skol
Kigali
startimes

Kamonyi: Coaster yagonganye n’Ivatiri abantu 6 barakomereka

Amakuru   Yanditswe na: Dusingizimana Remy 3 October 2020 Yasuwe: 8957

Imodoka yo mu bwoko bwa Coaster yagonganiye n’ivatiri mu ikorosi ryiswe mu ry’Abasomari riherereye mu Murenge wa Musambira, hepfo gato y’isantere y’ubucuruzi, ku gicamunsi cy’uyu wa 03 Ukwakira 2020, ahagana ku i saa cyenda n’iminota itanu,bituma abantu 6 bakomereka.


Iyi mpanuka yakozwe n’imodoka ya coaster ya Kompanyi itwara abagenzi ya Volcano Express yagonganye n’ivatiri yaturukaga mu kindi cyerekezo hakomereka abantu 6.

Iyi modoka ya Coaster ya Volcano yari ihagurutse I Muhanga I saa munani n’iminota 45 yerekeza Kigali, nkuko shoferi wayo yabitangarije Ikinyamakuru Intyoza.com dukesha iyi nkuru,yazamukaga igana mu isantere y’ubucuruzi ya Musambira, mu ikorosi rihari ryiswe mu ry’Abasomari, igongana n’ivatiri yamanukaga.

Muri iyi mpanuka, abantu batandatu bakomeretse harimo abashoferi b’imodoka zombi n’abandi babiri bigaragara ko bakomeretse cyane.

Umwe muri aba bantu babiri yaviriranaga mu mutwe, ajyanwa hamwe na bane bandi ku kigo nderabuzima cya Musambira, mu gihe undi wa Gatanu yari akiri mu modoka avuga ko yavunitse ukuguru, hategerejwe Imbangukiragutabara.

Umushoferi witwa Ndahayo wari utwaye Kwasiteri, yabwiye umunyamakuru ko yahagurutse Muhanga I saa munani n’iminota 45, ubwo yazamukaga muri iri korosi agana mu isantere ya Musambira ngo yabonye ivatiri ita umuhanda imusanga mu mokono abura aho akwepera, impanuka iba irabaye.

Umushoferi wari utwaye iyi modoka ntoya,we yavuze ko ibyabaye ntabyo yibuka. Uyu nawe ari mu batwawe kwa muganga I Musambira. Imbangukiragutara yavuye Kabgayi yageze ahabereye impanuka nyuma y’isaha, itwara umwe muri aba bantu 6 bakomeretse wari wasigaye mu modoka.

Abaturage bari ahabereye iyi mpanuka, babwiye iki kinyamakuru ko muri iri korosi kenshi hakunze kubera impanuka. Bavuga ko biba bibi cyane iyo nk’akavura kaguye cyangwa se hari ikindi cyose cyatuma umuhanda unyerera.

Polisi yageze ahabereye impanuka igerageza gufasha abakomeretse, gufasha imodoka ngo zibashe gutambuka neza no gushaka uko abakomeretse bagera kwa muganga.

Source: INTYOZA.COM

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 76 bakize Covid-19 mu Rwanda abandi 29 barayandura

Minisiteri y’Ubuzima yatangaje ko uyu munsi tariki ya 25 Ugushyingo 2020,...
25 November 2020 Yasuwe: 1154 0

Inyubako zizatuzwamo abari batuye muri Bannyahe ziri mu Busanza zamaze...

Inyubako za mbere zizatuzwamo abantu ba mbere mu batuye mu midugudu igize...
25 November 2020 Yasuwe: 2604 0

Abantu 44 bakize Covid-19 mu Rwanda abandi 24 barayandura

Minisiteri y’Ubuzima yatangaje ko uyu munsi tariki ya 24 Ugushyingo 2020,...
24 November 2020 Yasuwe: 1095 0

Perezida Kagame yakiriye Irage yahawe n’umubyeyi w’Intwaza uherutse...

Kuri uyu wa Kabiri tariki 24 Ugushyingo 2020, nibwo Umuyobozi w’Umuryango...
24 November 2020 Yasuwe: 2649 0

RBC igiye gutangira gupima COVID-19 ikoresheje imbwa

Ikigo cy’Igihugu cyita ku Buzima (RBC) gitangaza ko mu kwezi kumwe kizaba...
24 November 2020 Yasuwe: 765 0

Abantu 61 banduye Covid-19 mu Rwanda abandi 33 barayikira

Minisiteri y’Ubuzima yatangaje ko uyu munsi tariki ya 23 Ugushyingo 2020,...
23 November 2020 Yasuwe: 1652 0