skol
Kigali
startimes

Leta ishobora kwemerera abakobwa bari munsi y’imyaka 18 gukurirwamo inda batabanje kubisaba ababyeyi babo

Amakuru   Yanditswe na: Dusingizimana Remy 19 December 2020 Yasuwe: 3633

Minisiteri y’Ubuzima mu Rwanda, yatangaje ko hari ibiganiro biri gukorwa bigamije kurebera hamwe niba abana bari hagati y’imyaka 15 na 18 bakwemererwa gufashwa gukuramo inda badasabye uburenganzira ababyeyi babo.


Muri iki gihe,imibare y’abangavu bari guterwa inda zitateguwe ukomeje kwiyongera ndetse iki ni kimwe mu bihangayikishije Leta y’u Rwanda cyane ariyo mpamvu hari gushakishwa igisubizo cyazigabanya.

Minisitiri w’Ubuzima mu Rwanda, Dr. Ngamije Daniel, yatangaje ko leta irajwe ishinga no gufasha abagore n’abakobwa muri rusange kubona serivisi zo kuboneza urubyaro igihe cyose bazifuje, ndetse ko hari kurebwa ku buryo n’abakobwa bari munsi y’imyaka 18, ubusanzwe batari bemerewe kwisabira izi serivise, bashobora kwemererwa kuzisabira no kuzihabwa.

Mu kiganiro na Rwanda Today, yagize ati “hari ibiganiro byinshi biri kwiga ku kureba niba abana b’abakobwa bakwemererwa kubona serivisi zo kuboneza urubyaro bitabaye ngombwa ko bagisha inama ababyeyi babo. Ibiganiro birakomeje. Biramutse byemejwe [ko abakobwa bakiri bato batangira guhabwa izo serivisi] byakongera umubare w’abazikoresha”.

Dr Ngamije kandi yavuze ko kugira ngo leta igeze izi serivisi ku bagore n’abakobwa bose bazikeneye, iri kwiga ku bundi buryo yageza izi serivisi ku baturage bitanyuze mu mavuriro ifatanyije n’imiryango y’Abihayimana, yamaze kugaragaza ko idashyigikira gahunda zo kuboneza urubyaro.

Mu mwaka wa 2016, abangavu basambanyijwe bagaterwa inda z’imburagihe mu gihugu hose bari 17.849, mu 2017 baba 17.337 naho muri 2018 bagera kuri 19.832.

Kuva muri Mutarama kugeza muri Kanama umwaka ushize, abangavu batewe inda bari 15,656.

Dr Ngamije atangaje ibi mu gihe imibare igaragazwa n’ubushakashatsi bwa ‘Demographic and Health Survey’ ivuga ko 64% by’abagore n’abakobwa mu Rwanda ari bo bagerwaho na serivisi zo kuboneza urubyaro mu baba bagerageje kuzishaka.

Iyi ni inyongera ya 19% by’abashaka serivisi zo kuboneza urubyaro kandi bakazihabwa, ugereranyije n’uko byari bimeze mu myaka itanu ishize.

Iyi mibare kandi igaragaza ko umubare w’abifuza kuboneza urubyaro mu Rwanda wiyongereye, uva kuri 72% ugera kuri 78% mu myaka itanu ishize. Hakagaragazwa ko icyuho cy’abashaka serivisi zo kuboneza urubyaro ariko ntibazibone gihagaze kuri 14%.

Ubu bushakashatsi kandi bugaragaza ko ikibazo cyo kutabona serivisi zo kuboneza urubyaro ku bagore kiganje cyane mu cyaro, mu gihe Umujyi wa Kigali n’Intara y’Iburengerazuba ari zo ntara zifite icyuho kinini cy’abakenera serivisi zo kuboneza urubyaro ariko ntibazibone, gihagaze kuri 16%.

Abagore n’abakobwa batagize amahirwe yo kujya mu ishuri ni bo cyiciro kitagerwaho n’izi serivisi kurusha abandi, aho bafite icyuho cya 19% by’abazishaka ariko ntibazibone.

Serivisi zo kuboneza urubyaro mu Rwanda zirakenewe cyane, kuko igihugu gituwe cyane n’abakiri bato bagifite ubushake bwo kurumbuka. Ni mu gihe kandi umubare w’abana ku mubyeyi w’Umunyarwandakazi ukiri hejuru, kuko bari abana 4.02 ku mubyeyi umwe mu mwaka ushize, bavuye ku bana 4.13 mu 2017.

Source: IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 2 bahitanwe na Covid-19 mu Rwanda abandi 289 barayandura

Minisiteri y’Ubuzima yatangaje ko uyu munsi tariki ya 19 Mutarama...
19 January 2021 Yasuwe: 4285 0

Urujya n’uruza muri Gare ya Nyabugogo ni rwose ruhunga Guma mu rugo ya...

Nyuma y’aho Inama y’abaminisitiri isubije muri Guma mu rugo kubera...
19 January 2021 Yasuwe: 8094 0

Prof.Shyaka yahumurije Abanyarwanda batewe ubwoba n’inzara muri Guma mu...

Mu gihe Kigali yose yashyizwe muri Guma mu Rugo bikaba bituma hari ababura...
19 January 2021 Yasuwe: 3805 0

Covid-19: Hapfuye abandi bantu 4 mu Rwanda, abanduye bashya ni...

Minisiteri y’Ubuzima yatangaje ko uyu munsi tariki ya 18 Mutarama...
18 January 2021 Yasuwe: 4039 0

Abantu 02 bahitanwe na Covid-19 mu Rwanda abandi 182 barayandura

Minisiteri y’Ubuzima yatangaje ko uyu munsi tariki ya 17 Mutarama...
17 January 2021 Yasuwe: 4119 1

Ibitaro bya Leta byose byategetswe kuvura abarwayi ba Covid-19 hakoreshejwe...

Minisiteri y’Ubuzima yategetse ibitaro byose bya Leta ko guhera kuri uyu wa...
17 January 2021 Yasuwe: 3727 0