Kigali

Kamonyi: Umunyerondo yakubise umuturage arapfa arangije ajya kumuhisha mu biro by’akagari

Amakuru   Yanditswe na: Dusingizimana Remy 21 December 2019 Yasuwe: 3865

Umuturage witwa Muhoza Evaliste w’imyaka 30 y’amavuko wo mu Mudugudu wa Murambi, Akagari ka Gishyeshye ho mu Murenge wa Rukoma wo muri Kamonyi yasanzwe mu biro by’aka Kagari yapfuye nyuma y’inkoni yakubiswe nijoro n’ukuriye abanyerondo wamukuye mu rugo rw’abandi amukekagaho ubujura.



Nkuko amakuru dukesha ikinyamakuru Intyoza gikorera mu karere ka Kamonyi abitangaza,mu ijoro ryo kuwa Gatanu Tariki 20 ukuboza 2019 hagati ya saa sita na saa munani,uyu Muhoza yafashwe n’abari ku irondo hamwe n’inkeragutabara bamukekaho ubujura.

Biravugwa ko aba bashinzwe umutekano bakubise bikomeye bikamuviramo urupfu aho yaje kujyanwa rwihishwa mu biro by’Akagari abahageze mu gitondo bagasanga uwari muzima yapfuye.

Ibyishaka Rosine, Umunyamabanga Nshingwabikorwa w’Akagari ka Gishyeshye yabwiye intyoza.com ko uyu muturage yasanzwe mu nsi y’igitanda cy’umukecuru, bagakeka ko yari agiye kwiba. Bahuruje haza abanyerondo n’inkeragutabara baramutwara, arakubitwa nyuma bamushyira mu biro by’Akagari aho muri iki gitondo basanze uwari muzima yapfuye.



Ati” Nyine ni umuntu ngo wari wagiye kwiba ahantu, noneho baratabara bari kumwe n’Inkeragutabara.Inkeragutabara nyine ishobora kuba yamukubise, twebwe tuje tuvuye ku kazi ( kuri Terrain) mu mudugudu tugeze ku Kagari kuko yari yabwiye umu cleaner( Ukora amasuku) kuko atuye hafi y’Akagari ngo amwoherereze urufunguzo ngo acane amatara, tugeze ku kagari neza uwo w’isuku aratubwira ngo mu Kagari harimo umuntu, ngo kandi ngo ndikubona ameze nabi, twari turi kumwe na DASSO, dufunguye rero dusanga nyine ni uko bimeze (yapfuye)”.

Gitifu Ibyishaka, avuga ko ibi byabaye mu ijoro ryo kuwa Kane, ko ndetse muri Raporo yatanzwe y’ijoro bari bazi ko bwakeye amahoro.

Ati “ Urumva byabaye nijoro, ariko nta makuru twari dufite twe ntabyo twari tuzi na raporo yatanzwe twari tuziko bucyeye amahoro”. Akomeza avuga ko ubwo batabazaga, abaraye irondo n’iyo nkeragutabara aribo batabaye.



Gitifu yavuze ko iyi nkeragutabara ubwo yakaga urufunguzo umukozi ushinzwe isuku mu Kagari itigeze imubwira icyo igiye kurukoresha uretse gusa ngo gucana amatara. Avuga ko uwafashwe bamuzamukanye bamukura aho yafatiwe, ko byabaye hagati ya saa sita z’ijoro na saa munani.

Uyu ukuriye abanyerondo witwa Mbarubukeye Damascene ushinjwa gukubita Muhoza yahise acika nyuma yo kumenya ko yishe umuntu ndetse ngo na nomero ze za telefoni ntiziri ku murongo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Mahoro

    Imana imwakire mubayo
    Mu Murenge wa Runda, akarere ka Kamonyi natwe leta nidutabare kuko Inkeragutabara zitumereye nabi cyane ejo mutazabitangaza twatangiye gupfa!!

    3 months ago

Inzindi nkuru

Mu bantu 772 bapimwe mu masaha 24 habonetsemo 5 banduye Coronavirus mu...

Mu Rwanda hagaragaye abandi bantu batanu barwaye icyorezo cya COVID-19...
8 April 2020 Yasuwe: 2979 0

Nyarugenge: Abaturage barwanye n’abayobozi bapfa ibyokurya byo gufasha...

Abayobozi n’abaturage bo mu Mudugudu wa Ruhango, Akagari ka Ruliba, Umurenge...
8 April 2020 Yasuwe: 5722 0

Coronavirus: Nta murwayi mushya wagaragaye mu bantu 806 bapimwe mu Rwanda...

Minisiteri y’Ubuzima yatangaje ko uyu munsi tariki ya 07 Mata 2020, nta...
7 April 2020 Yasuwe: 2900 1

Coronavirus: Amafaranga azava mu mishahara y’abayobozi bakuru ashobora...

Minisitiri w’Imari n’igenamigambi, Dr Ndagijimana Uzziel,yatangaje ko...
7 April 2020 Yasuwe: 1874 0

"Ibi bihe turimo bidasanzwe ntibishobora kutubuza kuzuza inshingano yo...

Nyakubahwa Perezida wa Repubulika,Paul Kagame,yavuze ko ibihe bibi u Rwanda...
7 April 2020 Yasuwe: 2196 0

Abanduye Coronavirus babaye 105...Habonetse umuntu umwe kuri uyu wa...

Kuri uyu munsi tariki ya 06 Mata 2020, Minisiteri y’Ubuzima yatangaje ko...
6 April 2020 Yasuwe: 2083 0