Inzobere mu guhangana n’ ubwiyongere bw’ ubwandu bwa virusi itera SIDA zatangije gahunda yo kurwanya SIDA yiswe 90 -90-90. Ni gahunda igamije ko muri 2020 abantu banduye virusi itera SIDA 90% bazaba bazi kobaduye, 90% mu bazi ko banduye bafata imiti igabanya ubukana bwa virusi itera SIDA, naho 90% mu bafata imiti bakaba batacyanduza virusi itera SIDA.
Izi nzobere zivuga ko iyi gahunda iramutse ishyizwe mu bikorwa neza muri 2020 mu isi SIDA yagabanyuka ku kigero cya 72%. Bihwanye na 90% x (...)

Sponsored Ad

Inzobere mu guhangana n’ ubwiyongere bw’ ubwandu bwa virusi itera SIDA zatangije gahunda yo kurwanya SIDA yiswe 90 -90-90. Ni gahunda igamije ko muri 2020 abantu banduye virusi itera SIDA 90% bazaba bazi kobaduye, 90% mu bazi ko banduye bafata imiti igabanya ubukana bwa virusi itera SIDA, naho 90% mu bafata imiti bakaba batacyanduza virusi itera SIDA.

Izi nzobere zivuga ko iyi gahunda iramutse ishyizwe mu bikorwa neza muri 2020 mu isi SIDA yagabanyuka ku kigero cya 72%. Bihwanye na 90% x 90% x 90%.

Abahanga bavuga ko iyo uwanduye virusi itera SIDA atangiye imiti igabanya ubukana hakiri kare, akayifata bikurikije amabwiriza ya muganga bituma ubukana bw’ iyi virusi butiyongera mu maraso. Ibi ngo bituma ibyago byo kwanduza bagenzi mu gihe cy’ imibonano mpuzabitsina idakingiye, cyangwa habayeho ubundi buryo bushobora gutuma amaraso ahura bikagabanyuka.

“90-90-90 “ ni gahunda izakorwa mu gihe cy’ imyaka 10. Bivuze ko ikiciro cya mbere cy’ iyi gahunda cyatangiye muri 2010 kikazarangira muri 2020. Izi nzobere zivuga ko mu kiciro cya kabiri kizatangirana na 2020 kikageza 2030 cyo kizababa ari 95-95-95 ngo iki kiciro kizarangira SIDA imaze kugabanyuka ku kigero cya 86% bihanye na 95% x 95% x 95%.

Mu gihe hasigaye imyaka itatu n’ amezi make ngo tugere muri 2020 mu gihugu cya Swede gahunda 90-90- 90 yamaze gushyirwa mu bikorwa neza bivuze ko muri iki gihugu ugereranyije imibare yo 2010 n’ iya 2016 usanga SIDA yaragabanyutse ku kigero cya 72%.

Biroroshye ko ibihugu bikize bishyira mu bikorwa iyi gahunda kuburyo bworoshye gusa ngo ntibyoroheye ibihugu bikiri mu nzira y’ amajyambere. Ibi ngo biterwa n’ uko kugira ngo 90 ya kabiri igerweho bisaba amikoro ahagije yo kubonera imiti igabanya ubukana 90% by’ abafite ubwandu. Gusa ngo hari gahunda y’ uko ibihugu byateye imbere bizajya bifasha ibikiri mu nzira y’ amajyambere kubona ubu bushobozi bwo gushyira mu bikorwa iyi gahunda.

Uko imibare y’ abarwayi ya SIDA ihagaze ku rwego rw’ isi

Kuva mu 1981 kugeza muri 2016, miliyoni 36 z’ abantu zanduye Virusi itera SIDA. Muri 2015 gusa SIDA yahitanye abagera kuri miliyoni n’ ibihumbi 200 mu isi, naho miliyoni n’ ibihumbi 800 bandura virus itera SIDA.

Tariki ya mbere Ukuboza buri mwaka ni umunsi isi yose yahariye kurwanya agakoko gatera SIDA uwuyu mwaka(2016) uyu munsi uzizihizwa mu isi hari miliyoni 36 z’ abanduye aka gakoko.