Kigali

‘Kwirinda Ebola birasaba isuku no gutanga amakuru ku gihe’ – Minisitiri Gashumba

Amakuru   Yanditswe na: Nsanzimana Ernest 7 August 2018 Yasuwe: 618

Minisitiri w’ Ubuzima Dr Diane Gashumba yatangaje ko ku Rwanda gukumira Ebola bishoboka cyane kuko rudafite inkende zibika virus iyitera.

Abitangaje mu gihe Ebola yongeye kugaragara muri Repubulika Iharanira Demukarasi ya Kongo hafi y’ umupaka w’ u Rwanda kuko Ikiyaga cya Kivu aricyo gitandukanya agace yagaragayemo n’ u Rwanda.

Minisitiri Gashumba yabwiye Abanyamakuru kuri uyu wa 7 Kanama ko ku butaka bw’ u Rwanda nta Ebola ihari kandi ko niyo mu Rwanda hakwinjira umuntu uyirwaye abandi bakaba maso batakwandura.

Yagize ati “Ku butaka bw’ u Rwanda nta Ebola ihari”

Yavuze ko Ebola umuntu yanduzwa n’ uko akoze ku muntu uyirwaye cyangwa agakora ku matemabuzi ye.

Minisitiri Gashumba yavuze ngo “Habaye gahunda y’ isuku ihoraho isuku ikaba umuco, abantu bagakaraba intoki n’ amazi meza n’ isabune igihe cyose ntabwo Ebola yatugeraho. Nubwo hakwinjira umuntu uyifite ntabwo twakwandura”

Umurwayi wa Ebola wamubwirwa ni uko ababara mu nda, akaruka, agahitwa, akababara mu ngingo, akanava amaraso ahantu hose hari umwenge ku mubiri.

yagize ati “Icyo dushimangira cyane ni uko Ebola atari indwara ipfa kwandura. Kuyirinda biroroshye ni umuco w’ isuku. Mu Rwanda ntabwo dufite turiya dusimba tw’ inkende tubika virusi ya Ebola. Ni ukuvuga ngo Ebola mu gihugu cyacu tubashije kugira isuku, twayirinda tukayikumira”

Ebola yongeye kwaduka muri Kongo imaze guhitana abantu 33. U Rwanda rwafashe ingamba zikomeye zo kuyirinda, zirimo no gupima abinjira mu Rwanda.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imodoka yavaga mu mugi yerekeza Nyabugogo yataye umuhanda igonga abantu 7...

Polisi y’ u Rwanda ishami rishinzwe wo mu muhanda yavuze ko imodoka yo mu...
11 January 2019 Yasuwe: 4866 0

Umunyamideli w’umunyarwandakazi witeguraga gukora ubukwe vuba yapfuye...

Umunyamideli wari warabigize umwuga Alexia Uwera Mupende yitabye Imana ku...
9 January 2019 Yasuwe: 4787 0

Mukangendahayo Joselyne arwaye uburwayi budasanzwe butuma aruka ibikeri,...

Mukangendahayo Joselyne, umukobwa utuye mu mudugudu wa Rusasa mu kagari ka...
31 December 2018 Yasuwe: 4951 0

Uyu mubyeyi arashinja abaganga bo mu bitaro bya Muhima kumurangarana...

Ibitaro bya Muhima mu Mujyi wa Kigali birimo gukurikirana ikibazo cy’umugore...
26 December 2018 Yasuwe: 2987 1

Musanze: Hari imiryango yaboneje urubyaro igirwaho Ingaruka n’uburyo...

Mu Karere ka Musanze mu ntara y’Amajyaruguru hari imiryango itifujwe...
22 December 2018 Yasuwe: 1307 0

Komisiyo y’Abakozi ba Leta yasabye Minisante kwirukana abakozi bayo batanze...

Mu ibaruwa yo ku italiki 5/11/2018 Komisiyo y’abakozi ba Leta yandikiye...
20 December 2018 Yasuwe: 10869 6