: 1000 1

RBC igiye gutangira gusuzuma COVID-19 abantu binjira mu mujyi wa...

Ikigo cy’igihugu gishinzwe Ubuzima [RBC] cyatangaje ko kigiye gutangira...
5 July 2020 Yasuwe: 492 0

Habonetse abantu 11 banduye Coronavirus mu Rwanda hakira abandi...

Minisiteri y’Ubuzima yatangaje ko mu bipimo 3,414 byafashwe uyu munsi tariki...
4 July 2020 Yasuwe: 848 0

RURA yatangaje igabanuka ry’ibiciro bya Lisansi na Mazutu

Urwego Ngenzuramikorere (RURA) rwatangaje ko guhera ku wa 4 Nyakanga...
3 July 2020 Yasuwe: 1242 0

Abantu 18 basanganywe Coronavirus, 19 ni bo bakize

Minisiteri y’Ubuzima yatangaje ko mu bipimo 2,216 byafashwe uyu munsi tariki...
3 July 2020 Yasuwe: 835 0