Kigali
startimes

Kamonyi: Ikirombe cyagwiriye abantu 3 umwe ahasiga ubuzima babiri barakomereka

Amakuru   Yanditswe na: Dusingizimana Remy 16 November 2019 Yasuwe: 1730

Abasore babiri n’umugabo umwe bo mu murenge wa Kayenzi bagwiriwe n’ikirombe umwe arapfa, abandi babiri barakomereka bajyanwa kwa muganga.



Iyi mpanuka yabaye mu gitondo cyo kuri uyu wa gatandatu,Nkuko amakuru Pressbox dukesha iyi nkuru yabitangarijwe n’ubuyobozi bw’umurenge n’abaturage.

Amakuru yemeza ko uwapfuye ari umugabo witwa Nsengiyumva Venuste w’imyaka 37 y’amavuko, akaba asize umugore utarabyara (babanaga batarasezerana), mu gihe abakomeretse ari abasore babiri bari mu kigero cy’imyaka 30 y’amavuko.

Abari bahibereye iyo mpanuka iba bavuga ko byabaye hagati ya saa tatu na saa yine, ubwo abo basore babiri n’umugabo umwe bari bazindutse bacukura amabuye y’agaciro muri icyo kirombe giherereye mu mudugudu wa Gikurubuye mu Kagari ka Mataba, hanyuma ngo kikaza kuneka umwanya muto kigahita kigwa abacukuraga bakirimo imbere.

Umwe mu bahageze bikiba witwa Nzibonera Gilbert yagize, ati: “Binjiye mu kazi kiramanuka bagezemo, kubera ko ari ubucukuzi butujuje ubuziranenge, imvura yaraguye bituma cyoroha, bagezemo rero gihita kibagwaho, ubundi abantu batangira ubutabazi nyuma n’ibimashini bicukura biraza”

Umunyamabanga nshingwabikorwa w’umurenge wa Kayenzi iyo mpanuka yabereyemo yemeje aya makuru, avuga ko habayeho ubutabazi bwihuse nubwo umwe we basanze byamaze kurangira, anaboneraho kugira abantu inama yo kwitwararika no kubahiriza amategeko ku bacukura na ba nyiri ibirombe.

Ati: “Ni ko byagenze koko, twahawe amakuru n’umudugudu mu gitondo. Twifashishije imashini z amakompanyi yandi acukura amabuye, tunafatanya n’abaturage. Icyo kirombe kiremewe, ariko hari igihe hajyamo abitwa abahebyi(abajya kwiba mu birombe bikinze ijoro) turacyakurikirana nyiracyo ntaraboneka”

Yongeraho, ati: “Turakangurira abacukura kujya bubahiriza amategeko, ni ukuvuga uburyo buteganwa n’amategeko mu gucukura, nko gukoresha uburyo bwo kwirinda burimo kujya mu cyobo wambaye ibikurinda no kuba ikirombe kimeze neza nkuko bagiye babihugurirwamo n’inzego zibishinzwe.”

Muri uyu murenge wa Kayenzi haherukaga kumvikana uwaba yahitanywe n’ikirombe mu myaka ibiri ishize.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Engineer

    Birababaje ariko kandi ibi bintu ntibikwiye. Kuki izi mpanuka zikomeje guhitana abantu kandi hari abantu basobanukiwe nibi bintu batemerewe kujya kubikora??? Birababaje rwose kaminuza yasohoye intiti zabyize none ibibazo mwanze ko zibibafasha ngo ntimwabaha umwanya ngo babigishe! Ibi bintu nabyo bige bibazwa RMB

    November 2019

Inzindi nkuru

Habonetse abantu 38 banduye Coronavirus mu Rwanda hakira abandi...

Uyu munsi tariki ya 12 Nyakanga 2020, abanduye Coronavirus mu Rwanda...
12 July 2020 Yasuwe: 1559 0

Covid-19 yahitanye umuntu wa Kane mu Rwanda, yari umusaza w’imyaka...

Uyu munsi tariki ya 11 Nyakanga 2020,habonetse undi muntu wa Kane...
11 July 2020 Yasuwe: 11365 0

Abantu 42 banduye Coronavirus mu Rwanda abandi 12 barayikira

Uyu munsi tariki ya 10 Nyakanga 2020, habonetse abanduye Coronavirus bashya...
10 July 2020 Yasuwe: 1703 0

Kigali: Imwe mu midugudu yari muri Guma mu rugo kubera COVID-19...

Minisiteri y’Ubutegetsi bw’Igihugu [MINALOC] yatangaje ko yakuye muri gahunda...
10 July 2020 Yasuwe: 1596 0

Perezida Kagame yavuze ku ifunguro akunda n’ukuntu ajya asiba amafunguro ya...

Nyakubahwa Perezida wa Repubulika,Paul Kagame yavuze ko atagira ibyokurya...
10 July 2020 Yasuwe: 7849 0

Zawadi na Mugenzi bahishuye uburyo umugabo udatera akabariro aheranwa...

Umutoni Zawadi wize amashuri makuru mu gihugu cya Cameroon aminuriza mu...
10 July 2020 Yasuwe: 3764 1