skol
Kigali
startimes

Imvura nyinshi yaraye iguye hirya no hino yahitanye abantu 3 inangiza byinshi

Amakuru   Yanditswe na: Dusingizimana Remy 17 April 2020 Yasuwe: 2884

Minisiteri ishinzwe ibikorwa by’ubutabazi (Minema),yatangaje ko imvura yaraye iguye mu ijoro ryakeye yishe abantu 3, barimo 1 wo mu karere ka Nyarugenge na 2 bo muri Nyaruguru,hanangirika inzu 8 hirya no hino.


Iyi mvura yaguye saa tanu z’ijoro mu mujyi wa Kigali yari nyinshi cyane byatumye umuntu umwe ahasiga ubuzima inangiza amazu,ruhurura,n’ibicuruzwa byo muri gare ya nyabugogo.

Umunyamabanga uhoraho muri iyi MINEMA, Kayumba Olivier, yatangaje ko abantu babiri bapfuye ari abagwiriwe n’inkangu mu karere ka Nyaruguru mu Murenge wa Ruheru, undi yapfiriye mu Murenge wa Muhima mu karere ka Nyarugenge.

Yavuze ko kugeza ubu nta bintu byinshi byangiritse ariko bakomeje gukusanya imibare, gusa ko abakomeretse ari babiri, inzu umunani akaba arizo zangiritse.

Minema isobanura ko ibikorwa byo kwimura abaturage mu minsi ishize iyo bidakorwa, iyi mvura iba yangije byinshi harimo n’ubuzima bw’abantu.

Ati “Hari abantu benshi yagombye kuba yahitanye kuko urebye nko mu Murenge wa Kimisagara na Gitega aho ruhurura ya Mpazi ica, bariya baturage bose bari bimuwe kuva muri Mutarama na Gashyantare uyu mwaka, iyo iyi mvura ibasangamo twari bugire ibibazo byinshi.”

Ikigo cy’igihugu gishinzwe iteganyagihe cyatangaje ko nyuma y’iyi mvura nyinshi cyane yaraye iguye I Kigali no mu bindi bice bitandukanye,hagiye kugwa imvura nyinshi cyane yivanze n’umuyaga mwinshi hirya no hino mu gihugu guhera kuri uyu wa 17 kugeza kuwa 20 Mata 2020.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    ni hery nihanganinshije ababuze ababo muribyo biza

    18 April

Inzindi nkuru

Umugore w’imyaka 25 yahitanwe na Covid-19 mu Rwanda abandi 28...

Minisiteri y’Ubuzima yatangaje ko uyu munsi tariki ya 29 Ugushyingo...
29 November 2020 Yasuwe: 1562 1

Abaganga bahembwa na Leta bemerewe gukorera ahantu harenze hamwe no mu...

Minisiteri y’Ubuzima yatangaje ko yemereye abaganga basanzwe bahembwa na...
29 November 2020 Yasuwe: 1906 0

Abantu 83 bakize Covid-19 mu Rwanda mu gihe abandi 19 bayanduye

Minisiteri y’Ubuzima yatangaje ko uyu munsi tariki ya 28 Ugushyingo 2020,...
28 November 2020 Yasuwe: 898 0

U Rwanda rwavuze igihe ruzatangira ubusabe bw’inkingo za Covid-19

Minisiteri y’Ubuzima yavuze ko u Rwanda ruhagaze neza mu rugamba rwo...
27 November 2020 Yasuwe: 1786 0

Abantu 72 banduye Covid-19 mu Rwanda abandi 28 barayikira

Minisiteri y’Ubuzima yatangaje ko uyu munsi tariki ya 26 Ugushyingo 2020,...
26 November 2020 Yasuwe: 1211 0

Abantu 76 bakize Covid-19 mu Rwanda abandi 29 barayandura

Minisiteri y’Ubuzima yatangaje ko uyu munsi tariki ya 25 Ugushyingo 2020,...
25 November 2020 Yasuwe: 1187 0