skol
Kigali
startimes

Imodoka zitwara abagenzi zategetswe gufunga saa kumi n’ebyiri

Amakuru   Yanditswe na: Dusingizimana Remy 27 August 2020 Yasuwe: 1170

Umujyi wa Kigali na RURA bamenyesheje abantu bose ko ingendo mu modoka rusange zizajya zihagarara saa kumi n’ebyiri z’umugoroba bityo ntawe ukwiriye kuba ari muri gare izo saha.


Uyu mwanzuro wafashwe nyuma y’aho Inama y’Abaminisitiri yateranye kuri uyu wa Gatatu, yategetse ko ingendo zose zibujijwe guhera saa moya z’ijoro aho kuba saa tatu kugera saa kumi n’imwe z’igitondo nk’uko byari bisanzwe.

Mu korohereza abantu kubahiriza uwo mwanzuro,RURA yatanze itangazo rigira riti "Mu rwego rwo kubahiriza ibyemezo by’Inama y’Abaminisitiri, RURA iributsa abakoresha imodoka zitwara abagenzi mu buryo bwa rusange ko bakwiye gutega imodoka hakiri kare, kuko nta modoka yemerewe gutwara abagenzi bava muri gare nyuma ya 18:00."

Ibi kandi byashimangiwe n’umujyi wa Kigali wavuze ko abantu bose nta modoka yemerewe gutwara umugenzi hejuru ya saa kumi n’ebyiri bityo izo saha nizijya zigera Gare zose zizajya zifungwa.

Minisitiri w’Ubuzima Dr Ngamije Daniel yavuze ko icyemezo cyo gusaba abantu kuba bageze mu rugo saa moya z’ijoro kigamije kugabanya ko abantu bakomeza guhura cyane kuko byagaragaye ko abantu bamaze kwirara.

Ati “Turasaba ko mu gihe akazi karangiye bataha mu ngo batabanjije kugira ahandi banyura ngo bajye nanone mu bundi busabane buganisha ku kugura ari benshi. Niba abantu dusaba ko saa moya baba bageze iwabo, ni ukugira ngo ave mu kazi ahitira mu rugo”.

Inama y’abaminisitiri yemeje kandi ko ingendo mu modoka rusange (public transport) hagati y’Umujyi wa Kigali n’izindi ntara zibujijwe, gusa ingendo mu modoka bwite (private transport) hagati y’Umujyi wa Kigali n’izindi ntara zizakomeza ariko hubahirizwa amabwiriza y’inzego z’ubuzima.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble GERIVAZI

    Ariko ibyemezo byafatiwe Kigali kubera Covid 19 imeze nabi,kuki yakwizwa n’aho iyo Covid 19 itari?Aho itari,imirimo ikwiye gukorwa n’amasaha yari aribo agakomezwa..

    3 months ago

Inzindi nkuru

Covid-19 yahitanye umuntu wa 50 mu Rwanda abandi 46 barayandura

Minisiteri y’Ubuzima yatangaje ko kuri uyu wa Gatatu tariki ya 02 Ukuboza...
2 December 2020 Yasuwe: 1323 0

Minisiteri ya siporo yatangaje ibisabwa ku bakorera imyitozo muri...

Inama y’Abaminisitiri yabereye muri Village Urugwiro yabaye kuwa Gatanu...
2 December 2020 Yasuwe: 1050 0

Abantu 14 banduye COVID-19 mu Rwanda abandi 28 barayikira

Minisiteri y’Ubuzima yatangaje ko uyu munsi tariki ya 01 Ukuboza 2020...
1 December 2020 Yasuwe: 793 0

Covid-19 yahitanye umugore w’imyaka 40 I Kigali abandi 15 barayandura

Minisiteri y’Ubuzima yatangaje ko uyu munsi tariki ya 30 Ugushyingo...
30 November 2020 Yasuwe: 1052 0

Umugore w’imyaka 25 yahitanwe na Covid-19 mu Rwanda abandi 28...

Minisiteri y’Ubuzima yatangaje ko uyu munsi tariki ya 29 Ugushyingo...
29 November 2020 Yasuwe: 1674 1

Abaganga bahembwa na Leta bemerewe gukorera ahantu harenze hamwe no mu...

Minisiteri y’Ubuzima yatangaje ko yemereye abaganga basanzwe bahembwa na...
29 November 2020 Yasuwe: 1986 0