skol
Kigali
startimes

Icyiciro cya gatanu cy’impunzi z’Abarundi cyahungutse

Amakuru   Yanditswe na: Dusingizimana Remy 8 October 2020 Yasuwe: 3240

Icyiciro cya gatanu kigizwe n’impunzi 508 z’Abarundi uyu munsi cyahagurutse mu nkambi ya Mahama mu Rwanda gitahuka mu Burundi.


Kuva mu kwezi kwa munani, impunzi 2,614 z’Abarundi zimaze gutahurwa ziva mu Rwanda mu buryo bwumvikanyweho n’ibihugu byombi n’ishami rya ONU ryitwa ku mpunzi UNHCR.

Minisiteri ishinzwe ibikorwa by’ubutabazi mu Rwanda ivuga ko impunzi zatashye uyu munsi ku wa kane zigizwe n’imiryango 163, zahagurutse mu nkambi ya Mahama saa kumi n’ebyiri n’iminota 30 (6h30) za mugitondo.

Ku wa 27 Kanama ni bwo icyiciro cya mbere cy’izi mpunzi zatashye, icyo gihe Perezida w’u Burundi, Gen Maj Evaritse Ndayishimiye, yazihaye ikaze asaba n’izisigaye gutaha.

Ubwo izo mpunzi zari ziri mu nzira zigana ku mupaka wa Nemba, Perezida Ndayishimiye yanditse kuri Twitter avuga ko bazifurije ikaze, aboneraho gusaba abasigaye gutahuka.

Yagize ati “Duhaye ikaze bene wacu batahutse bava mu buhungiro i Mahama. Ni akanyamuneza kenshi ku miryango yabo no ku Burundi. Ababishinzwe basabwe kubashyigikira mu buryo bwose bagasubizwa mu miryango yabo. Turashishikariza n’abandi bifuza gutahuka, u Burundi ni ubwacu twese. Ikaze iwacu heza!”

U Rwanda rwatangiye kwakira impunzi z’Abarundi nyuma y’amatora ya Perezida yabaye muri Gicurasi 2015 agakurikirwa n’imvururu. Kugeza ubu hari abagera ku bihumbi 72 mu gihe abamaze gutaha barakabakaba ibihumbi birindwi.

Hari hashize iminsi u Burundi bushinja u Rwanda kubuza izo mpunzi gutaha, icyakora u Rwanda rwakunze kubihakana ruvuga ko nta shingiro bifite.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 2 bahitanwe na Covid-19 mu Rwanda abandi 289 barayandura

Minisiteri y’Ubuzima yatangaje ko uyu munsi tariki ya 19 Mutarama...
19 January 2021 Yasuwe: 4322 0

Urujya n’uruza muri Gare ya Nyabugogo ni rwose ruhunga Guma mu rugo ya...

Nyuma y’aho Inama y’abaminisitiri isubije muri Guma mu rugo kubera...
19 January 2021 Yasuwe: 8155 0

Prof.Shyaka yahumurije Abanyarwanda batewe ubwoba n’inzara muri Guma mu...

Mu gihe Kigali yose yashyizwe muri Guma mu Rugo bikaba bituma hari ababura...
19 January 2021 Yasuwe: 3829 0

Covid-19: Hapfuye abandi bantu 4 mu Rwanda, abanduye bashya ni...

Minisiteri y’Ubuzima yatangaje ko uyu munsi tariki ya 18 Mutarama...
18 January 2021 Yasuwe: 4049 0

Abantu 02 bahitanwe na Covid-19 mu Rwanda abandi 182 barayandura

Minisiteri y’Ubuzima yatangaje ko uyu munsi tariki ya 17 Mutarama...
17 January 2021 Yasuwe: 4127 1

Ibitaro bya Leta byose byategetswe kuvura abarwayi ba Covid-19 hakoreshejwe...

Minisiteri y’Ubuzima yategetse ibitaro byose bya Leta ko guhera kuri uyu wa...
17 January 2021 Yasuwe: 3727 0