skol
Kigali
startimes

Impunzi z’Abarundi zisaga 600 zizataha iwabo kuri uyu wa Kane

Amakuru   Yanditswe na: Dusingizimana Remy 26 August 2020 Yasuwe: 901

Kuri uyu wa Kane tariki ya 27 Kanama 2020, icyiciro cya mbere cy’impunzi z’Abarundi zibarirwa hagati ya 500 na 600 ziba mu Nkambi ya Mahama zizataha mu gihugu cyazo zinyuze ku mupaka wa Nemba.


Nyuma y’inama yahuje u Rwanda, u Burundi n’ishami ry’Umuryango w’Abibumbye ryita ku Mpunzi, HCR, mu ntangiriro z’uku kwezi biga ku kibazo cyo gutaha kw’izi mpunzi,bemeje ko impunzi za mbere zizataha kuri uyu wa Kane.

Ibi byabaye nyuma y’uko Leta y’u Burundi yari imaze iminsi ishinja u Rwanda gufata impunzi z’Abarundi zicumbikiwe mu nkambi ya Mahama nk’ingwate.

Tariki ya 26 Nyakanga 2020, ni bwo impunzi z’Abarundi 331 ziba mu nkambi ya Mahama zandikiye Perezida Evariste Ndayishimiye zimusaba ko yazifasha gutaha.

Mu kuzisubiza,Perezida Ndayishimiye yagize ati “Ni nayo mpamvu dusaba bose gutaha, niba ibyo bihugu bahungiyemo bibafashe nk’ingwate - kuko turabibona ko byabafashe nk’ingwate, kuko nta muntu ushaka gutaha mu gihugu cye ngo hagire igihugu kimwangira gutaha - ni ukuvuga ko babafashe nk’ingwate, babafata nk’imbohe. Turasabye rero ko icyo gihugu cyabarekura bakitahira mu gihugu cyabo cy’amavuko.”

Ibi Ndayishimiye yabivuze yirengagije ko kugira ngo impunzi zitahe,habanza ibiganiro hagati y’ibihugu byombi na HCR.

Minisiteri ishinzwe ibikorwa by’Ubutabazi (MINEMA) yatangaje ko Leta y’u Rwanda itazahwema kwita ku mpunzi icumbikiye ku butaka bwayo, ndetse ikaba initeguye koroshya gahunda yo guherekeza mu mahoro impunzi zizaba zihisemo gutahuka nta gahato.

Yatangaje ko icyo gikorwa kizakorwa ku bufatanye n’Ishami ry’Umuryango w’Abibumbye ryita ku Mpunzi UNHCR ndetse na za Leta bireba.

Kugeza ubu imibare ya UNHCR igaragaza ko u Rwanda rucumbikiye impunzi z’Abarundi 71,000 zirimo abarenga 60,000 baba mu nkambi ya Mahama abandi bakaba batuye mu migi itandukanye. Impunzi zavuye muri Congo u Rwanda rucumbikiye zo zirarenga ibihumbi 77.

Ikibazo cyavutse ubwo izi mpunzi zemererwaga gutaha,nuko zimwe zifite amadeni menshi mu Rwanda,abo zirimo amafaranga banga ko zitaha.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umunyarwandakazi w’imyaka 26 yabaye umuntu wa 26 uhitanywe na Covid-19 mu...

Kuri uyu Gatandatu tariki ya 19 Nzeri 2020, Minisiteri y’Ubuzima yatangaje...
19 September 2020 Yasuwe: 2905 1

Tuyisenge w’imyaka 23 yishe umugore we Claudine w’imyaka 32 bapfa...

Mu Mudugudu wa Mikingo, Akagari ka Mudakama, Umurenge wa Gataraga mu Karere...
19 September 2020 Yasuwe: 4995 0

Abandi bantu 2 bahitanwe na Covid-19 mu Rwanda handura abandi...

Kuri uyu Gatanu tariki ya 18 Nzeri 2020, Minisiteri y’Ubuzima yatangaje ko...
18 September 2020 Yasuwe: 2129 0

Umugabo w’imyaka 48 yabaye umuntu wa 23 Covid-19 yahitanye mu...

Kuri uyu Kane tariki ya 17 Nzeri 2020, Minisiteri y’Ubuzima yatangaje ko I...
17 September 2020 Yasuwe: 2271 0

Abantu 150,000 bamaze kwemererwa gukuramo inda mu Rwanda kuva muri...

Imiryango iharanira uburenganzira bwa muntu mu Rwanda ivuga ko kuva itegeko...
17 September 2020 Yasuwe: 1273 1

Habonetse abantu 10 banduye COVID-19 mu Rwanda hakira abandi...

Minisiteri y’Ubuzima yatangaje ko uyu munsi tariki ya 16 Nzeri 2020,mu...
16 September 2020 Yasuwe: 1243 0