Kigali

Ibitaro bya gisirikare mu buryo bwihuse bwo gusuzuma Kanseri

Amakuru   Yanditwe na: Iyamuremye Janvier 24 August 2017 Yasuwe: 1185

Ibitaro bya gisirikare by’u Rwanda biri i Kanombe byungutse imashini yifashishwa mu gusuzuma no kuvura indwara ya kanseri mu buryo bwihuse, ku buryo umurwayi azajya ahabwa ibisubizo mu minsi 5, mu gihe uburyo bwari busanzwe, bwatumaga ibisubizo biboneka mu minsi 15.

Iyi mashini nshya ibitaro by’u Rwanda bya gisirikare byabonye iri mu bwoko bwa scanner ifite ikoranabuhanga rihambaye ku buryo ibizamini biba byafashwe bishyirwamo mu gihe cy’iminsi 3 umurwayi akaba yahabwa ibisubizo bye.

Muri iyo mashini hashyirwamo dossier cyangwa fishe y’umurwayi ndetse na bimwe mu bizamini bafashe nk’amaraso na yo agashyirwamo ku buryo iyo mashini ihita itangira kubisuzuma.

Maj. Dr. Emile Kalinganire ni umuganga muri ibi bitaro by’u Rwanda bya gisirikare avuga ko ibisubizo bigiye kujya biboneka mu buryo bwihuse nk’uko yabitangarije RBA ducyesha iyi nkuru : “Dufate urugero niba washakaga gufata iyi dossier ukayijyana CHUK ukajya gushaka umuganga ugasanga arimo gukora ikindi kintu cyangwa ukayijyana Faysal ukajya gutegereza umuntu byafata umwanya bigatuma ibizamini bitinda ariko ubungubu nshobora kuba nicaye hano ngahamagara umuntu kuri telefoni nkamubwira nti jya online kuko twese turi muri system imwe ya digital pathology jya online nkwereke case, ubwire icyo utekereza. Murumva ko ibyo bituma umwanya wo guha umurwayi igisubizo uba muke.”

Hari abandi baganga 14 bo mu bitaro bya gisirikare by’u Rwanda, ibitaro bya CHUK ndetse n’ibitaro bya Faisal bamaze guhugurirwa gukoresha iyi mashini, igikorwa barimo gufashwamo n’umuganga waturutse i Boston muri America.

Kuba ibitaro bya gisirikare by’u Rwanda bimaze kubona iyi mashini ngo bizafasha mu gusuzuma no kuvura ubwoko bwose bwa kanseri nk’uko Lt. Col. Dr. Fabien Ntaganda umuganga muri ibi bitaro yabisobanuye.

Ati: “Ubundi kanseri tuyigabanya ahanini mu bice 2 bikomeye, kanseri yo mu maraso na kanseri isanzwe twita timeri. Ubwo bwoko 2 nabwo tubugabanyamo ibindi bice 2 binini, iy’abana n’iy’abantu bakuru. Icyiza cy’iyi mashini rero ni uko izashobora gusuzuma ubwo bwoko bwombi. Ni ukuvuga ko byibuze tumeze neza kuba twashobora gusuzuma izo kanseri zombi. Bisaba ibintu byinshi ariko ni intambwe nziza kuko kugirango umenye neza ubwoko bwa kanseri hari ibintu byinshi ugenda upima ariko twaba dutangiye neza”.

Itsinda ry’abaganga bo mu Rwanda bashinzwe gusuzuma no kuvura indwara ya kanseri, bazajya babifashwamo n’itsinda ry’abaganga bari muri Boston muri America.
Iyo mashini u Rwanda rwayihawe binyuze ku gitekerezo cy’uwahoze ari Perezida wa America Barack Obama yatangije cyo kurwanya indwara ya kanseri imaze kuba ikibazo gikomye ku isi.

Ni imashini ifite agaciro k’amadolari ya Amerika ibihumbi 100 ni ukuvuga asaga miliyoni 85 frw.

Maj. Dr. Emile Kalinganire, umuganga mu bitaro by’u Rwanda bya gisirikare

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble BAZIRA

    Ni inkuru nziza cyane kuko kwipimisha CANCER mu Rwanda byari bikomeye.Nagirango nibutse abantu ko mu isi nshya dusoma muli 2 Petero 3:13,nta muntu uzongera kurwara cyangwa gupfa (Revelations 21:4).Niyo mpamvu BIBLE idusaba gushaka ubutegetsi bw’imana kuko aribwo bwonyine buzakuraho ibibazo byose dufite (Matayo 6:33).Ni nayo mpamvu dusenga buri munsi dusaba imana ngo "Ubwami bwawe buze",nukuvuga ngo "Ubutegetsi bwawe buze".Ku munsi w’imperuka,imana izamenagura ubutegetsi bw’abantu ku isi nkuko tubisoma muli Daniel 2:44.Imana izaha ubutegetsi bw’isi yose YESU,maze ahindure isi Paradizo (Ibyahishuwe 11:15).Aho guheranwa n’ibyisi gusa (shuguri,politics,etc...),dushake ubwo butegetsi bw’imana buli hafi kuza.Abantu bose banga kubushaka,imana izabarimbura kuli uwo munsi uri hafi (Yeremiya 25:33).

    1 month ago

Inzindi nkuru

Karongi: Umugabo arashinjwa gusambanya umwana w’imyaka 14

Polisi ikorera mu Karere ka Karongi mu Ntara y’Iburengerazuba yataye muri...
18 October 2017 Yasuwe: 752 0

Kigali: Polisi ifunze umugabo ushinjwa gutera inda umukobwa we n’umwuzukuru...

Abana b’umugabo Augustin barasaba ubuyobozi kubafasha kubakura mu mibereho...
18 October 2017 Yasuwe: 2202 1

Abantu 13 bamaze kwica n’ikirombe mu cyumweru kimwe

Impanuka ebyiri zitandukanye zo mu birombe bicukurwamo amabuye y’ agaciro...
17 October 2017 Yasuwe: 168 0

Gasabo: Umurambo w’umunyeshuli warohamye mu kidendezi wabonetse

Mu gitondo cyo kuri uyu wa mbere tariki ya 16 Ukwakira 2017 nibwo umurambo...
16 October 2017 Yasuwe: 1650 0

Minisitiri Gashumba asanga abantu bose bahagurutse kurandura imirire mibi...

Minisitiri w’ ubuzima Dr Diane Gashumba aha umwana amata mu irerero ryo muri...
15 October 2017 Yasuwe: 454 0

Dr. Agnes Binagwaho yagizwe umuyobozi w’ikigo gikomeye mu buvuzi ku...

Dr Agnes Binagwaho wabaye Minisitiri w’ubuzima mu Rwanda, yagizwe umuyobozi...
15 October 2017 Yasuwe: 7029 3